استفسار بخصوص بداية دراسة CCNA من عرب هاردوير
السلام عليكم ورحمة الله وبركاتة
انا عايز أبدأ بمزاكرة كورس الأن اية عن طريق فيديوهات اللى موجودة على المنتدى الجميل دة
بس عندى مشكلة انى مش عارف اذاكرها منين بالظبط
يعنى موجود فيديهات المهندس ياسر رمزى / المهندس محمد سمير / المهندس محمد عزت
طيب انا هنزل مين بالظبط
طبعا احنا مختلفين بندور على حاجة أفضل يعنى الحلول المتاحة ادامنا كتير وكل ما تكتير الفيديوهات ممكن تزيد الحيرة فى اختاير الفيديوهات بس الحيرة هتكون للشئ الافضل مش بنقارن بين حاجة حلوة وحاجة وحشة ... لآ بنقارن بين حاجة جميلة وحاجة متميزة يعنى ياريت تكونو فاهيمن اقصد اية
فهل ممكن نزل مثلا الفيديوهات وأختار جزء من هنا وجزء من هنا
ولا أركز على فيديوهات واحدة بس
فياريت تدلونى بالتفصيل عشان محتار بين الدهب والياقوت والألماظ
بجد والله دة أقل وصف لكلام الناس دول لأنة بمجرد انة يتعب عشان يفيد الناس التانيين دة ثوابة كبير عند ربنا
وياريت لو اى ملحوظة هتفيدنى ياريت تقولوها أو اى حاجة مستخبية مش واخد بالى انا منها ياريت تقولوهالى
انا لسة مخلص هندسة اتصالات وعايز أبدأ فى مجال النتورك وانا مزاكر أغلب كورس نتورك بلس شرح المهندس المحترم ياسر رمزى
فياريت اى معلومة تقولوها
وجزاكم الله خيرا ....
رد: استفسار بخصوص بداية دراسة CCNA من عرب هاردوير
السلام عليكم ورحمة الله وبركاته
اخى الكريم نصحيتى لك ان تختار انت من تستطيع ان تصلك منه المعلومة اكثر كلنا منا له رايه الخاص فى استياعب المعلومة من الاخرين طبعا لا جدال ان ماذكر من عباقرة المنتدى كلهم رائعين ولا يسعنى ان اصف كورس افضل من كورس
يمكنك تحميل حلقة واحدة من كل واحد منهم وترى من تستطيع ان تصلك المعلومة منه افضل لان كل واحد فينا يرى من وجهه نظره الشخصية
اعتقد ان كورس المهندس محمد سمير ينقصه بعض المواضيع البسيطة وستحتاج الحصول عليها من فيديوهات اخرى
رد: استفسار بخصوص بداية دراسة CCNA من عرب هاردوير
واضح ان حضرتك محبذ انى أشتغل بكورس المهندس محمد سمير وأكملها من مواضيع المهندسين التانيين
بس انا عايز انزل موضوع مثلا عن ال NAT للمهندسين التلاتة وأشوف مين هفهم منة أحسن
المشكلة ان فى التنزيل مش بيبان الموضوع دة اية بالظبط والكلام دة
فياريت لو تعرف تقولى على موضوع يكون ثابت فى التلاتة وأنزل التلاتة وأقارن أنا
يعنى مثلا لو تعرف تقولى على 3 لينكات يكونو فى نفس الموضوع عشان بجد الحاجة دى كدة هتوهنى
.........
انا قرأت الموضوع بتاع مباركة النجاح وعرفت ان فى ناس كتير اعتمدو على الشرح اللى موجود هنا ونجحو فى الامتحان
ياريت تقولى لو تعرف الامتحان حاليا بقا بكام و
وياريت تقولى يعنى اية الباس فور شور عشان شوفتهم بيتكلمو علية وعلى مواقع اسالة تانية ومش فاهم اية الحاجات دى أوى بصراحة
وجزاك الله خيرا ....
