سؤال هام بخصوص من حصل علي الشهاده ويعمل الان

السلام عليكم ورحمه الله وبركاته
اولا شكرا الي المنتدي العظيم عرب هارد وير وكل اعضائه

لو سمحت انا الان بدرس mcse
وسوف ادرس ccna+ccnp
وسوف باذن الله احصل علي ceh بس بعد الوظيفه لان تكاليفها عاليه جدا
السؤال بقي انا مش لاقي علي النت اي وظايف لل اي تي
هو الشغل في المجال ده صعب؟
ولا انا اخترت المجال الخطأ في مصر؟
ام الكورسات دي قديمه ولم تعد لها قيمه؟
ولا انا مش عارف ابحث؟ اكيد هو ده....:D
طب بالنسبه لمتوسط الراتب تقريبا بيكون كام برضه اصل انا قدامي كذا مجال في الي تي
انا الحمد لله بحب الشغل علي الكمبيوتر جدا

ارجو من اعضاء المنتدي العظيم الرد علي اسئلتي من واقع الخبره
وشكرا جزيلا لكم

انتو فين يا رجاله

السلام عليك ورحمة الله وبركاتة

والله يا اخى المجال كويس جدا جدا جدا وشغلة جميل جدا انا خريج علوم تقدير جيد جدا كان عندى فرصة كبيرة اكمل فى مجال العلوم واتعرض عليا شغل كتير خاص بالعلوم بس فضلت الاى تى علية واخدتISA,EXCHANGE ,A+,N+,MCSE والحمد لله شغال كويس والشغل فى المجال دا كتير بس اهم حاجة تكون حابة عشان تعرف تثبت نفسك فية وبالنسبة للراتب دا زرق

اهم الرجالة وصلو بالسلامة و ردو عليك
شكرا اخى ahd_abdelwahed على المشاركة

المجال لا صعب ولاسهل
الموضوع يتوقف على مدى حبك و اصرارك على التقدم و الوصول الى هدفك

اتكل على و بالتوفيق

محتاج المذيد من الردود اخواني

المجال ممتاز جدا جدا ومحتاج شخص حابه وعنده استعداد للمذاكرة بشكل مستمر علشان الاطلاع على جديد التكنولوجيا بالاضافة الى اجتياز الشهادات أولا بأول يعني من وجهة نظري أنصحك برده بمذاكرة منهج N+ منهج لذيذ جدا ومفيد جدا وهيفيدك في معلومات كتيرة وبعدها توكل على الله خلص الmcse وبعدها اعمل ابديت للmctip للسيرفر 2008 علشان تكون عندك خلفية محترمة في التراك بتاع ميكروسوفت اما بالنسبة لسيسكو فمن رايي لو عايز تدرس فيها ما تدرسش اكتر من ccna لانه السيسكو مجالها حلو اوي لكن علشان تشتغل صح بيها مش يبقى لازم تركز في مجالها بس بعيد عن ميكروسوفت وربنا يوفقك اما بالنسبة لموضوع الراتب فالارزاق بيد الله لكن اتمنى الاخوة يفيدونا خصوصا في مصر بعد الاحداث الاخيرة
في أمان الله