ماهو متوسط المرتبات لمهندسين الشبكات فى مصر
السلام عليكم ورحمة الله وبركاتة
اخوانى و اخواتى انا كنت عايز اعرف اجابة لسوال مهم دايما بيتسال فى النتر فيو وهو انت المرتب اللى انت تستحقة كام وهنا الواحد بيتحط بين شقى الرحا زى ما بيقولوا يعنى لو انت قلت رقم كبير هاتخاف ان يكون فى واحد فى نفس امكانياتك ويطلب اققل ومن ناحية تانية لو طلبت رقم صغير ممكن تكتشف ان بعد ما اشتغلت زميلك اللى جامبك مرتبة اكبر منك بكتير وانتوا الاتنين فى نفس المستوى
انا عارف طبعا ان التقيم بيتم على اساس الخبرة وكمان المهارات اللى انت تملكها جميل بس لو نفرض مثلا ان فى واحد معاه mcse -mcitp - ccna-ccnp "ودى حالتى انا الشخصية على الرغم من انى لسة الccna - والccnp مش امتحنت فيهم" بس طبعا انا مش هادور على وظيفة غير لما امتحن
المهم هو انا المفروض مقدر نفسى بكام مع العلم انى انا كنت بشتغل فى شركة اجنبية وكنت وقتها معايا mcse بس وسيبت الشغل علشان الدراسة وكمان لانهم طلبوا منى انى اسافر ودة كان هايعطلنى
ياريت يا جماعة كل اصدقائنا اللى شغالين هما اللى يفيدونا علشان التوقعات مش هاتفيد حد خصوصا فى ظل ازمة الاقتصاد العالمى
والف شكر لكل اللى بيساهم فى هذا المنتدى او اللى انا بسميه الدرع لانه دايما بالنسبة ليا كان الدرع الواقى لاى موصوع صعب عليا فى اى حاجة فى الدراسة
رد: ماهو متوسط المرتبات لمهندسين الشبكات فى مصر
لن اقدر ان افيدك اخي لعده اسباب اولها لم اعمل في مجال الشبكات وايضاً لا ادري عن الحال في السوق المصريه
ولــــكــــــن
اعجبتني اطروحتك وخصوصاً عندما قلت "انا كنت بشتغل فى شركة اجنبية وكنت وقتها معايا mcse" يعني انت من اهل الخبره العمليه ولهذا قد يصعب عليك انت بان تعطيني المعدل لموظف mcse في مصر وتصدق الاحصائيه.
وهيا للاسباب التي ذكرتها انت عندما قلت "انا عارف طبعا ان التقيم بيتم على اساس الخبرة وكمان المهارات اللى انت تملكها "
واضف عليها مدى العروض المقدمه وايضاً امكانية الشركه المتقدم اليها. كلها تأرجح من احتماليات القبول بك.
ولكن ان اردت معرفه حقيقيه من وجهة نطري عليك بتقيم نفسك بالقدرات التي لديك والخبره في المجال التي انت فيه وايضاً متطلبات الشركه المتقدم اليها وامكانياتها وان امكن السؤال من موظفين عملو فيها.
على سبيل المثال اذا شركه طالبه mcse وانت تقدمت لها ومعك الشهاد والخبره وايضاً لديك الشهادات التي ذكرتها بهذا سيقاس مرتبك على الـmcse هذا اذا الشركه ليس لديها cisco حيث ان قيمة شهاده سيسكو لديها ستكون بلا قيمه.
اما اذا شركه كل شغلها على سيسكو وليس هناك مايكروسوفت فتقيمهم لك سيكون على حساب الشهادات التي لديك وايضاً الخبره في مجال سيسكو ولن يحسب خبرتك في مجال مايكروسوفت كون الشركه ليست بحاجه الى شهادات مايكروسوفت.
وهناك الكثير من الفرضيات التي يمكنها ان تأرجح مدى قوة الراتب المعطى لك اخر كل شهر او اسبوع او في كل ساعه.
نقطه اخيره "المهم هو انا المفروض مقدر نفسى بكام " وهنا السبب يكمن الغز ولا احد يقدر ان يعطيك احصائيه دقيقه الا اذا تمت على شكل نطاق واسع بحكم تمرجح السوق و" فى ظل ازمة الاقتصاد العالمى " وايضاً عدم وجود رصد للوظائف المطالب بها وايضاً كم يتم الدفع في الوطن العربي فيها.
