هل تؤيد رحيل الصقر احمد حسن و رحيل سيد معوض عن الاهلي ؟!؟
في أمر قد يبدو تأكيداً على قرار الاستغناء عنهما بنهاية الموسم، استبعد البرتغالي مانويل جوزيه المدير الفني للأهلي الثنائي أحمد حسن وسيد معوض من قائمة مباراة المقاولون العرب التي ستقام مساء الخميس في الاسبوع قبل الأخير لمسابقة الدوري الممتاز وقد ابلغ مانويل جوزيه ...., سيد معوض بقرار الاستغناء عنه بعد نهاية الموسم الحالي، في حين ياتي عدم مفاتحة إدارة الأهلي أمر تجديد عقد احمد حسن ليؤكد رحيل الأخير أيضا عن الفريق الأحمر. وكان الصقر قد اعترف بدخوله في مفاوضات للانتقال للزمالك في الموسم القادم.
هل انت مع رحيل احمد حسن وسيد معوض عن الاهلي ؟
هل استبعاد حسن ومعوض من قائمة "التتويج" يؤكد رحيلهما عن الأهلي ؟
هل نادي الزمالك سوف يستفيد من الصقر احمد حسن الموسم القادم ؟
رد: هل تؤيد رحيل الصقر احمد حسن و رحيل سيد معوض عن الاهلي ؟!؟
انا دخلت مخصوص علشان ارد على موضوعك
انا مؤيد جدا قرار الرحيل لعده اسباب
اولا الخطه التى اتى من اجلها جوزيه هى تجديد دماء الفريق بالشباب
ثانيا من لا يحترم القلعه الحمراء فلسنا فى احتياج اليه
ثالثا الاهلى دائما لا يقف على لاعب بعينه او اسم بصفته
الاهلى اكبر من اى اسم ومن اى لاعب
ولما اللاعب يروح يقعد مع الفريق المنافس بدون علم النادى مش عاوزينو حتى لو كاااااااااااام مييييييييين
ارجو انى يكون كلامى واضح
للعلم
انا اهلااااااااااااااااوى متعصب جدااااااااااااااا جداااااااااااااااااااا
والى الابد الاهلى هو فريقى
تحياتى لكل الاهلاويه
.....
..
.
رد: هل تؤيد رحيل الصقر احمد حسن و رحيل سيد معوض عن الاهلي ؟!؟
سيتضح بالتاكيد نتائج قرارته
قد يكون جوزيه يحاول وضع لا عبين ذو نشاط
لان معظم الاعبين ارى انهم افتقدوا الروح الحماسيه للفريق
قرار سليم مع احترامى بالطبع لجميع الاعبين
فنحن لا ناخذهم لحما ونرميهم عظما
رد: هل تؤيد رحيل الصقر احمد حسن و رحيل سيد معوض عن الاهلي ؟!؟
انا مع تجديد دماء الفريق ولاكن ايه الفكره لما نترك لعيبه مثل شهاب الدين ومصطفي عفرتو واحمد شكري بدون لعب
وقريبا الاستغناء عنهم في سبيل الحصول علي لعيبه جدد ومن فرق اخري وتكلف النادي امول كثيره ؟!!؟
وانا متأكد وواثق ان اللعيبه دي هنجري وراها تاني علشان ترجع النادي من جديد.
