اللوحه مضيئه والمراوح تعمل لكن الجهاز لايقلع (عنوان معدل)

السلام عليكم و رحمة الله وبركاته

نخش في المشكلة علي طول انا مكونات جهازي كالاتي:
Q6600
Ga-ep35-ds3l
Ram 4 giga
Vega 9800gtx gigabyte
Power 500 watt HEC
Hard 320

المهم انا كان عندي مشكلة قبل كدة وعرضتها هنا كانت في الكهرباء وأتحلت المشكلة بفضل الله ثم بمساعدتكم
الجهاز كان شغال ذي الفل لمدة شهر ونصف ولكن مرة واحدة وأنا بفتحة وأشغلة عادي لاقيتة مش عايز يشتغل الماظر منورة " المفروض أني أول ما بشغل الجهاز الماظر بتنور مثلا 4 ثواني كده والجهاز بعد كدة بيقوم" المشكلة أن الماظر بقت منورة علي طول والجهاز مش عايز يقوم وثابت علي كدة , بس المراوح ومروحة البرسيور شغالة وكارت الشاشة منور ومروحتة شغالة

والمفروض ان كل حاجة متوصلة تمام أنا مش عارف المشكلة منين عملت رستارت كذا مرة بردوا ما فيش فايدة وعلي فكرة الجهاز مبيعملش رستارت علي طول لازم ادوس 3او4 مرات عشان يعمل رستارت

واللمد لو كانت ليها مدلول هي أربع لمد صغيرين جدا بينوروا "2 خضر و 1 برتقالي و 1 حمراء "

ونسيت أقول أنا اللمبة بتاعت الباور أو الهارض أللي جمب زرار الفتح والقفل بقيت مطفية علي طول مرة كدة مثلا لما تنور
وللعلم بردوا أنا كنت بنقل الكيسة كل أسبوعين مثلا لأسباب معينة من كان الي التاني فهل ده يكون السبب
ساعدوني لو سمحتم أنا شغال علي الكيسة القديمة لغايت لما ألاقي حل مستني ردودكم

وألف شكر للجميع

اخى جرب أفصل كل كابلات الداتا من المازر بورد وشوف اية النظام
لو مكنش شيل الرامات ونظفها وركبها تانى

اقتباس:

---

المشاركة الأصلية كتبت بواسطة the_way2allah

اخى جرب أفصل كل كابلات الداتا من المازر بورد وشوف اية النظام
لو مكنش شيل الرامات ونظفها وركبها تانى

---

شكرا لمساعدتك لي وسوف أجرب ان شاء الله
بس تفتكر العيب يكون من ده
يا ريت يا أخواني أللي يعرف اي حاجة يقولي

وألف شكر للجميع

اعتقد اخي ان العيب في الرامات تتتتتتتتتتتتتتتتتتتتأكد منها

اقتباس:

---

المشاركة الأصلية كتبت بواسطة الصقر المصري

اعتقد اخي ان العيب في الرامات تتتتتتتتتتتتتتتتتتتتأكد منها

---

ألف شكر ليك علي مساعدتك لي أخي الكريم
هجرب وربنا يسهل
وياريت أللي يعرف حاجة بردوا تانية يمدني بيها
وشكرا للجميع

مثل ما اشار لك الجميع شيل الرامات ورجعها شكلها الرامات تحركت

بالتوفيق

اقتباس:

---

المشاركة الأصلية كتبت بواسطة سهيــــــــــر

مثل ما اشار لك الجميع شيل الرامات ورجعها شكلها الرامات تحركت

بالتوفيق

---

شكرا جدا ليكي ان شاء الله هجرب ويا رب تتحل المشكلة

اخي العزيز الباور سبلاي قليل 500 وات انا عندي 650 على 9800GT يعمل تمام

اقتباس:

---

المشاركة الأصلية كتبت بواسطة BTCNet

اخي العزيز الباور سبلاي قليل 500 وات انا عندي 650 على 9800GT يعمل تمام

---

شكرا ليك يا أخي

انت ذكرت ان الباور قليل بس الجهاز كان شغال بكفاءه حوالي شهر ونص وبعدين انا لسة شاري الجهاز من حوالي 3 أشهر وكنت شاري الباور ب 480 جنية فحرام أغيرة ربنا يستر وما ترسيش علي كدة

الباور كافي :)

موقع nvidia نفسه يقول 450 كافي

اقتباس:

---

المشاركة الأصلية كتبت بواسطة Mezoxin

الباور كافي :)

موقع nvidia نفسه يقول 450 كافي

---

الله يخليك يا Mezoxin طمنتني
طب تفتكر المشكلة من أيه

علي فكرة يا جماعة أنا شلت الرامات و نظفتها ورجعتها تاني بردوا المشكلة قائمة
أرجوكوا يا أخواني أللي يعرف أي حاجة يساعدني بيها يقول

اخي العزيز هي المشكله يمكن من البورد
بس اخي حاول انك اتشيل الرامات مع البطاريه الي موجوده على البورد
وخليهم برا 5 دقايق وارجاع ركبون احتمال يكون في مشكله في البايوس
ما عم يخلي النظام يقوم على كل حال انتا جرب و أعلمنا اش رح يصير معك.

تحياتي.........

اقتباس:

---

المشاركة الأصلية كتبت بواسطة ramy72

اخي العزيز هي المشكله يمكن من البورد
بس اخي حاول انك اتشيل الرامات مع البطاريه الي موجوده على البورد
وخليهم برا 5 دقايق وارجاع ركبون احتمال يكون في مشكله في البايوس
ما عم يخلي النظام يقوم على كل حال انتا جرب و أعلمنا اش رح يصير معك.

تحياتي.........

---

شكرا ليك يا أخي
هجرب ان شاء الله وربنا يسهل