مسك الختام: في الدول الاوربيه يسهل تحديد المعدل كون هناك مواقع يتم الاعلان فيها عن الوظائف وايضاً هيا تحتفظ باحصائيات شهريه عن معدل المرتب. منها https://www.itjobswatch.co.uk/jobs/uk/ccna.do وهذا يعطيك مثلاً الشهاده كم الطلب وكم المرتب وايضاً يعطيك Graph يشير الى البيانات في فترات زمنيه متفاوته.
اتمنا لك التوفيق في الدراسه وفي رحلة البحث عن طلب الوظيفه.
وعفواً على الاطاله
رد: ماهو متوسط المرتبات لمهندسين الشبكات فى مصر
شكرا على الرد الجميل بس يمكن علشان انت مش فى مصر فمش عارف السوق هنا ماشى ازاى يعنى فكرة تقييم كل حاجة لوحدها مش واردة لان الشركات هنا فى مصر يهمها انت بتعرف تتعامل مع كذا نوع من التكنولوجيا ولا لا بغض النظر عن هى فعلا محتجاه ولا لا
رد: ماهو متوسط المرتبات لمهندسين الشبكات فى مصر
السلام عليكم
انا كنت عاوز اقول حاجة
انت ممتاز والله وكمان عندك قدر م الحكمة أدعو الله عز وجل ان يعطيني مما أعطاك - اللهم آمين
كمان انا كنت عاوز اقول لك انك من اهل الخبرة، ودا شئ جميل وعال خالص
بوص انت لازم تشوف تقول كلمة ف السي في بتاعك
انا عن نفسي - الحمد لله - حاططها وهي Salary Expected: According to Markets
على فكرة الكلام دا مهم
ومتهيألي الأجابة دي وافية وكمان فظيعة
لأنك كدا انت اللي بتحط الشركة دي في خانة اليك
صح ؟؟؟؟
:eek:
رد: ماهو متوسط المرتبات لمهندسين الشبكات فى مصر
اقتباس:
المشاركة الأصلية كتبت بواسطة eebng_1422
السلام عليكم
انا كنت عاوز اقول حاجة
انت ممتاز والله وكمان عندك قدر م الحكمة أدعو الله عز وجل ان يعطيني مما أعطاك - اللهم آمين
كمان انا كنت عاوز اقول لك انك من اهل الخبرة، ودا شئ جميل وعال خالص
بوص انت لازم تشوف تقول كلمة ف السي في بتاعك
انا عن نفسي - الحمد لله - حاططها وهي Salary Expected: According to Markets
على فكرة الكلام دا مهم
ومتهيألي الأجابة دي وافية وكمان فظيعة
لأنك كدا انت اللي بتحط الشركة دي في خانة اليك
صح ؟؟؟؟
:eek:
ربنا يخليك على كلامك الجميل هى فكرة حلوة بجد بس تنفع مع الشركات الكبيرة بس بردك انا كنت بفكر فى مدى معين على اساس ان انا المفروض راجل تعبت وطلع عينى 3 سنين فى المذاكرة والفهم فلازم يكون عندى حد ادنى
انى اقبل او ارفض وطبعا الحد الادنى دة استحالة انا اللى احطة لان انا مثلا ممكن ااقدر نفسى ب10 الاف فى الشهر وواحد تانى يخليها 50 ههههههههه انا كنت بسال على المدى المتعارف علية لان وبصراحة انا شفت ناس معايا فى الشغل واحد فاهم جدا جدا وواحد ولا يعرف اى حاجة عن الشبكات والاتنين بيقبضوا واحد تقريبا
رد: ماهو متوسط المرتبات لمهندسين الشبكات فى مصر
شوف يا اخي .
افضل اجابة لموضوع المرتب عرفتها هي انك ترمي الكورة في ملعب الموظف .
يعني تقول له مثلا : واحد عنده الخلفية ده و الشهادات ده و الخبرة ده في شركة زي ده , انتم بتقيموه بكم ؟
حاول تصيغها باسلوب جيد .
و شكرا اخونا العزيز takiadeen على مداخلتك المميزة
رد: ماهو متوسط المرتبات لمهندسين الشبكات فى مصر
اقتباس:
المشاركة الأصلية كتبت بواسطة Eng.MagoooD
شوف يا اخي .
افضل اجابة لموضوع المرتب عرفتها هي انك ترمي الكورة في ملعب الموظف .