وبخصوص احمد حسن انا مع عدم التجديد له واعتقد انه ممكن يفيد نادي الزمالك اكثر من النادي الاهلي
وبخصوص سيد معوض اعتقد ان بدايه النهايه اقتربت بالنسبه له واعتقد انه قريبا في حرس الحدود
يا ريتني كنت طلعت لعيب كوره :D
رد: هل تؤيد رحيل الصقر احمد حسن و رحيل سيد معوض عن الاهلي ؟!؟
قرار فيه تلكيكه بالنسبه لسيد معوض ..........ولكن صحيح بالنسبه لاحمد حسن ..............بس سيد معوض مين اللى هيسد مكانه لازم يكون لاعب زى احمد سمير فرج او اسامه محمد
رد: هل تؤيد رحيل الصقر احمد حسن و رحيل سيد معوض عن الاهلي ؟!؟
اعتقد ان احمد شديد قناوي هو الاقرب
مبرووووووووك للنادي الاهلي ولكل الاهلاويه :ah4:
رد: هل تؤيد رحيل الصقر احمد حسن و رحيل سيد معوض عن الاهلي ؟!؟
اقتباس:
المشاركة الأصلية كتبت بواسطة Captain Tifa
اعتقد ان احمد شديد قناوي هو الاقرب
مبرووووووووك للنادي الاهلي ولكل الاهلاويه :ah4:
احمد شديد قناوى وكمان السيد حمدى بتروجيت
وكمان حسين حمدى المقاصه
قريبين جدا للاهلى
وعبد العزيز توفيق انبى
رد: هل تؤيد رحيل الصقر احمد حسن و رحيل سيد معوض عن الاهلي ؟!؟
مبروووووووووووك الدورى اولا والكبير كبير بالنسبه لأحمد حسن حتى لو كان فعلا كبر فهو ذو لياقه بدنيه لاتوجد عند لاعبين صغار بالنسبه للخبره فلن تجد اكثر منه خبره انا رأى ان احمد حسن سيكون رحيله خساره وانا نفسى يختتم مسيرته فى الأهلى وليس نادى اخر
رد: هل تؤيد رحيل الصقر احمد حسن و رحيل سيد معوض عن الاهلي ؟!؟
اقتباس:
المشاركة الأصلية كتبت بواسطة Captain Jack
احمد شديد قناوى وكمان السيد حمدى بتروجيت
وكمان حسين حمدى المقاصه
قريبين جدا للاهلى
وعبد العزيز توفيق انبى
و أحمد دويدار لاعب اتحاد الشرطة
رد: هل تؤيد رحيل الصقر احمد حسن و رحيل سيد معوض عن الاهلي ؟!؟
انا بحب لعب الكابتن سيد معوض الصراحه راجل خساره رحيله
رد: هل تؤيد رحيل الصقر احمد حسن و رحيل سيد معوض عن الاهلي ؟!؟
-انا مش مع رحيل احمد حسن وشايف ان الافضل انو ينهى حياته الكرويه فى نادى كبير زى الاهلى - مع احترامى للزمالك - فى عز مجده وبطولاته .
-بالنسبه لسيد معوض لو فى بديل كويس له انا مع انو يمشى .
-الزمالك اكيد هيستفيد من احمد حسن .
رد: هل تؤيد رحيل الصقر احمد حسن و رحيل سيد معوض عن الاهلي ؟!؟
اقتباس:
المشاركة الأصلية كتبت بواسطة X-MAN
-انا مش مع رحيل احمد حسن وشايف ان الافضل انو ينهى حياته الكرويه فى نادى كبير زى الاهلى - مع احترامى للزمالك - فى عز مجده وبطولاته .
-بالنسبه لسيد معوض لو فى بديل كويس له انا مع انو يمشى .
-الزمالك اكيد هيستفيد من احمد حسن .
انا للاسف مش معاك فى اللى بتقوله
خلينا واقعيين اى نعم احمد حسن نجم
لكن كبر خلاص
هتقولى بركات برده كبر
هقولك لا حاسب تشوف بركات فى الملعب تديله 23 سنه
بعدين انت معندكش بديل بركات لكن عندك بديل احمد حسن
فى حسام عاشور ومعنز اينو وشهاب وحسام غالى
لكن بركات معندكش نهائى عرفت بقى انا ليه مش معاك
ده اولا بالنسبه لسيد معوض انت عندك ايمن اشرف ده ناشىء ممتاز بس عايز ياخد الثقه بس وهتتفرج عليه
اتمنى انى يكون الاختلاف فى الاراء لا يفسد للود قضيه دى مجرد راى وفى النهايه واجب علينا احترام بعض
رد: هل تؤيد رحيل الصقر احمد حسن و رحيل سيد معوض عن الاهلي ؟!؟
اقتباس:
خلينا واقعيين اى نعم احمد حسن نجم
لكن كبر خلاص
انا قصدى بالنسبه ليه هو افضل انو يفضل فى الاهلى ويعتزل فىه.
وانا معاك فى بقية كلامك.
رد: هل تؤيد رحيل الصقر احمد حسن و رحيل سيد معوض عن الاهلي ؟!؟
اعتقد ان الافضل لاحمد حسن شخصيا انه يكمل
في النادي الاهلي لانه مش هيتأقلم في الزمالك
واعتقد انه هيكون في خلافات كبيره بينه وبين حسام حسن
ولاكن وجوده في النادي الاهلي اعتقد انه هيلعب لمده عام ومن
بعدها ممكن يشتغل في قناه النادي الاهلي او مساعد مدرب او
اداري في النادي .
وبالنسبه للنادي اعتقد ان احمد حسن مش هيفيده قوي
واعتقد ان استمرار احمد حسن في الاهلي هيكون احمد هو
الكسبان مش الاهلي لان مجهود احمد مش زي الاول وفكره
الابقاء عليه كنوع من تكريمه .