رد: استفسار بخصوص بداية دراسة CCNA من عرب هاردوير
السلام عليكم ورحمة الله وبركاته
اخى الكريم حقيقة مقدرش اقولك تختار مين بجد لانى لم اشاهد فيديوهات الجميع ولكن انا اتكلم على احد المهندس ان كورسه لم يكتمل للنهاية وممكن تلاقى التكملة فى كورس تانى او ان اى كورس منهم كامل للنهاية
بالنسة للفيديوهات هتلاقى كل فيديو مكتوب عليه اسمه ولو حضرتك دخلت على المواضيع المخصصة ليهم هتلاقيه
وبالنسبة لمواضيع الباس فور شور وما شابه فهى عبارة عن نماذج للامتحان تحتوى على الاسئلة الفعلية للامتحان + الاب الخاص بالامتحان ولكن هذه المرحلة انصحك بيها بعد انتهائك من الكورس بالكامل
وفهمه جيدا ومحاولة حل هذه الاسئلة دون الاستعانة بالاجابة
واى استفسار انا تحت امرك
رد: استفسار بخصوص بداية دراسة CCNA من عرب هاردوير
الله يكرمك يا أستاذى الكريم
انا كنت عايز اسأل ,,, انا خريج هندسة اتصالات :ah4:
هل لو أخدت الكورس دة كافى لأنى أشتغل بية ؟؟ وإية هى نوعية الشغل اللى بيشتغلها اللى بيدرس الكورس دة
وهل لازم عشان أقدم فى اى شغل نتورك لازم اكون امتحنت فى الكورس دة ؟؟
وإية سر ان الأمتحان بيكون غالى كدة تقريبا أنا أسمع انو بيبقا ب 1300 جنية مصرى ياريت تصححلى معلوماتى لو كانت غلط
وهل بيفرق السعر من مكان لأخر
وتفتكر انى لو بدرس الكورسات دى من البيت عن طريق هذة الفيديوهات تفتكر الوقت المظبوط اللى المفروض أخلص فية الكورس أد اية؟؟
طبعا كل واحد غير التانى بس عايز اعرف المتوسط يعنى
وهل عندك معلومات عن المهندس أحمد نبيل ؟؟
وجزاك الله خيرا ....
رد: استفسار بخصوص بداية دراسة CCNA من عرب هاردوير
شوف يا عزيزي من وجهة نظري محمد سمير تحفه في العملي بديك المعلومه من الاخر المختصر المفيد
الاستاذ ياسر رمزي شغلو احترافي للغايه بحكم الشركه لكن الواقع العملي فيه شوية اختلاف لو عندك وقت اتفرج الاتنين لو مافي اي واحد ومعاه سايبكس
رد: استفسار بخصوص بداية دراسة CCNA من عرب هاردوير
طيب فى ناس محترمين شارحين الكورس دة بردو
المهندس محمد عزت ومهندسين أخرين ومواضيع متفرقة
مش عايز اشتت نفسى
ياريت تقولى كدة من الاخر انزل مين ومين؟؟
وجزاك الله خيرا ....
رد: استفسار بخصوص بداية دراسة CCNA من عرب هاردوير
انت ليه مصر على الاختيار
عندك اكتر ن واحد بيشرح
نزل حلقة لكل واحد وشوف ايه الى هتفهم منه اكتر
كل واحد ليه اسلوبه
وكل واحد ليه مخ بيستقبل بيه بيختلف عن الاخر
محدش يقدر يقولك مين الافضل
رد: استفسار بخصوص بداية دراسة CCNA من عرب هاردوير
السلام عليكم ورحمة الله وبركاته
بسم الله الرحمن الرحيم
شوف يا بشمهندس
انا درست ال CCNA تقريبا 8 مرات او اكتر
الفرق بين مهندس محمد سمير والمهندس ياسر رمزي
ان الاول شرحه قوي جدا بس اعتقد من الافضل تكون فاهم المنهج اصلا
اما الاثاني فهو شرحه فعلا لواحد مبتدأ وبالتالي شرحه هيكون سلس شويه
وعندك المهندس احمد جواد
شارح كلام لا بيشرحه المهندس سمير ولا المهندس رمزي
وشرحه ممتع جدا ومفيد فوق التصور بس لازم تكون فاهم المنهج كويس عشان تستفيد من شرحه
طبعا ده من وجهة نظري
وعشان كده
ابدأ مع المهندس ياسر رمزي وركز معاه لما يشرح ال wan
وبعدين زاكر كويس جدا المهندس محمد سمير ومتخليش كلمه تفوتك
ليه بقى متخليش كلمه تفوتك!!!