يعني تقول له مثلا : واحد عنده الخلفية ده و الشهادات ده و الخبرة ده في شركة زي ده , انتم بتقيموه بكم ؟
حاول تصيغها باسلوب جيد .
و شكرا اخونا العزيز takiadeen على مداخلتك المميزة
انا فعلا عملت كدة مرة بس اللى حصل انه قالى انا عايز اعرف انت شايف انت تستحق كام يعنى بردك مش هو دة الصح انا اعرف ان فى اى وظيفة تانية بيكون الrang معروف لكن ولان المستويات بين مهندسين الشبكات فى تفاوت اللى نقدم على وظيفة مش هايعرف يقدر صح وعموما الف شكر على اهتمامك وياريت لو حضرتك عرفت حاجة ياريت تفدنا
رد: ماهو متوسط المرتبات لمهندسين الشبكات فى مصر
اقتباس:
المشاركة الأصلية كتبت بواسطة takiadeen
لن اقدر ان افيدك اخي لعده اسباب اولها لم اعمل في مجال الشبكات وايضاً لا ادري عن الحال في السوق المصريه
اخى تقى الدين انا مش مصدق انك لم تعمل فى المجال من قبل لان معلومات حضرتك ومشاركاتك تدل على كفاءه عاليه ما شاء الله
انا بالنسبه لى لما كنت بتسأل عن المرتب كنت بقول ان المرتب مش هيفرق معايا اوى عل اد ما انا عندى رغبه انى امتسب خبره واشتغل فى مكان كويس يعنى من الاخر كنت بحاول اقدر نفسى واقدر المكان
بالتوفيق
رد: ماهو متوسط المرتبات لمهندسين الشبكات فى مصر
بوص
والله العملية سهلة ويسيرة
لكن خليني أقول حاجة
لو انت خايف ان الشركة دي تاكل حقك
يبقى انت تحرص ان العقد بتاعك يكون عام كحد أقصى بحيث انك تستفيد م الخبرة عندهم
وبعد كدا تروح على شركة أكبر
رد: ماهو متوسط المرتبات لمهندسين الشبكات فى مصر
السلام عليكم ورحمة الله اولا انا مش قادر اعبر عن سعادتى بردود حضراتكم
وعلى فكرة انا مقتنع بيها جدا بس هى الفكرة فى موقف حصل معايا انا لما روحت الشركة اللى كنت فيها مش كنت بدور على المرتب بس اللى حصل بعد كدة ان ان "وربنا يشهد عليا" لاقيت اللى ماسك ادارة الIT فى الموقع اللى انا فية مش فاهم هو اصلا مهندس مدنى ومعاه كورس MCSE بس مش كان اشتغل بيه قبل كدة ولما اشتغل فى الشركة عرض عليهم يمسك ال IT وهما وفقوا ولما روحت انا كنت فاكر ان هاخد خبرة منه بس لاسف انا كنت شايل شغل كتير وهو كان تقريبا مش بيشتغل والموقف دة كان مأثر فيا بشكل كبير لانى تقريبا كنت باخد ربع المرتب بتاعه
رد: ماهو متوسط المرتبات لمهندسين الشبكات فى مصر
السلام عليكم :
أولا اسمحوا لي بالمشاركة
أنا مرة جاتلي شغلانة في مصنع كريستال عصفور
وهو من أكبر مصانع الكريستال والنجف في العالم
وقد حدثني أخ اندونيسي أن لهم 15 فرع في اندونسيا !!!
ولهم والحمد لله مصنع - أو قول قلعة - كبير جدا -ما شاء الله ولا قوة إلا بالله -
في القاهرة.
المهم ماطولش عليكوا علشان متناموش مني
المرتب كان 2000 جنيه وده في البداية بس
رد: ماهو متوسط المرتبات لمهندسين الشبكات فى مصر
اقتباس:
المشاركة الأصلية كتبت بواسطة VancouverEG
السلام عليكم :
أولا اسمحوا لي بالمشاركة
أنا مرة جاتلي شغلانة في مصنع كريستال عصفور
وهو من أكبر مصانع الكريستال والنجف في العالم
وقد حدثني أخ اندونيسي أن لهم 15 فرع في اندونسيا !!!
ولهم والحمد لله مصنع - أو قول قلعة - كبير جدا -ما شاء الله ولا قوة إلا بالله -
في القاهرة.
