لهواية التميز اجمل وافضل واوسع كيسه في مصر
السلام عليكم ورحمه الله
اخزاني الاعزاء
اللي عاوز يجيب اجمل واوسع وافضل كيسه في مصر يجيب:ah40: COOLER MASTER COSMOS:ah40:
بصراحه قمة الابداع والجمال والسهوله فيها
انا اشتريتها من عند ماكسيسمم هاردوير امبارح ب 1400 جنيه كنت اصلا رايح ليه اشوفها هي والهاف 922 وافرق بينهم واجيب الاحسن لان في بعض الاخوة اللي قالولي ان الهاف احسن لكن لما شفت الكزموس علي الطبيعة بصراحه ذهلت لا هاف ولا غيره يمكن تيجي حاجه عندها بجد قمة الابداع وتحفة فنيه يعني تجيبها وتحطها في الصالون وكل واحد يجي يدفع 10 جنيه علشان ياخد صوره معاها:ah39:
بالنسبة للتغليف هي متحصنه اووي يعني عاوزلك نص ساعه علشا تخرجها من جو الكرتونه والكياس اللي عليها(كفايه قعدت اتحايل علي المهندس علشان يفتحها ابص عليها وقولته المفروض تعرض واحده منها في العرض قالي لا اللي بيشتريها بيجي بيقول عاوز كوزموس لانها كيسه بتتكلم عن نفسها)
بالنسبة للحجم هي واسعه من جوه اووي يعني حط كل اللي نفسك فيه وبالنسبه للحجم من الخارج ضخم كده وكبير بس روعه التصميم والهندسه فيه مخلياه انسب حجم ليها
بالنسبه للشكل قمة الجمال اللي ممكن تتخيله في كيسه كمبيوتر
بالنسبة للكابل مانجميت سهل جدا واحسن كيسه يتعمل فيها ماجنميت
الالوان بتاعتها متناسقة جدا جدا جدا
اماكن تركيب المراوح كتير اووي وفي اماكن مناسبه جدا
بالنسبة للمتانه جامده جدا جدا وهي متقفله كانها مدرعه بصراحه في متانتها ومرسيدس شبح في جمالها وسوبر جيت في وسعها:D
بصراحه كل اللي انا قولته ميدهاش حقها لانها تفوق الوصف
المميزات
كل اللي فات اللي انا قولته
العيوب
مكان الهاردات لاربع هارات فقط
المتعلقات
3 مراوح 12 سم واحده في الامام بنور احمر جميل وواحده عاديه في اخر الكيسه وواحده عاديه بردو في سقف الكيسه
مروحة 25 او 23 سم مقستهاش بصراحه في الباب اللي في الجنب بس مروحه مروحه يعني مخليا الكيسه تلاجه من جوه
كل ما تحتاج اليه في التركيب موجود مشابك للاسلاك مسامير كلبسات للماجنميت يعني معاها حجات تجمع بيهم كيستين
رد: لهواية التميز اجمل وافضل واوسع كيسه في مصر
بسم الله ما شاء الله ....
تقرير رائع .. وتم ال ;)
رد: لهواية التميز اجمل وافضل واوسع كيسه في مصر
رد: لهواية التميز اجمل وافضل واوسع كيسه في مصر
الله عليك و على تقريرك
ما شاء الله على الكيسه
ربنا يبارك لك فيها
بس ياريت ما تنساش تورد لنا صوره
لدرجات الحراره قبل و بعد علشان نعرف مدى تاثير
الكيسه على الحراره
مبروك كمان مره و تم التقييم
@إكس مان
ما تنساش تعدل التوقيع بتاعك و تغير الكيس :D
رد: لهواية التميز اجمل وافضل واوسع كيسه في مصر
فى وصلة 24 pin انت شريها علشان البور سبلاى سلكوا مش مقدى ؟ ولا جى مع الكيسة
رد: لهواية التميز اجمل وافضل واوسع كيسه في مصر
الف الف الف مبروك ربنا يباركلك فيها و فى جهازك و قريب اوى هيبقى عندى و تم التقيم :)
رد: لهواية التميز اجمل وافضل واوسع كيسه في مصر
الف ....مبروك ...والكيسة فعلا رائعة ....والجهاز هو الآروع.......تتهنى بية .
