عنوان مُعدّل ... عايز لابتوب بميزانيه 5000 جنيه مصرى و التفاصيل فى الداخل

السلام عليكم ورحمة الله و بركاته

بصراحه انا تعبت من اللف و التدوير
و الاسعار سيئه للغايه مش عارف ليه

انا المواصفات اللى بدور عليها كالتالي

بروسيسور مش اقل من 2.6 كور تو ديو
او ما يعادله AMD هيبقى تمااااااااااام جدا
رامات مش اقل من 3 جيجا
و مش عايز كارت شاشه عالي علشان مش محتاجه
ما يزيدش عن 5000 جنيه مصري

دي الحاجات الاساسيه

في حاجات فرعيه ياريت تكون متوفره فيه
بس لو مش متوفره مفيش مشاكل

ويندوز سيفين
و ياريت يكون 14 بوصه مش 15
يكون
Dell

ياريت لو حد يعرف مكان الاقي فيه المواصفات دي بالسعر دا
يقولي على المكان و العنوان
او حتى نمرة تليفون !!!

و شكرا جزيلا

DELL Inspiron 1564
Processor: Intel® Core I5 540 2.53 GHz,3M Cache Processor Bus Speed 4.8GT
Memory: 3 GB DDR3
Memory Bus Speed: 1066 MHz FSB
Hard Disk: 320 GB SATA
Screen: Diagonal LED Full HD Widescreen Display
Screen Size: 15.6
Screen Resolution: 1920 x1080
Display Card: ATI HD 4330
Ethernet: 10/100/1000
Webcam: 1.3 MP
Memory Card Reader:
Microphone:
USB 2.0:
D-Sub:
HDMI
WiFi: 802.11 b/g
Bluetooth:
Battery: 6-cell
Warranty: 2Year Limited Warranty By Quest Dell Authorised Distributor
ضمان سنتين
4800
جنيهاااا فقط لا غير

ده من شركة الحرمين موجود في منتدي عروض البيع
البروسيسور اقل من 2.6 بحاجة بسيطة بس مع تفاعل خاصية Turbo
بيوصل 3.06

متشكر يا ابراهيم الف شكر

طب انا كنت عايز اسأل سؤال
بس مش عارف مكانه فين الصراحه

دلوقتي موضوع ال core i5, core i3
ايه نظامهم ؟؟؟؟

انا اعرف ان في i7 نزل و دا جامد جدا و كل حاجه تمام
انما الـ i5, i3 دول حاجات تقليد و اي كلام
و اللى اكدلي كلامي اكتر
ان محل من المحلات اللى في مول سوق العصر في روكسي
كنا بنفاصل معاه في لابتوب البروسيسور بتاعه i5 فـ نزل معانا لغاية 900 جنيه
و لابتوب تاني core2due مرضيش ينزل فيه 100 جنيه !

هل الكلام دا مظبوط ولا ايه ؟؟

الأفضل نقل الموضوع لقسم الاجهزه المحموله و الكفيه
فهناك أعضاء لهم خبره عريقه فى الأجهزه المحموله و ربما تجنى فائده أكبر

يُنقل

من قال أن ال i3 و ال i5 تقليد ؟؟؟؟
هذا كلام خالى من الصحة تماما
ال i3 و ال i5 تقنيات جديد من انتل و معروفة للكل
و هذا ترتيب المعالجات من الأعلى للأقل
https://www.notebookcheck.net/Mobile...st.2436.0.html

و بعدين هو فى أصلا حاجة اسمها معالج تقليد ؟ ليه ؟ هو باور سبلاى أو كيسة ؟ :D

أكيد اخى الحبيب , التاجر ده كان عايز ينصب عليك و يعلى السعر بحجة ان دى تقنية جديدة
و هى فعلا أسعارها أغلى

المهم أنصحك بحاجة من الفئة دى
Toshiba Satellite A500
فيها موديلات CORE I5 ممتازة

و لو ليك حد فى السعودية ممكن تجيب واحد من الجهازين اللى فى الموضوع ده
https://www.arabhardware.net/forum/s...d.php?t=167559
أسعارهم هناك ممتازة

و اى استفسار انا تحت امرك

و لا تنس صلاة الاستخارة قبل الشراء

يمكنك أيضا شراء جهاز Dell Inspiron 1545 و مواصفاته
Intel Core2Duo P8700, 2.53GHz/3M/1066MHz, 4G RAM, 320G HD, DVD+/-RW, 15.6" Wide HD screen with 1.3MP webcam&mic, Intel X4500 up 1024MB VGA, Lan, Wireless, Bluetooth, 3USB, CardReader, Pcmcia, VGA Out, Windows Vista or Windows 7, 6-cell Batt., 1Yr Ltd. warranty

وهو جهاز قوى كما تريد و فى حدود ميزانيتك. زورنى فى موقعى و اتصل بى لو أحببت

انا شاكر ليكم جدا مساعدتكم و اعتذر عن التأخير في الرد...

بالنسبه للتقنيه الجديده من Intel ، انا مليش خبره كبيره في موضوع المقارنه بين انواع البروسيسورز

لكن كنت عايز اعرف مين اعلى من مين ؟؟؟ ترتيبهم يعني

core2duo , core i3, core i5, core i7

الـ i7 اعلاهم طبعا .... طيب الباقي ايه نظامه ؟

و هل التقنيه الجديده دي افضل من ال core2duo

راجع ترتيب المعالجات من الأعلى للأقل
https://www.notebookcheck.net/Mobile-...st.2436.0.html

و هى أحدث من ال core 2 due

و لكن بعض موديلات core 2 due قد يكون ترتيبها أعلى من حيث الأداء من بعض موديلات core i3 و i5

و لكن تبقى فئة ال core ix بأنواعها هى الأحدث

ما هي دي نفس الصفحه اللى فوق و انا شفتها ... بس ما فهمتش حاجه :confused:
و انا عارف ترتيبهم مين الاحدث من مين

لكن اللى عايز اعرفه
مين اعلى من مين في السرعه

لو نفترض بروسيسور 2.5
core2due, corei3, core i5, core i7
مين اعلى من مين ؟

أخى الحبيب

الترتيب ده مش ترتيب الاحدث , ده ترتيب أداء , يعنى مين أداؤه اعلى و اقوى من مين .

و الأسرع هى فئة ال CORE IX

لأن ال Core 2 due عبارة عن نواتين

إنما ال core ix بيبتدى من نواتين إلى 4 أنوية و كل نواة منهم بتشتغل شغل نواتين
يعنى اللى بنواتين شغله = 4 انوية
و اللى ب 4 أنوية شغله = 8 انوية

ده شرح مبسط جدا عن الموضوع و لكن لو عايز تعرف أكتر , شوف قسم المعالجات هتلاقى موضوع مثبت عن المعالجات دى

انا كده فهمت ، تسلم ايدك !!!
تم اضافة تقييم على فكره :):)
--
انا قبل ما احط موضوعي دا
دورت على الموضوع اللى انت قصدك عليه
و ما عرفتش اوصله خالص
بس وصلتله الحمد لله دلوقتي
--
شكرا ليك مره تانيه