عرض للطباعة
انا عندى راوتر 3COM و نت من شركة TE-Data بسرعة 2MB و النت بيقطع بطريقة رهيبة فقمت بقياس نسبة التشويش و غيرها و ديه كانت النتيجة صورة من راوتر 3COM توضح نسبة التشويش :
https://img194.imageshack.us/img194/4138/sdfsdfbm.jpgطبعا نسبة التشويش عالية جدا يعنى 6 عالية جدا عشان كدة النت بيقطع جامد . المشكلة دلوقتى حلها اية ؟ يعنى اروح السنترال ولا اتصل بشركة النت ولا اية ؟.
شوف اخى الكريم المشاكل ديه للاسف كتير ووجع دماغها اكبر وانا شخصيا عندى مشكله كده بردك ان النت مبيجبش كل سرعته فى كل الاحيان بس كبرت دماغى بصراحه ومبصتش على الحل لان زى مقولتلك الحاجات ديه وجع دماغ يعنى مشكلتك ديه المفترض ان عيبها ليكون من سلك التليفون او من البوكسه وقد يكون من السنترال وقد يكون اكبر للاسف بان اجهزه السنترال اللى انت تابع ليه وجايز يكون فى حاجه ابسط من كده ان الاسبلتر هو اللى وحش وعاوز يتغير مثلا للاسف عاوزه تتحدث وحاجات كتير
فانا حقولك على بعض الحلول جايز تساعدك وهى سهله اتحلت مشكلتك يبقى الحمد لله متحلتش للاسف يبقى كمل انت وشوف بس الحلول ديه على الاغلب اللى حيقولك عليها بردك فانت اعملها كخطوه استباقيه
اول حاجه لو عندك تليفونات وفيش تانى فى الشقه يبقى جيب او غير الاسبلتر بواحد قوى
ثانيا اتصل بشركه النت وقولهم وان كنت مبحبش الخطوه ديه خالص بس انت متضطر بقه
لو منفعش يبقى حتعمل اقتراح طويل ورخم شويه غير سلك التليفون الرئاسى اللى جى من البوكس اللى فى الشارع والافضل او اقولك لازم يكون سلك تليفون نضيف ويكون النحاس فيه كتير ولو انت مش عارف تجيبه لان الغالب حتلاقى كل انواع الاسلاك تحت واحده فلذلك انت اتصل بالشركه المصريه للاتصالات وخليهم يبعتولك الراجل بتاع الصيانه كده او كده انت كنت حتجيبه لان لما حتشترى السلك الجديد كده كده حتركبه مش انت اللى حتعمل كده ده لازم الراجل بتاع الصيانه فاتصل بالشركه وهو رقمهم 111
وبعدين لما يجيلك اقوله على كده عاوز سلك يكون نضيف ويكون اهم شئ النحاس فيه كتير جدا او كله يبقى نحاس وهو حيبقى فاهم حيبقى غالى شويه بس صدقنى حيفيدك خصوصا لو كان البوكس بعيد عنك بعدين وانت بتركبوا السلك اقوله ياريت تبعدوا عن اى اسلاك اخرى فيها ضغط عالى بمعنى اشاره النت بتضعف جامد لما بتمر باى اسلاك ضغط عالى يعنى سلك دش او سلك تكييف كده فقوله او انت حاول لو لقيت سلك من الاسلاك ديه وهى فى الغالب بتبقى تخينه اوى كده انت ابعده عنهم وعن طبعا الدش والتكييفات بردك
وبعدين ركب السلك اللى حيطلع للبوكس فى فيشه وركب سلك النت فى الفيشه ديه وشيل الاسبلتر يعنى ركب فيشه النت فى الفيشه الجديده الرئيسيه ديه وطبعا شيل كل فيش وتليفونات الشقه كلها حتى لو محطوطين فى فيش تانيه مش رئيسين وكمان طبعا كده او كده حتشيل فيشه التليفون اللى عندك لان حتجرب النت من غير اسبلتر فانت من الاخر شيل فيش التليفونات عندك طبعا ده مؤقتا لحد ما الموضوع يتزبط باذن الله
وبعدين جرب تانى النت عامل ازاى التانى ويفضل تعمل الخطوات ديه تتاكد ان عندكش فيرس او تروجان يكون ليه عمليات خلفيه بتسحب او توقف النت وان كان الخطوه ديه مستبعده تماما لان الكلام ده كان ينفع لو حسيت بالمشاكل فى الويندوز لكن انت جايب الارقام من صفحه اعداد الرواتر عندك بس بردك اعملها مش حتخسر حاجه وسطب ويندوز جديد كمان
وبعدين يفضل تعمل اعاده ضبط المصنع للروتر
وبعد متعمل الخطوات ديه ولو لاقدر الله مفيش فايده يبقى بقه قدامك تتصل بشركه النت وكده كده هما ححيحولك على السنترال وفى الغالب السنترال حيقولك ده عيب فى النت احنا لينا علاقه باعطال التليفون فربنا معاك بقه او نفض زى وخلاص :D
بس حاول تطبق الخطوات اللى قولتلك عليها بالترتيب وانا مرتبهالك من الاسهل للاصعب لان زى مقولتلك انت لما حتتصل بشركه النت حيخنقوك لانهم حيقولك تعمل اعدادت ملهاش علاقه خالص بمشكلتك ويقولك اطفى النت 10 ثوانى وافتحه تانى وحنحمل من موقع معتمد عشان نشوف حيعمل ايه وهكذا يعنى بس بردك شوف وقولهم وربنا يوفقك باذن الله
بص يا أخى انا الخطوات اللى عملتها :
1) غيرت الاسبلتر و لم يفلح
2) جيبت واحد من السنترال و غير السلك الارضى و ظبط التوصيلات بتاعت التليفون و الاسبلتر .
3) التوصيلات عندى كالتالى السلك الرئيسى داخل فى اسبلتر و خارج سلك للراوتر و سلك للتليفون الارضى .
اتصلت بالشركة قبل كدة بس مقولتلهمش على حوار نسبة التشويش بس كنت بقولهم ان النت بيفصل فيرضوا عليا بالجملة المعتادة رستر الرواتر و شغله هتلاقى النت اتظبط . انا عايز اعرف الحل ؟
انا قولتلك على اللى عملته واللى انت تحاول تعمله بردك وانت نصيبك بقه
من سنتين كدة و كان من مول سوق العصر .اقتباس:
المشاركة الأصلية كتبت بواسطة محاول
ديه صورة إلتقطاها عند انقطاع النت لمدة قصيرة جدا متتعداش الدقيقة :
https://desmond.imageshack.us/Himg83...ng&res=landing
فهل الصورة توضح ما سبب المشكلة ؟
حاول تغيير adsl mode من adsl+
الى gdmt وسارفع لك صورتين توضح الفرق
شكرا أخى محمد على ردك و معلش الشكر جه متأخر بس ياريت تشرحلى إزاى أغيرها على راوتر 3Com لانى دورت فى اعدادات الراوتر و لم إجدها ؟اقتباس:
المشاركة الأصلية كتبت بواسطة mohammed_kamal
اوك بص انا هوريك على الروتر البليون بالصور
https://img228.imageshack.us/img228/...2012023730.jpg
حاول البحث على adsl mode
شكرا أخى محمد على متابعتك و انا برضوا لم اجدها . بس الحمد لله النسبة اتعدلت لوحدها بقت 25DB يعنى كويسة عن الاول و هذه صورة توضع نسبة التشويش بعدما اتعدلت من نفسها :
https://imageshack.us/a/img11/9655/sdfsdfp.png