رد: الفيس بوك أداة للقتل !!
طول عمرى بكرة الفيس بوك ...وحاسس ان مافيش من وراة غير وجع الدماغ والمشاكل
واخير الموت ..........:eek:
شيء خطير فعلا ......ولا بد من التصدى لمثل هذة الظواهر بكل جدية منعا لآنتشار الكوارث الآجتماعية !!
شكرا يا عزيزى على الخبر :)
رد: الفيس بوك أداة للقتل !!
بصراحه بكره الفيس بوك ده جدا وبحس انه مستفز
رد: الفيس بوك أداة للقتل !!
رد: الفيس بوك أداة للقتل !!
الفيس بوك كان هيكون جميل لو اتعمل منه نسخه للعرب فقط
كان هيبقى مصدر لكل الخير والله - و الشر للقلّه المنحرفه للأسف
رد: الفيس بوك أداة للقتل !!
اقتباس:
المشاركة الأصلية كتبت بواسطة MF88
الفيس بوك كان هيكون جميل لو اتعمل منه نسخه للعرب فقط
كان هيبقى مصدر لكل الخير والله - و الشر للقلّه المنحرفه للأسف
+111
لكن ليس للعرب بل لأصحاب الأخلاق الجيدة
انا كنت بقول الفيس بوك غبي ومفيش منه فايدة
لكني سجلت فيه وتفاجأت والله روعة
اعجبت بمواقع الهاردوير وصرت ألحق اضع اخبار ومراجعات بالمنتدى :D
واتكلم مع اقربائي الي بعيدين عني
يعني الواحد لو بدو يسجل فيه ويستفيد منه حيستفيد ولو كان بدو يعمل العكس حيعمل
رد: الفيس بوك أداة للقتل !!
المشكلة هنا في المستخدمين
واحد يكتب أنا مسافر مع أصحابي يوم كذا من الساعة كذا للساعة كذا, و طبعا الباشا حاطط عنوانه أو رقم تليفونه في البروفايل بتاعه
100% حيرجع يلاقي البيت متشطب
واحدة تكتب "أنا قاعدة لوحدي عشان جوزي مسافر"
طبيعي بالتحرر بتاع الناس ده و الثقة الزيادة في أي حد أنهم يتقتلوا
رد: الفيس بوك أداة للقتل !!
الفيس زفت دا اصلا وباء كله بلاوي
لا و الناس بتبقي فرحانه و هي بتضع صورها الخاصه عليه !!
انا من بتاع 6 سنين تقريبا من ساعه خبر انه اداه تجسس اسرائيليه و انا راميه ولا اعرف عنه حاجه
و ما بقيتش اكتب بياناتي صحيحه في اي حته الا هنا فقط
و انصح الجميع عدم كتابه بيانات صجيجه في اي حاجه مهما كانت الا في حاله الضروره القصوي مثلا شراء شيئ فدي ما ينفعش فيها الكلام ده
غير كده خرف في كتابه البيانات
:)
رد: الفيس بوك أداة للقتل !!
كنت اعرف ناس على الفيس بوك ده فى قمه الهبل و التخلف
تلاقى الواحد عايش حياته اون لاين على الفيس بوك
كل شويه تلاقيه كاتب "انا داخل اكل" و بعد شويه تلاقيه كتب "انا خلصت اكل" وبعدين "انا داخل الحمام"
يعنى قمة الهبل و السخافه
نيجى بقى للطريقة اللعينة فى الكتابه حاجة زززفت والله مش عارف اه الفكره انهم يستخدموا الحروف الانجليزيه فى الكتابه بالعربى
وبعدين كل واحد يصحى من النوم يلاقى فى دماغ سيادته فكره يقوم علطول داخل على النت و فتح الفيس بوك وقام عمل جروب علشان الفكره
العبقرية بتاعة سيادته متضيعش
رد: الفيس بوك أداة للقتل !!
اقتباس:
المشاركة الأصلية كتبت بواسطة eng.ahmedhelal
الفيس زفت دا اصلا وباء كله بلاوي
لا و الناس بتبقي فرحانه و هي بتضع صورها الخاصه عليه !!