عشان هو بيقول معلومات كتير كأنها كلام عادي ولكنها مهمه
ولكن لما يشرح ال wildcard حل المسأله بنفسك لان فيها اخطاء
وانا بصراحه بحب جدا شرح المهندس محمد سمير اكتر من اي شرح
ولكن لازم تكون فاهم المنهج
حل بقى الامتحانات
وامتحن
وزاكر المهندس المبدع
احمد جواد
انا عن نفسي لما احب اراجع المنهج برجع للمهندس سمير
ولما احب ابدع ارجع للمهندس احمد جواد
اما المهندس ياسر رمزي
فهو لما قبل الامتحان لانك لما تفهم المنهج
هيكون كلامه بالنسبه لك سلس جدا
وعشان كده ابدأ به
سعر الامتحان 250 دولار
هيوصل معاك 1500 جنيه او اكتر
لانك مع التحويل بياخده منك كمان ما يقارب ال 10 دولار
ده البنك المصري
فمن الافضل تدور على سنتر هو اليدفعلك لانه بيكون عندهم خصومات
فعلا تصل الى ا نك تدفع 1300 زي سنتر nen
شهادة ال ccna او حتى ال ccnp
في ناس كتير بتحفظ الامتحان وتدخل
عشان كان في المقابله مش بيهتمه معاك الشهاده وله لأ
لان الاغلب لما حد يسأله بيكون رده
مش عارف نسيت لا مش فاكر
فمن هنا الشهاده مبقاش ليها لزمه
ولكن
لو اتنين قدمه لشركه
والاتنين فاهمين
واحد معاه الشهاده والتاني مش معاه
هياخده مين؟؟
هياخده المعاه الشهاده
وده لان الشركه بتستفيد من الشهاده
1- في سعر الاجهزه الهتشتريها بتاخد تخفيض
2- في حاجه كده مش عارف اسمها دلوقتي
المهم هي ان الشركه بتاخد مركز افضليه من شركه اخرى
فيقولك انا مشغل عندي 5 CCNP و 3 CCNA و 2 CCIE
فالشركه تاخد مركز افضل
وعشان كده بعد الموظفين ما بياخده الكورس على حساب الشركه
بتقولهم روحه خده الشهاده
واي استفسار انا تحت امرك
ولكن تأكد ان ال CCNA لوحدها مش كفايه
السلام عليكم
رد: استفسار بخصوص بداية دراسة CCNA من عرب هاردوير
شكرا ليك يا بشمهندش على شرحك دة بس انا عايز افهم شوية نقط كدة ,,,,,,
طيب انا ممكن أمشى مثلا فى الشرح درس مثلا للمهندس ياسر ودرس معين للمهندس محمد سمير
يعنى أخد الدروس المهمة هنا والدروس المهمة هنا وأتوكل على الله ؟؟
وانا شوفت بردو ناس كتير بتشكر فى شرح المهندس محمد عزت بس للأسف الروابط كلها اللى فى الموضوع بتاعو مش شغالة
وياريت تقولى فين الموضوع بتاع المهندس احمد جواد
...
تقريبا انا كنت فاكر ان الشركة بتاخد خصومات من سيسكو لما يكون معاة CCIE فمش عارف بصراحة الكلام دة بيتعمل بردو مع الكورسات الاسايات زى ال CCNA
وجزاك الله خيرا ....
