ياريت الناس كلها تدخل وتشوف المهزله

معلش ياجماعه انا عارف ان الموضوع مش في القسم بتاعه بس الراجل ده نصاب محترف والله انا مشفتش حد بالكدب الكبير ده في حياتي الأخ قال انه جايب الكرت من السعوديه يعني جاله من بره علشان كده من غير كراتين مع ان الحقيقه اللي عرفتها انه شاريه مستعمل من الأخ dark _sider والله في وقتها انا مش كنت عايز اشتري الكارت بس الطمع عماني والأخ dark _sider انا عرفه كويس لاني كلمته قابليها بيوم على التلفون وكنت بتفق معاه على الكارت 4850 اللي كان ريشته مكسوره سبحان الله يطلع هو برده صاحب الكرت اللي الحرامي ده اشتراه وجي يقول انا زعلان علشان بتقوله عليا انا نصاب وبيكلم وبيقول سوء استخدام مني مع انك انت فكيت الكارت خالص وحاطط معجون حراري ومطلع عينه وانا بعد مشلت المروحه لقيت الحديده بتاعت التبريد متنيه في بعض الأجزاء وصحبي قالي ان الأخ كان بيحاول انه يركب مروحه وانا بعد مااخد منك الكارت واحطه في الكيسه واستعمله يوم على باور 550 وات انا شاريه من سنه و7شهور ب420 جنيه رايح تجيب العيب فيه انت بتستهبل بجد حسبنا الله ونعم الوكيل طيعت فرحتي انا واخويه بحركه النصب اللي انت عملتها بالمجموع الكبير بتاع ثانويه عامه ونستني خالص الفرحه وكل همي ازاي ارجعلك الكارت ياراجل انا اتصلت بيك 63 مره وانت مردتش عليا فيهم غير في اول مره لما اتفقت معايا اننا نتقابل اقسم بالله ان لو كانت اخر حاجه في العالم اني اجيبك من قفاك والله هعملها علشان مش انا اللي يدحك عليه بالطريقه المحترفه ده ارجو من الأخوه المشرفين عدم غلق الموضوع او نقله والنبي الله يخليكم سبوه شويه انا عاوز حقي بجد

اقتباس:

---

انا عاوز حقي بجد

---

عدم غلق الموضوع لم يرجعلك حقك اخى الحبيب

لابد قبل شراء اى شىء مستعمل تجربتة
ويفضل شراء اللى لسة فى الضمان

:mad:
معلشى يا اخى عوضك على الله
قل لا يصيبكم الا ماكتب الله لكم
من لا يتالم . لا يتعلم
بس هو انت اشتريت كارت ايه ودفعت فيه كام ؟

طب انا عاوز اعرف هو مشكله الكرت دلوقتى التبريد والحرارة بس ولا فى حاجه تانيه عشان ممكن اقدر اساعدك

بص قدر الله وما شاء فعل والله كما تدين تدان لابد هيجيله يوم واللى عمله فيك هيتعمل فيه وبردو ربنا يمهل ولا يهمل والله انا اشتريت جهاز XBOX360 وبعد فتره باظ وكان تمنه 2200 جنيه بردو كان مستعمل فربنا يخلف علينا جميعا وحسبى الله ونعم الوكيل لاى حد يضحك على حد :rolleyes:

يا راجل يا طيب يعنى انت ذاكر اسمى انا مرتين ومش ذاكر اسم الى نصب عليك ولا مره والله انا اول ما شوفت الموضوع افتكرتك بتتكلم عليه وما فهمتش الا بعد ما قريت الموضوع بالراحه
على العموم شوف DR_ER كان عرض عليك امبارخ انه يدخل الكارت الضمان كلمه وان شاء الله مش هيتأخر عليك
وحسبى الله ونعم الوكيل فى اى نصاب

الموضوع ده مكرر وتم غلق الموضوع الاول
و انا كنت هبدل الكارت اللى بتتكلم عليه ده بكارت بتاعى GIGABYTE GT220
لكن الكارت بتاعى حصلت فيه مشكلة بعد ما بعت للاخ اللى باع لك الكارت
و بعته الضمان ورجعو لى فلوس واشتريت كارت جديد
شوف سبحان الله
هو نصيب برضه
حاول تصلح الكارت زى ما قالك الدكتور احمد
ده راجل محترم وممكن يصلحهولك ويرجعهولك شغال ومتندمش عليه كدة
و الراجل اللى باع لك المفروض يقابلك و تحلو المشكله لان هروبه منك بيثبت على نفسه تهمة

