عرض للطباعة
لو سمحتم يا جماعة ، أنا مش من القاهرة وكنت عايز أعرف عشان أوصل لمول سوق العصر
ايه وسيلة المواصلات اللي اوصل بيها للمول
أولاً : بعد ما أوصل لمحطة القطارات ( محطة رمسيس على ما أعتقد ) أعمل إيه عشان أوصل لمول سوق العصر ؟
ثانيا : لو نزلت في صلاح سالم فيه مواصلات من هناك ده لو ركبت السوبرجيت و ده اريح ليا في ظل حر اليومين دول
ثالثا :ولا انزل في موقف السلام اللي عند العبور
من فضلك اخي الكريم إختيار القسم المناسب قبل طرح الموضوع
جاري النقل إلى القسم العام وإن شاء الله تلاقي توضيح من المقيمين بالقاهره
لو نزلت رمسيس هاتعدى الشارع وتركب حاجه رايحه : شارع الخليفه المأمون /روكسى لان المول قبل اشاره روكسى ب 10 دقائق مشى
لو نزلت صلاح سالم مش عارف بس اى حاجه تجيبك ميدان العباسيه عشان تركب برضوا من هناك خليفه المأمون / روكسى
لو نزلت موقف السلام اعتقد هتمشى شويه لمحطه مترو المرج وهى اول خط المرج لمترو الانفاق وتحاول توصل لمحطه رمسيس او العباسيه مترو بس دى اطول ...الافضل تنزل من بلدك رمسيس لان حاجات كتير بتوصلك من هناك .
كما قال الاستاذ / ياسر من قبل فى اولاً وثانياً والاقرب لك ثانياًاقتباس:
المشاركة الأصلية كتبت بواسطة ghost_344
اما ثالثا هو الابعد لك وفى كل الاحوال لا تأتى عن طريق موقف السلام
موقف العاشر بعيد جداً عن مول سوق العصر حوالى من ساعه ونص او 2
لو هتيجى منه سوف تركب ميكروباص لانه الاسرع لك العباسيه او رمسيس
وتنزل عند مصنع الشريف وسوف تمشى حوالى 5 الى 10 دقائق لتصل الى
مول سوق العصر وتقدر تسئل عنه من هناك
وغالبا لن يكون هناك ميكروباص مباشر هنا سوف تركب من السلام او عبود
الى الف مسكن ومن الف مسكن تركب من الموقف شارع الخليفه المأمون - روكسى .
اولا الشكر لمن ساهم بالرد ومن خلال ردودكم تبين لي طريقة للوصول بمساعدتكم و ذلك كالتالي
انزل في صلاح سالم عند محطة مترو ارض المعارض و الذهاب الى محطة العباسية و من هناك اركب اي ميكروباص للخليفة المأمون مضبوط كده و لا ايه؟؟
لو اخترت الطريق ده ماشي كده
جميل جدا