ولكن يعيب الكيسة شىء ...واحد ...ان مافيهاش جنب شفاف ....عشان كان يعرض الآحتفالية ....اللى جواها ....:)
رد: لهواية التميز اجمل وافضل واوسع كيسه في مصر
ماشاء الله كيس جميل جداً مبروك عليه بس مين اكبر الي عندك ولا الي عندي
هاذا اللينك https://www.thermaltakeusa.com/Produ...D=1423#Tab1الي عندي
Thermaltake Xaser VI VG4000SWA وهاذي صورة الجهاز إلي عندي
https://www.unocafe.net/vb/uploaded/...1255469748.jpg
وهاذا
Cooler Master Cosmos S
https://www.coolermaster-usa.com/pro...roduct_id=2692
رد: لهواية التميز اجمل وافضل واوسع كيسه في مصر
اقتباس:
المشاركة الأصلية كتبت بواسطة mohamednon
فى وصلة 24 pin انت شريها علشان البور سبلاى سلكوا مش مقدى ؟ ولا جى مع الكيسة
هو طبعا السلك قصير وسلك الباور بتاع البريسيسور كمان بس هي جاي معاها ولصه للسك ال 24 بن ووصله لسلك ال 8 بن بتاع البريسيسور
انا اللي ضفته من عندي الانوار الزرقا دي بس
رد: لهواية التميز اجمل وافضل واوسع كيسه في مصر
اقتباس:
المشاركة الأصلية كتبت بواسطة S@M
الف ....مبروك ...والكيسة فعلا رائعة ....والجهاز هو الآروع.......تتهنى بية .
ولكن يعيب الكيسة شىء ...واحد ...ان مافيهاش جنب شفاف ....عشان كان يعرض الآحتفالية ....اللى جواها ....:)
الله يبارك فيك ياغالي
بس الجنب اللهو عبارة عن شبكة ومن الامام شبكة كمان مبينه كل حاجه من قريب طبعا
رد: لهواية التميز اجمل وافضل واوسع كيسه في مصر
جميلة جدا الف مبروك
وياريت اعرف بتجيب الانوار الزرقاء دي منين وسعرها كام؟؟
رد: لهواية التميز اجمل وافضل واوسع كيسه في مصر
انا اريد ان اسئل نفس السؤال See no Evil
اقتباس:
جميلة جدا الف مبروك
وياريت اعرف بتجيب الانوار الزرقاء دي منين وسعرها كام؟؟
رد: لهواية التميز اجمل وافضل واوسع كيسه في مصر
اقتباس:
المشاركة الأصلية كتبت بواسطة محمد الجوهرى
الله عليك و على تقريرك
ما شاء الله على الكيسه
ربنا يبارك لك فيها
بس ياريت ما تنساش تورد لنا صوره
لدرجات الحراره قبل و بعد علشان نعرف مدى تاثير
الكيسه على الحراره
مبروك كمان مره و تم التقييم
@إكس مان
ما تنساش تعدل التوقيع بتاعك و تغير الكيس :D
الف شكر ليك ياغالي وهعدل التوقيع باذن الله ودرجات الحرارة هاحط صورة
رد: لهواية التميز اجمل وافضل واوسع كيسه في مصر
بالنسبة لدرجات الحرارة الخاصه بالبريسيسور
في الاول انا كان عندي كيسه شيفتك اصغر من دي بكتير وكنت مركب مشتت فينداتا 2 وكاسر ل 4 بردو كانت الحرارة في idl من 46 الي 49 طبعا مع برنامج بريمر كانت بتوصل ل 80 درجه
الان مع الكيسه العملاقه دي وبنفس كسر المعالج بس بتركيب مشتت انتل الاصلي الحرارة في idl من 48 الي 55 علي اقصي تقدير
واللي خلاني مركبش الفينداتا2 قولت استني شويه لحد ما جيب مروحتين من النوع المتتاز ليه علشان اعدل فيه فتخيل بقي الفينداتا2 في الكيسه دي هيعمل ايه
مشتت انتل مع كسر من 2.6 الي 4.0 و HD شغاله والفولت من البيوس 1.395 اتخيل بقي طبعا انا مش هضغط ببريم لاني كنت ظاغط قبل كده ووصلت الي الثبات علي الفولت ده ولو شغلته هتزيد الحراره اووي لكن انا جربت لعبت كرايسس وونيد فور سبيد شيفت ووصلت لاعلي درجه كانت 65 بعد ساعه لعب وعلي مشتت انتل معتقدش ان في تطبيق هيوصل معايا لاكتر من كده ضغط علي البريسيسور وعلي ويندوز سيفن
رد: لهواية التميز اجمل وافضل واوسع كيسه في مصر
اقتباس:
المشاركة الأصلية كتبت بواسطة coolzizo
انا اريد ان اسئل نفس السؤال See no Evil
من عند بتوع كماليات السيارات وتمن الواحده 10 جنيه