استقسار بخصوص كسر سرعه I5 2500K
انا كسر ت البروسيسور علي 4.8 و كنت ظابط الفولت علي 1.40 و بعد ذلك ضغطت عليه ببرنامج PRIME95 و كان الفولت بتغير مابيت 1.418 و 1.422 فهل المعدل ده كويس و لا يخوف و كانت اقصي حراره 69 و بتنزل شويه 64 فعايز اعرف هل الحراره معقوله و هل بمعدل الفولت ده ممكن اخري اوصل لكسر سرعه اد ايه و ايه الاعدادات المقترحه للكسر علي 5.0 و البورده اللي عندي
ASUS P8Z68 V/GEN3 و باتش البروسيسور 3134B315 من مصنع كوستاريكا فهل هو باتش كويس و لا لأ ويفرق في كسر السرعه و لأ و علي فكره انا لما حاولت في كسر السرعه علي 4.8 انزل الفولت اقل من 1.40 كان اول ما ابدا الضغط الكيسه ترستر مع اني لما كسرت علي 4.6 كنت عامل الفولت 1.36 و في التيست بالبرايم الفولت متعداش 1.352 و لما كسرت علي 4.5 كنت ظابط الفولت برده علي 1.36 و اثناء الضغط بالبرايم كان اقصي فولت 1.322 فهل المعدلات بتاعت الفولتات كويسه و لا سيئه
و اسف ان انا طولت عليكم و شكرا جداااااا
رد: استقسار بخصوص كسر سرعه I5 2500K
السلام عليكم
يفضل وضع صورة لدرجات الحرارة من برنامج everest
بدون كسر وفى وضع الخمول
وصورة اخرى للضغط برده بدون كسر
ورجع الاعدادات الافتراضية
لان اقصى فولت للبروسيسيوير هو 1.4وانت عديت الليمت المطلوب
رد: استقسار بخصوص كسر سرعه I5 2500K
رد: استقسار بخصوص كسر سرعه I5 2500K
يا جماعه و نبي حد يطمني الله يخليكم يا خبراء عرب هاردوير :ah38::ah38::ah38:
رد: استقسار بخصوص كسر سرعه I5 2500K
وضعك ممتاز ولا تحاول تخطي هذا الفولت أو التردد وراقب الحرارة بالصيف فإن تخطت 80 درجة ارجع للتردد 4.6 مع فولت 1.36 .
رد: استقسار بخصوص كسر سرعه I5 2500K
طيب ان احتمال اشتري مشتت افضل زي fario OC EXTREM فهل ممكن اوصل ل 5.0 ولو ممكن يبقي علي فولت كام و اللي اتفجأت بيه دلوفتي ان الكيسه بتقفل فجأه من غير حتي ما اكون ضاغط علي البروسيسور ده و انا كاسر علي 4.8 في الوضع اللي كتبته فوق فالعيب من ايه هل الفولت بيوطي جامد فجأه و لا العكس بيعلي و ياريت تديني احسن اعدادت للكسر علي 4.8 و كمان علي 5.0 و اسف طولت عليك و شكر ا جدا لاهتمام حضرتك و ردك
رد: استقسار بخصوص كسر سرعه I5 2500K
5.0g للعمل المتواصل أمر صعب , ممكن توصله للتجربة فقط لأنه يحتاج فولت عالي والاستقرار معاه مش مضمون .
بخصوص مشكلتك مع تردد 4.8 تأكد من تعطيل خيارات حفظ الطاقة C1E و Intel Speed Step .
رد: استقسار بخصوص كسر سرعه I5 2500K
اقتباس:
المشاركة الأصلية كتبت بواسطة Extreme2
5.0g للعمل المتواصل أمر صعب , ممكن توصله للتجربة فقط لأنه يحتاج فولت عالي والاستقرار معاه مش مضمون .
بخصوص مشكلتك مع تردد 4.8 تأكد من تعطيل خيارات حفظ الطاقة C1E و Intel Speed Step .
