هارد الكمبيوتر بيعلق ويفصل لوحــده ياريت تساعدوني

بسم الله الرحمن الرحيم

انا عندي هاردين في الكمبيوتر الشخصي
واحد 160 جيجا والاخر 320 جيجا

الهاردين متوصلين عن طريق وصلات sata ب لوحة ام نوعها Gigabyte 945

=======================

المشكلة ان الهارد ال 320 جيجا بلاقيه فجأة يعلق ويهنج الكمبيوتر جامد اوي

والاقيه بيفصل والبارتشنات بتاعت الهارد ده بتختفي وكانها مش موجودة أصلا

وبسمع صوت تكتكة خفيفة في الهارد وصوت زي ما يكون بيحاول يشتغل (زي صوته عند بدء التشغيل أو ما شابه)

وحتي بعد اما الهارد بيهنج والبارتشنات بتختفي (تقريبا الهارد بيعلق او بيفصل), الكمبيوتر بيهنج جامد جدا واضطر اني اقفله فجأة يأما بيجيبلي شاشة زرقاء أو بيتشل بشكل كامل ولازم اقفله

لما باجي اشغل الكمبيوتر بعدها مباشرة مش بيشتغل .. انا بشوف بس مروحة البروسيسور بتشتغل وبسمع صوت الكيسة لكن الشاشة بتبقي سوداء تماما
حتي صوت التكة اللي الجهاز بيعملها كل اما بيجي يشتغل مش بسمعها

لازم استني مثلا ساعة أو اكثر وبعدها الجهاز يبدأ يشتغل تاني

لما الجهاز بيبدأ يشتغل تاني واسمع التكة بتاعته وتيجي الصفحة السوداء ..بلاقي الهاردين مقروءين من الBIOS لكن لما بيشتغل الويندوز بلاقي الهارد ال 320 مش موجود فبفتح ال Device manager وبعمل بحث عن Hardware وبلاقيه ظهر تاني
ويبدأ يشتغل او يهنج علي خفيف لكن بيشتغل عادي بعدها.

=======================

المشكلة دي بتحصل بشكل يومي معايا

وغالبا بتبقي في فترة معينة عند المغرب او العشاء كدا وبتتحل بعدها بساعتين مش عارف ليه الصراحة بس ده لاحظته

ممكن المشكلة دي تطول والويندوز يديني error وان فيه خطأ ويبدأ يصلح نفسه عند بدء التشغيل ويعمل check error علي البارتشنات بتاعت الهارد
وممكن تبقي بس مجرد تعليق جامد من الهارد ويختفي لفترة ويظهر تاني..

بتحصل غالبا لما بشوف فيلم او بلعب لعبة او بشغل برنامج من علي الهارد ال 320 ده

انا عندي برنامج Kaspersky pure و updated ومفيش فيروسات موجودة عندي

انا عملت check desk from error (اللي في الويندوز اصلا) علي كل بارتشن من بتوع الهارد ده
وكان فيه خيار تصليح ال badsector علمت عليه
وفي كل check بيقولي some errors found and fixed
بس بتفضل المشكلة زي ماهيا

انا شكيت ان من الباور سبلاي ف عملت check علي الكابل بتاع الهارد وظبطه .. الهارد بعدا اشتغل ل 4 ايام ورجع يعلق تاني ف الصراحة معرفتش اذا كان ده من الباور ولا لأ


انا اسف طولت عليكم في الكلام
ياجماعة ياريت تساعدوني ,فعلا انا محتاج مساعدتكم في المشكلة دي
ياريت اي حد عنده اي حل يقولهولي
او كان ليه تجربة مع مشكلة زي دي

أخي مشكلتك مع هذا القرص الصلب وخصوصاً إن كانت فترة خدمته طويلة نسبياً هي في الـPower IC الموجودة على الـLogic Board (اللوحة الخضراء المثبّتة في الخلف) قد يكون السبب إما لاستخدامك مزوّد طاقة تجاري أوّ أنّ كبل الطاقة الخاص بتغذية القرص الصلب هذا يعاني من خلل ما (إن لم يكن فرع رئيسي قد يكون الخلل من التحويلة Molex To SATA Power)، الحل في حال استمرار المشكلة رغم تبديل كبل الباور بآخر متفرّع من المزوّد (يفضّل أيضاً تبدّل كبل البيانات) هو الذهاب إلى فني مختص ليقوم بتدبيل الـLogic Board بأخرى مطابقة تماماً للمعطوبة.