يا اخى ربنا يعوض عليك
ويعوض صبرك خير
وبعدين احمد الله انها جت فى الفلوس
ما جتش فى حاجه تانيه
وربنا يوفقك وياخذ ليك حقك ممن ظلمك

انا كلمت صاحب الكرت الأصلي DARK SIDER واللي باعه للحرامي GAMEDRAGON 64 بمبلغ 538.5 وراح يبعهولي انا ب400 جنيه بجد حسبنا الله ونعم الوكيل بعدماكان قايلي انه جايله هديه من السعوديه المهم اناكلمت DR _E والحمدلله الراجل اخد منى الكرت علشان الضمان

حضرتك اظن انك لو عايز حقك يبقي تعمل موضوع في قسم الشكاوي وبعدين مافيش حد في الدنيا بيشتري حاجة من علي اي منتدي الا لما يجربها اولا

شوفوا ياجماعه شكل الكارت عامل ازاي والنبي وبصوا كويس على المنطقه اللي اناعامل عليها الدايره هتلاقوا الراجل مطلع ..................


ملف مرفق 10101

طيب كويس ربنا يكره وDr-E يجهل ربنا على ايده الشفاء ان شاء الله
وصدقنى الكمبيوتر بالذات لا يتعلم احد فيه الا بالخساره
واحمد ربنا على اللى حصل كان ممكن يكون الكارت سليم وتجيب مجموع وحش يبقى ايه رأيك ف كده
ولا تقلق اخى ان الله عدل يحب العدل وهو الحق الوكيل فالله وكيلك وهو نعم المولى ونعم النصير

انا اشتريت حجات كتير عن طريق الانترنت اشتريت موبايلات ومش واحد ولا اتنين ده يجى 6 موبايلات والحمد لله مافيهمش اى مشكله تماما
واشتريت عجله قياده للكمبيوتر وعد فتره باظت منى وصاحب الوييل مالوش دعوه بس الحمد لله ضمانها لسه سارى وديتها المحل كمبيو مى وهما ودوها للوكيل واتصينت والحمد لله شغاله ميه ميه
واشتريت مشتت والحمد لله تمام

هيهيهيهيههيه..
حلو الرقم ده (( 538.5)) هو كان بيطلع اللى فى جيبه وقتها ولا ايه..
و حلوة صورة الكارت ديه..
طب ليا سؤال.. ده الواحد مننا لما بيشترى حاجة جديدة و هى لسه فى الضمان و قبل ما اخدها و امشى
ع الاقل بعينها من اى شرخ او عيوب واضحة.. ما بالك بقى ان ده مستعمل..
طب انت ليه مابصتش عليه وانت بتخده منه و ادامه ؟؟
-انا فى راى و من العدل انتو الاتنين تتحملو خسارة اللى حصل..
يمعنى انت النص و هو النص غير كده يبقى حرام عليه لانه قالك عليه ضمان 3 اسابيع مظبوط؟؟
و العيب ليس من الباور ولا من البطيخ.. العيب واضح من الكارت لانك بتقول استخدمته قبل كده فى كرتين تقال برده

يا أخي الفاضل .. انا رديت عليك في موضوعك السابق ..

اولا : مبروك المجموع الكبير في الثانويه العامه .. هو ده المهم يا راجل :)

ثانيا : انا قولتلك طالما مش مسامح الراجل ( وده حقك ) تفضل بفتح موضوع في قسم الشكاوي والمقترحات .. وقم بعرض مشكلتك كامله ..

واحكي كل اللي حصل وكل اللي انت عاوزه وضيف صور كمان لو تحب .. وان شاء الله خير ..


@ الأخ مهند gamedragon : موقفك الأن سيء جدا .. اذا لم ترضي هذا الرجل بأي طريقه كانت .. فأعلم ان ايقاف عضويتك هي اقل ما يمكن ان نقدمه لك :)

وسنقوم بتتبع ال IP لك .. ولن تفلح في عمل اي عضويه اخري :) .. هذا اذا اخترت الهروب والأصرار علي الخطأ .. هداك الله :)

الأخ صاحب الموضوع : اتمني عدم فتح ايه مواضيع اخري هنا في القسم لانه ليس المكان المناسب .. وأعدك شخصيا ان شاء الله بحل مشكلتك :)

او علي الأقل ايقاف هذا العضو اذا ثبت 100% انه نصاب :)

يغلق ..