رد: استفسار بخصوص بداية دراسة CCNA من عرب هاردوير
بسم الله الرحمن الرحيم
اتفضل المهندس احمد جواد
https://arabhardware.net/forum/showt...=177270&page=1
وعن طريق الدراسه اليريحك
ولكن انا افضل انك تخلص كل واحد كامل
عشان يكون التاني بمثابة المراجعه
وكمان متنساش شركة ال cbt
والكتاب من الافضل ان تقرأه
وبالنسبه لل cisco فلها عروض بتقدما للشركه
على حسب الشهادات المعاها وعددها
وكمان بتفيد الشركه في درجة جودتها
---------------------------------------------
السلام عليكم
رد: استفسار بخصوص بداية دراسة CCNA من عرب هاردوير
يعنى كدة على بركة الله
1-المهندس ياسر
2-المهندس سمير
3-المهندس جواد ( ودة لما أخلص خالص )
كدة الترتيب دة تمام ؟؟
وبالنسبة للكتب بصراحة انا مفهمتش انت تقصد انى كتب بالظبط عشان المجال دة فية كتب كتيرة جدااااا
يعنى كتاب سى بى تى اللى هو اية بالظبط وتفضل انى اذاكر من انى كتاب؟
وهل فى فيديوهات أو اى حاجة تخص المهندس الراااااااااائع أحمد نبيل .. عشان فى توبيك لية بس للأسف الروابط مش شغالة فياريت لو تعرف تقولى
وانا بردو مستغرب اوى من انك زاكرت الكورس 8 مرات .. يعنى تقصد 8 فيديوهات
وهل هتكون ف حاجة ناقصة من الفيديوهات عشان الامتحان بس
واية الفرق بين الاكاديميى والعادى
معلش انا عارف انى طولت عليك جدا بس اعذرنى لأنى مش فاهم
وجزاك الله خيرا ....
رد: استفسار بخصوص بداية دراسة CCNA من عرب هاردوير
بسم الله الرحمن الرحيم
الفديوهات انا زكرت للمهندس ياسر والمهندس جواد والمهندس سمير و CBT
8 مرات
يعني من الكتاب والملخصات الانا عملها
لاني بخلصها مجرد مراجعه سريعه
والمره دي بتاخد مني يومين مثلا
عشان كده لازم تعمل ملخصات
وانا كنت بعمل بالورقه والقلم
ولكن دلوقتي بكتفي ببرنامج ال word
ومتنساش التنسيق والالوان
يعني زاكر كأنك بترسم لوحه فنيه
واللوحه الفنيه شكلها مش بيوضح الا في اللمسات الاخيره
CBT
دي شركه من ضمن شرحها ال CCNA
ولكن الشرح بالانجليزي
-----------------
بالنسبه للامتحان على ما اعتقد ان ال CBT بتشرح اغلبه
يعني انا لما زكرت معاها ميكروسفت او سيسكو
كان شرحها مركز على الامتحان بطريقه غير مباشره
ولما تبدأ تزاكر الامتحان في حاجات هتلاقيها جديده عليك
وعشان كده هتحاول تفهمها عن طريق النت
والسؤال هنا في المنتدى بعد ما تبحث
الكتب كتير وانا مقدرش افيدك في الموضوع ده
ولكني زكرت من سلايدات cisco نفسها
وهرفعهالك كمان 10 دقائق ان شاء الله
واي حاجه انا تحت امرك
-------------------------------
السلام عليكم
رد: استفسار بخصوص بداية دراسة CCNA من عرب هاردوير
بسم الله الرحمن الرحيم
الترتيب الانت قلت عليه ده من وجهة نظري صح
واتفضل السلايدات من هنا
https://www.4shared.com/file/MDGA8wQJ/book.html
رد: استفسار بخصوص بداية دراسة CCNA من عرب هاردوير
متشكر ليك جدا على تعبك معايا وعلى هذا الرفع وربنا يتقبلة منك وربنا يزيدك علم وتقوى
وجزاك الله خيرا ....