باركولى يا اخوان (تم قبول مشروعى : اعادة بناء التعليم فى كلية التجاره)

السلام عليكم يا اخوانى

حصل شى عجيب

انا النهارده كنت فى الكليه و كنت عند الدكتور سعيد الهلباوى العميد الاسبق اللى انا كنت قدمتله المشروع و ما خدوش منى

المهم انا كنت فيه موضوع بخلصه معاه و فى وسط الكلام قلتله انا زعلان من حضرتك علشان المشروع تم رفضه و تم طردى من المكتب

قالى المشروع اتقبل !!!!!!!!!!!!!!!!!!!!!!!!!!!!!!!!!!!!!!!!!!!!!!

انا اتفاجئت اتقبل ازاى ( اللى حصل بقه انه لما رفض يقابلنى قبل كده اديت المشروع لعمو احمد و هو العامل فى مكتب سيادته و سبته و مشيت
و اللى حصل ان عمو احمد دخل المشروع او مش عارف ايه اللى حصل بالظبط

المهم المشروع وصل جامعة طنطا ( رئاسة الجامعه ) و الجامعه ارسلت رد للكليه انه تم قبوله

و الاستاذ الدكتور / عزيز محفوظ كفافى نائب رئيس جامعة طنطا لشئون الطلاب
قال سوف يدخل ضمن خطة التطوير القادمه

انا ماكنتش مصدق نفسى

الحمد لله يا رب

انا كده عملت اللى عليا

مع انى متاكد انه لن يتم العمل به و لكن الحمد لله

الف الف مبرك اخي العزيز، ربنا يوفقك بإذن الله :)

مبروك وبالتوفيق ان شالله

مبروك و ان شاء الله تكون البداية على ايدك :)

جزاكم الله خيرا على المرور الجميل و ان شاء الله ربنا يوفقنى و يوفقكم للخير باذن الله

ابقى سلملي على عمو أحمد وخليه يدعيلي

والله يا اخوة العاملين البسطاء خير وبركة واقدر على الاقناع :)

مبروك مبروك حبيبي
الحمد لله لسه في خير و لسه في ناس بتسمع ابنائها
الف مبروك :)

اقتباس:

---

المشاركة الأصلية كتبت بواسطة hardware

ابقى سلملي على عمو أحمد وخليه يدعيلي

والله يا اخوة العاملين البسطاء خير وبركة واقدر على الاقناع :)

---

الله يسلمك يا استاذ مبارك

بجد الراجل ده عاملنى معامله كويسه جدا و كان بيدخلنى عنده علشان استنى العميد

اقتباس:

---

المشاركة الأصلية كتبت بواسطة wobooo

مبروك مبروك حبيبي
الحمد لله لسه في خير و لسه في ناس بتسمع ابنائها
الف مبروك :)

---

الله يبارك فى حضرتك يا بشمهندس ياسر

مبروك وعقبال ما تكون العميد ان شاء الله

اخي ghost ما هذة العباره في توقيعك اراها جديده من ساعات قليله ماذا حدث
بالله عليك طمني عنك وانا بالخدمه اخي

أخي بارك الله فيك

إذا استطعت أن تحصل على وريقة يسمونها "شهادة شكر" حتى لو اعتذروا عن التطبيق، فسيكون في ذلك هدية عظيمة لك.

الف الف مبرك اخي وعقبال ما تكون العميد ان شاء الله

جزاكم الله خيرا يا اخوانى

و بالنسبه لجواب الشكر ( لايلزمنى فى شى )

و الحمد لله انا كويس بس حالتى النفسيه تعبانه جدا فارجو الدعاء لى بتجاوز الازمه على خير و شكرا لك استاذى wobooo على السؤال

و سامحونى عن عدم الرد على الموضوع حاليا