عندي مشكله في جهازي خصوصا مع الـNetwork Cable

الســــــــــــلام عليكم ورحمه الله وبركاته


شحالكم اخواني ان شاء الله كلكم بخير وعافيه ؟؟

ما اطول عليكم عندي مشكله في كمبيوتر الدوام //

بس قبل هذا بشرح لكم شي عشان اجابتكم تكون واضحه ان شاء الله

لازم في كل جهاز يدخل عندنا القسم يكون فيه حسابين الاول للـadministrator والثاني للـuser
ويكون على الدومين ( الـDomain )

والمشكله يوم الـuser يحاول يفتح حسابه ( user account ) ما يقدر يعطيه رساله انه هالمستخدم مب موجود او الدومين هذا في مشكله

بس يوم نفصل كيبل الـNetwork ويرد يدخل الباسورد يدخل عاادي ولا كانه في مشكله ويشبك الكيبل

بس المشكله انه كل ما يبغي المستخدم يدخل الباسورد لازم يفصل الكيبل عشان يشتغل الكمبيوتر وهالطريقه غلط // حاولت احل المشكله بالاساليب والطرق اللي اعرفها بس مافي فايده


اتمنى اني احصل الحل عندكم باقرب وقت ان شاء الله لاني ملتزمه بتخلصين جهاز الموظف


والله يعطيكم العافيه ان شاء الله مقدما


اختكم
Cnet

معقوله محد يعرف الجواب ؟؟؟؟؟؟؟؟؟؟

يالله شدوا حيلكم ابغي الرد الطيب منكم يزاكم الله خير