السلام عليكم و رحمة الله و بركاته
اخوكم محمود من القاهرة, مصر. بأذن الله, انا مقبل على شراء جهاز جديد في خلال الشهرين القادمين. و بما اني مش بحب اجيب الجهاز كله على بعضه, فقررت اجيبه قطعة قطعة. و بالفعل ابتديت في المهمة العظيمة التي تسعد القلب و تحزن المحفظة :)
انا بعت جبت الرامات و الباور صبلاي من بره. ليه؟ عشان انتو طبعا عارفين ان مش كل حاجة موجودة في مصر. و اللي موجود في مصر طبعا مش وحش و لكن الواحد لما حاجة معينة تخش دماغه, مبيقتنعش بأي بديل ليها. و انا للأسف دخل دماغي باور سبلاي معين و ملقيتوش هنا. فركبت دماغي و قلت "مليش دعوة, حجيبه من بره" :)
طبعا نفس الحكاية للرامات. طبعا فكرتوا "ماهي رامات GSkill Ripjaws-X موجودة في مصر!!". و لكن الفكرة اني دورت و ملقيتش الرامات دي بالذات و اللي هي 8 جيجا و تردد 1866 ميجاهرتز و تواقيت 9-10-9-28 و تشتغل على فولت 1.5 . ممكن تكون عيني غفلت عنها هنا و لكن تخيلوا اني جبتها من بره ارخص من لو كنت جبتها هنا (70 دولار كله يعني 420 جنيه مصري و هنا ال8 جيجا 1866 ب700 جنيه على الاقل).
اسف على المقدمة الطويلة. يلا نبتدي في الunboxing :) (ارجو انكم تعذروني على اي اخطاء في التصوير. فانا مبتدئ في الموضوع ده:o)
نبتدي ببعض الصور المختلفة للعلبة. الرامات موضوعة بإحكام داخل العلبة البلاستيك. لو تلاحظوا على العلبة مكتوب" Designed for 2nd Generation Intel Core Processors and P67 Platforms". ده مش معناه انها تشتغل على ساندي بريدج فقط و لكن على اي منصة اخري. الفكرة في الجملة دي ان الساندي بريدج بيحتاج (و لكن مش ضروري قوي) رامات تشتغل على فولت 1.5 عشان الرامات تشتغل باعلي كفاءة ليها, على عكس اللي كان منتشر قبل كده و تشغيل الرامات على فولت 1.65
https://img594.imageshack.us/img594/...1003104103.jpg
https://img685.imageshack.us/img685/...1003104116.jpg
https://img847.imageshack.us/img847/7106/p1020318a.jpg
و دي صورة للعلبة من الخلف. مفيش اي معلومات و لكن GSkill عايزة تقولنا انها جامدة و الحركات دي يعني هههه :rolleyes:
https://img638.imageshack.us/img638/1887/p1020337b.jpg
و دي بعض الصور لرامة واحدة منهم بعد ما شلتها من العلبة. طبعا احنا مش حنقدر نشوف التشيبات نفسها, لأنها متغطية بالمشتت الحراري المميز للفئة ال Ripjaws-X series من GSkill بلونه الاحمر المميز.
https://img525.imageshack.us/img525/9392/p1020323w.jpg
https://img62.imageshack.us/img62/8126/p1020324z.jpg
و هنا نشوف كل المعلومات اللي محتاجينها عن الرامات دي:
السعة: 8 جيجابايت (2 في 4 جيجا)
التردد: 1866 ميجاهرتز
الفولت: 1.5 فولت
التواقيت: 9-10-9-28 (الرامات دي تعتبر CL9 الا و هو CAS Latency 9)
https://img822.imageshack.us/img822/5679/p1020326c.jpg
و دي محاولة يائسة اني اشوف التشيبات. و لكن نقدر نلاحظ السمك بتاع الرامة (مع انه مش حيفرق قوي) و نقدر برضه نلاحظ طول الرامات و التي تعتبر متوسطة. يعني مش طويلة جدا و لا قصيرة زي الرامات من غير مشتت. التقارير على النت بتقول انك مش حتواجه مشاكل مع الرامات دي في حالة تركيب مشتت هوائي احترافي كبير للمعالج و لن يحدث ما يسمي بالClearance issue or conflict.
https://img683.imageshack.us/img683/5076/p1020329cc.jpg
و ده منظر الرامة من فوق و ده اللي متوقع نشوفه عند تركيب الرام في البوردة.
https://img834.imageshack.us/img834/1387/p1020330ot.jpg
و ملاحظة صغيرة كده. الPCB او البوردة اللي راكب عليها التشيبات لونها اسود و ده يختلف عن معظم الرامات اللي بيبقي لونها اخضر عجيب:) ممكن ده ميكونش عامل مهم بالنسبة لناس كتير و لكن بما اني نمكي حبيتين و GEEK :cool:, احب الالوان تكون متناسقة مع بعضها(و ده اللي ان شاء الله ناوي اعمله في الجهاز كله)
https://img684.imageshack.us/img684/6360/p1020333m.jpg
و دي صورة الرامتين مع بعض (يا حلاوتكم يا جمالكم :))
https://img853.imageshack.us/img853/4274/p1020331w.jpg
و الصورة دي اهداء لأفضل منتدي geeks على الاطلاق :D
https://img823.imageshack.us/img823/9509/p1020335i.jpg
و في النهاية, ارجو ان يكون الunboxing الخفيف ده عجبكم :). ده اول unboxing اعمله فيا ريت لو فيه اي اخطاء او تعديلات, تقولولي علي طول عليها.
و انتظروا قريبا جدا unboxing لباور سبلاي مختلف شوية (غير منتشر في مصر اقصد) و لكن مش حعمله دلوقتي عشان عايز اعرف العيوب في موضوعي ده الاول عشان مكررهاش بعد كده :cool:
سلام