المهم ماطولش عليكوا علشان متناموش مني
المرتب كان 2000 جنيه وده في البداية بس
جميل جدا هو دة اللى انا بدور علية يا جماعة لغة الارقام هى اللى بنحدد صح الف شكر لحضرتك على المتابعة
وياريت لو فى حد عندة معلومات تانية يقدر يفدنا ويفيد كل اللى بيدور على اجابة السوال دة شكرا مرة تانية لحضرتك
رد: ماهو متوسط المرتبات لمهندسين الشبكات فى مصر
لي صديق في مصر حاصل على ال ccna و ccnp بدأ براتب 3000 جنيه
رد: ماهو متوسط المرتبات لمهندسين الشبكات فى مصر
اقتباس:
المشاركة الأصلية كتبت بواسطة ahab
لي صديق في مصر حاصل على ال ccna و ccnp بدأ براتب 3000 جنيه
الف شكر لمرور حضرتك وعلى فكرة الرقم دة فى كتير من الصدق لانى كنت قريت على موقع اجنبى بيجيب معلومات عن متوسط المرتبات فى الدول كلها عن طريق منظمات غير حكومية هما كانوا كاتبين تقريبا 50الف فى السنة وطبعا دة متوسط
الف شكر لحضرتك مرة تانية وارجوا لو فى حد عندة معلومات تانية يفيدنا
رد: ماهو متوسط المرتبات لمهندسين الشبكات فى مصر
اقتباس:
المشاركة الأصلية كتبت بواسطة thekingkhalid_8
السلام عليكم ورحمة الله وبركاتة
اخوانى و اخواتى انا كنت عايز اعرف اجابة لسوال مهم دايما بيتسال فى النتر فيو وهو انت المرتب اللى انت تستحقة كام وهنا الواحد بيتحط بين شقى الرحا زى ما بيقولوا يعنى لو انت قلت رقم كبير هاتخاف ان يكون فى واحد فى نفس امكانياتك ويطلب اققل ومن ناحية تانية لو طلبت رقم صغير ممكن تكتشف ان بعد ما اشتغلت زميلك اللى جامبك مرتبة اكبر منك بكتير وانتوا الاتنين فى نفس المستوى
انا عارف طبعا ان التقيم بيتم على اساس الخبرة وكمان المهارات اللى انت تملكها جميل بس لو نفرض مثلا ان فى واحد معاه mcse -mcitp - ccna-ccnp "ودى حالتى انا الشخصية على الرغم من انى لسة الccna - والccnp مش امتحنت فيهم" بس طبعا انا مش هادور على وظيفة غير لما امتحن
المهم هو انا المفروض مقدر نفسى بكام مع العلم انى انا كنت بشتغل فى شركة اجنبية وكنت وقتها معايا mcse بس وسيبت الشغل علشان الدراسة وكمان لانهم طلبوا منى انى اسافر ودة كان هايعطلنى
ياريت يا جماعة كل اصدقائنا اللى شغالين هما اللى يفيدونا علشان التوقعات مش هاتفيد حد خصوصا فى ظل ازمة الاقتصاد العالمى
والف شكر لكل اللى بيساهم فى هذا المنتدى او اللى انا بسميه الدرع لانه دايما بالنسبة ليا كان الدرع الواقى لاى موصوع صعب عليا فى اى حاجة فى الدراسة
بص انا هقولك تجربه شخصيه
انا فى السى فى بتاعى بتعمل حاجه انى بحط المرتب الحالى بتاعى كام
واروح باعت السى فى للشركات اللى عايزه ناس تشتغل
مثلا مثلا لو انا شغال مثلا ب 2000 جنيه فبروح عامل ايه
اقول ان المرتب الحالى بتاعى 2500 او 3000 بحيث ان الشركه اللى عايزانى تكون عارفه انها ياما هتدينى زى مرتبى الحالى او اعلى منه
وده عشان انا شغال ومش كل شويه اروح انترفيو وفى الاخر المرتب مش يعجبنى ويبقى ضيعت وقتى وخلاص
عشان كده من الاول بحط المرتب الحالى بتاعى وهما بقى اللى يقدروا المرتب اللى هما عايزين يدهولى واللى اكيد لو عايزنى مش هيبقى اقل من المرتب الحالى بتاعى
انت قولى بس خبرتك ايه واشتغلت فين وانا اقولك باذن الله تعمل ايه ؟