مساعدة فى تحديث Firmware لجوال Samsung Wave II S8530 و إستفسار فى البطارية
السلام عليكم ورحمة الله و بركاته
أهلاً و مرحباً بكل أعضاء عرب هاردوير
لدى مشكلة فى برنامج Samsung Kies
أثناء توصيل Samsung Wave II عشان أحطله برامج
برنامج Kies بيطلعلى رسالة بيقولى فيها جهازك عاوز يتعمله Update لل Firmware بتاع الجهاز و البرنامج مش هايرضى يصطب برنامج على الجهاز لو معملتش ابديت و طبعاً أنا خايف و متردد بشدة
خايف أعمل تحديث الجهاز يحصله حاجة أو يخرب أو تروح منه ميزة أو أخرى
بس أنا بعمل إحتياطاتى عشان الجهاز لسة جديد والله لسة جايبه من 3 أيام
عاوز أخد رأييكم و بصراحة
ينفع أعمل تحديث للجهاز بتاعى ولا مش هاينفع عشان لو مش هاينفع بلاش منه عشان الجهاز مايبوظش
لو الجهاز هاينفع يتعمله أبديت و يكون أفضل من الأول ياريت تقولولى الجهاز بعد التحديث أيه الجديد فيه و كدة
عشان معملش أبديت على الفاضى
أنا مش مستبخل أعمله بس عاوز أعرف ليه
عاوز أعرف المفيد أيه
ياريت تقولولى لأنى مستنى المفيد
آسف لو كنت هاطول عليكم بس عندى سؤال آخير و دة الأهم
بطارية الجهاز أزاى أحافظ عليها و أشحنها بطريقة سليمة و آمنة عشان ماتبوظش فى المستقبل و تخلص بسرعة يعنى بحيث أستعمل الجهاز بعدالة عشان البطارية ماتبوظش و تخلص الشحن بتاعها بسرعة
لو أنا طولت وقت الشحن غير الوقت الإفتراضى ليها على الشحن هاتبوظ ؟
لو أنا خلصت البطارية من أولها لحد ما الجهاز يفصل أو يقولى البطارية منخفضة صح ولا غلط ؟
ياريت تقولولى أيه المفروض إللى يحصل و إللى أعمله
بجد هادعيلكم
مستنى ردكم
شكراً جزيلاً مع إحترامى لكم
محمد أشرف
رد: مساعدة فى تحديث Firmware لجوال Samsung Wave II S8530 و إستفسار فى البطارية
اخي الكريم
قم بتحديث السوفت وير لان التحديث يوجد به حل كثير من المشاكل بالاصدارة الحالية
وايضا بالنسبة للبطارية قم بشحنها دائما قبل ان تصل للنهاية
واترك دائما اضائة الشاشة علي 5 عند زيادة الاضائة تستهلك البطارية بشكل اكبر
وفي النهاية ربنا يبارك لك فيه
تحياتي
رد: مساعدة فى تحديث Firmware لجوال Samsung Wave II S8530 و إستفسار فى البطارية
بالنسبة للابديت فأنا بردة خايف اجرب و البطارية حاول متشغلش gps و ولا wifi او blue tooth منغير ما تكون محتاجهم
رد: مساعدة فى تحديث Firmware لجوال Samsung Wave II S8530 و إستفسار فى البطارية
اقتباس:
المشاركة الأصلية كتبت بواسطة Elmokadim
اخي الكريم
قم بتحديث السوفت وير لان التحديث يوجد به حل كثير من المشاكل بالاصدارة الحالية
وايضا بالنسبة للبطارية قم بشحنها دائما قبل ان تصل للنهاية
واترك دائما اضائة الشاشة علي 5 عند زيادة الاضائة تستهلك البطارية بشكل اكبر
وفي النهاية ربنا يبارك لك فيه
تحياتي
يا ريت لو جربت الابديت تقولي بيعمل اية
رد: مساعدة فى تحديث Firmware لجوال Samsung Wave II S8530 و إستفسار فى البطارية
اقتباس:
المشاركة الأصلية كتبت بواسطة Elmokadim
اخي الكريم
قم بتحديث السوفت وير لان التحديث يوجد به حل كثير من المشاكل بالاصدارة الحالية
وايضا بالنسبة للبطارية قم بشحنها دائما قبل ان تصل للنهاية
واترك دائما اضائة الشاشة علي 5 عند زيادة الاضائة تستهلك البطارية بشكل اكبر
وفي النهاية ربنا يبارك لك فيه
تحياتي
أولاً أنا مش عارف أقولك أيه بصراحة الله يبارك فيك عقبال لما تشترى أحسن منى و يتحققلك كل أحلامك
ثانيا : تمام أوى فى حتة المشاكل ديه
عاوز أعرف أيه بقة الجديد بعد التحديث دة لو حضرتك عندك علم بالموضوع دة بدون إحراج
و ما زلت قلقان لحد دلوقتى مش عارف ليه
بس فى حاجة أكيدة لو عملت ابديت ممكن تتحل مشكلة و تحصل مشكلة
أتمنى من حضرتك تكون فاهم أنا قصدى أيه
أسعدنى التفاعل معك و شكراً لك على تعاونك معى و معلوماتك لى
أتمنى لك التوفيق
رد: مساعدة فى تحديث Firmware لجوال Samsung Wave II S8530 و إستفسار فى البطارية
اقتباس:
المشاركة الأصلية كتبت بواسطة bishoyusama
بالنسبة للابديت فأنا بردة خايف اجرب و البطارية حاول متشغلش gps و ولا wifi او blue tooth منغير ما تكون محتاجهم
والله أنا خايف أكتر منك يعنى تقريباً كدة أنا أكتر واحد فى الدنيا خايف من كدة :D
مستنى الفرج من عند ربنا عشان حد يجيب الكلام النهائى
بالنسبة للبطارية متقلقش عامل حسابى
بستخدم الحاجات ديه عند الحاجة فقط
إن شاء الله خليك متابع الموضوع دة عشان نقدر أنا و إنت نستفيد بقدر إمكان عشان نمحى الخوف إللى جوانا :D
رد: مساعدة فى تحديث Firmware لجوال Samsung Wave II S8530 و إستفسار فى البطارية
للاسف يا جماعة انا معي الويف 1 وليس الويف تو
وبالفعل الابديت نزل لجوالي قريب وحدثت ليه مفيش اي مشكلة والجهاز بقي افضل
رد: مساعدة فى تحديث Firmware لجوال Samsung Wave II S8530 و إستفسار فى البطارية
الحمد لله بفضله أنا عملت الأبديت بس مفيش أى برامج ولا أى حاجة جديدة أو تغييرات غير الخلفية بتاعت مشغل الأغانى بقت أغمق شوية و برنامج السامسونج كيس بعد التحديث بينزل البرامج عادى جداً و مش بيطلب حاجة تانى الحمد لله
أكيد فى حاجات إتعدلت بس أنا مش واخد بالى أصلى مش واخد على نظام البادا و معرفش فيه أوى
لو فى حاجة تانى هابقى أبلغكم
و شكراً على حسن تعاونكم معى