انا من بتاع 6 سنين تقريبا من ساعه خبر انه اداه تجسس اسرائيليه و انا راميه ولا اعرف عنه حاجه
و ما بقيتش اكتب بياناتي صحيحه في اي حته الا هنا فقط
و انصح الجميع عدم كتابه بيانات صجيجه في اي حاجه مهما كانت الا في حاله الضروره القصوي مثلا شراء شيئ فدي ما ينفعش فيها الكلام ده
غير كده خرف في كتابه البيانات
:)
انا كاتب تاريخ ميلادي 1910 :D
وانا عمري ما بكتب شيء شخصي على اي موقع كان الا في منتديات مثل هذا المنتدى
حتى الديانة غيرتها
رد: الفيس بوك أداة للقتل !!
بكره الفيس بوك من اول يوم طلع ما بحب مواقع الزفت الاجتماعية ابداً
رد: الفيس بوك أداة للقتل !!
الفيس بوك مش مستريح ليه ابدا بحس انة موقع بتاع ناس مخبولة
رد: الفيس بوك أداة للقتل !!
يا جماعة الفيس بوك تم اختراقه من قبل القراصنة
وتم سرقة 2 جيجا بايت من البيانات الشخصية الخاصيين بالأعضاء أى حوالى 100 مليون شخص او اكثر لا اتذكر
وعلى العموم انا كنت عامل اكثر من عضوية وحذفتهم لأسباب خاصة
شكرا على الموضوع
رد: الفيس بوك أداة للقتل !!
الفيس بوك مرتع لاصحاب التفاهات و الوقت الفارغ .
رد: الفيس بوك أداة للقتل !!
انا باحترم الآراء دى كلها وياريت محدش لما يقرأ الكلام اللى جاى يقولى يبقى انت من مستخدمى الفيس بوك
انا فعلا باستخدمه وهو مش زى الزفت ولا حاجة (دا رأيي) دا شىء بيتوقف على اسلوب استخدامك زى الوقت كدا مانت ممكن تقعد تعمل حاجة مفيدة تذاكر او تصلى وممكن برده انك تتفرج على كلام فارغ وتنزل تقعد فى قهاوى وتصيع يبقى مش الوقت اللى زفت يبقى استخدامنا احنا اللى مش مناسب
وزى جوجل كمان فيه حد هنا مش بيستخدمه ؟ ماهو ممكن برده ابحث عن معلومة او كتاب اقرأه وممكن ابحث على اغانى او كلام فارغ يقى ساعتها العيب فى طريقة الإستخدام مش فى جوجل ولا انتوا شايفين ايه؟
وانا استفدت من الفيس بوك كتير مابين وجود جروب لينا كأصدقاء انا واصحابى من الإعدادى عشان اللى سافر سواء بره مصر او محافظة تانية
وجروب تانى للدفعة بتاعت الكلية وعرفت منها مواعيد معارض وندوات مفيدة جدا ومكنتش اعرف عنها حاجة قبل كدا
دا غير ان بعض الناس بتشارك فيديوهات او مقالات مفيدة وباعرف منه المناسبات لعدد كبير من اصحابى ونكون على اتصال
وبالنسبة لموضوع اللى الناس تعرف عنك معلومات شخصية وصور فأنت لا تضيف اى شخص لاتعرفه هما اصحابك بس اللى يبقوا موجودين دا غير انك ممكن تغير اجراءات الخصوصية وتمنع ناس من اصدقائك انه يشوفوا اجزاء معينه من البروفايل بتاعك وتمنع اى حد مش صديق ليك انه يشوف اى حاجة خالص من البروفايل وبلاش نحط صور خالص لينا
وهو هيبقى تضييع وقت برده على حسب استخدامك انت يعنى مش كل شوية تدخل ممكن تحدد مثلا مرتين فى اليوم او مرة زى مانت عايز
وانا لم انف ان فيه ناس كتير بيستخدموه فى تفاهات بس دىلا مشكلتهم هما مش مشكلة الفيس بوك
وانا احترم اى شخص ليه أى رأى مخالف ليا وياريت يقول وجهة نظره بموضوعيه