انا فعلا عامل للاعدادت ده disable و مخلي load line calibration علي extreme اعمل ايه ياريت حضرتك تديني افضل اعدادات مع العلم انه مبيفصلش عشان الحراه هو يمكن بيفصل عشان حاجه في الفولت يا اما بيزيد في بعض الاحيان زياده عن الزوم او بيقل زياده عن اللزوم مش عارف و لو حبيت اجرب الكسر علي 5.0 بس لمجرد التجربه اخلي الفولت كام
و بجد حضرتك عضو رائع لانك بتدي من وقتك و مجهودك لكل الاعضاء و بتساعدهم و الف شكر يا باشا:ah7::ah7:
رد: استقسار بخصوص كسر سرعه I5 2500K
انخفاض الفولت ورفعه أمر طبيعي بجميع اللوحات , جرب أن تضبط load line calibration على high والفولت خليه 1.45v وشوف .
رد: استقسار بخصوص كسر سرعه I5 2500K
انا جربت الاعدادات اللي حضرتك ادتهالي بس اول ما ابتديت الضغط بالبرايم الكمبيوتر اقفل بس جربت اعداد ظبطط معاي خليت CPU VOLTAGE 1.420 و LOAD LINE EXTREME و ضغطت لمده ساعه و نص بالبرام و مكانش فيه اي مشاكل و الترد اللي كان شغال MAX 1.480 و MIN 1.360 و AVR 1.388 هل المعدلات ده مطمئنه و لا مخيفه و الحراه كانت اقصي حد ليها 71 C فهل فيه امل اني لو جبت مشتت احسن اوصل ل 5.0 GHZ بمعدلات الفولت اللي في كسر 4.8 اللي فوق ده يعني ممكن اوصل 5.0 و لا ساعتها هكون اتخطيب اقصي فولت ممكن :eek:
رد: استقسار بخصوص كسر سرعه I5 2500K
خلي بالك يا اخي لن الحرارة عامل من ضمن عوامل الكسر يعني مش معني انك تجيب مشتت اقوي يبقي ممكن تكسر السرعة اكثر
يعني هناك عامل الاستقرار والثبات وان يكون الفولت في الحدود المسموح بها والكسر بيكون انته وحظك مع باتش المعالج .
رد: استقسار بخصوص كسر سرعه I5 2500K
اقتباس:
المشاركة الأصلية كتبت بواسطة amrhesoka
انا جربت الاعدادات اللي حضرتك ادتهالي بس اول ما ابتديت الضغط بالبرايم الكمبيوتر اقفل بس جربت اعداد ظبطط معاي خليت CPU VOLTAGE 1.420 و LOAD LINE EXTREME و ضغطت لمده ساعه و نص بالبرام و مكانش فيه اي مشاكل و الترد اللي كان شغال MAX 1.480 و MIN 1.360 و AVR 1.388 هل المعدلات ده مطمئنه و لا مخيفه و الحراه كانت اقصي حد ليها 71 C فهل فيه امل اني لو جبت مشتت احسن اوصل ل 5.0 GHZ بمعدلات الفولت اللي في كسر 4.8 اللي فوق ده يعني ممكن اوصل 5.0 و لا ساعتها هكون اتخطيب اقصي فولت ممكن :eek:
لا توجد خطورة , خليك على الوضع الحالي وانسى موضوع 5.0G لأنه يحتاج لفولت عالي وسيشكل خطر على المعالج حتى مع المشتت الجديد .
رد: استقسار بخصوص كسر سرعه I5 2500K
يعني مفيش امل ان انا اوصل 5.0 اصلي بشوف علي النت ناس و اصله ل 5.0 و 5.2 حتي 5.5 يعني باتش البروسيور عندي سيئ و لا ده طبيعي ان الفولت يكون عالي كده في الكسر و لا انا عشان مثلا الباتش وحش بيخلي الفولت عالي في الكسر ياريت تفهمني النقطه ده و شكرا جدا يا باشا
رد: استقسار بخصوص كسر سرعه I5 2500K
نعم المسألة مسألة حظ , وطالما احتجت الفولت 1.42 لتردد 4.8G فإن تردد 5.0G يحتاج الى 1.50V على الأقل وهذا الفولت لا يصلح للعمل المتواصل على المعالج ويسبب عدم الاستقرار .
رد: استقسار بخصوص كسر سرعه I5 2500K
اخي الكريم معالجك يعتبر من افضل المعالجات وهو على تردده الاساسي ممتاز هل انت تعاني من مشكلة عنق زجاجة مثلا تردد4.0 كافي جدا:D