اريد شاشه فى حدود 1000ج للالعاب كرة القدم ارجو الاهتمام

انا بصراحه زهقت من مشكلة الجوستينج فى pes 2011 انا والله لسه شارى اول يوم رمضان شاشه اسمها philips 221el سرعة استجابتها 5ms هى كويسه فى كل حاجه بس pes 2011 الجوستينج دا هبلنى
دلوقتى انا هبيعها تنصحونى اجيب ايه بسرعه الله يخليكو عشان انا اتخنقت

شكرا للاعضاء المنتدى اللى محدش منهم راضى يعبرنى بنصيحه انا من اسبوعين وضعت استفسار عن philips 221elولحد دلوقتى مفيش واحد بس عبرنى يبقى لازم اسنى شهر عشان حد يرد على سؤالى التقيل

هو اولا مفيش داعى انك تبيعها بس لو كنت مصر يبقى هات اى شاشة response time 2ms زى 23" LED Samsung (S23 A300B)

اقتباس:

---

المشاركة الأصلية كتبت بواسطة amrdio

هو اولا مفيش داعى انك تبيعها بس لو كنت مصر يبقى هات اى شاشة response time 2ms زى 23" LED Samsung (S23 A300B)

---

الشاشة ده انا لسه شاريها وزمن الاستجابه بتاعها 5 مللى ث مش 2 و هى بتعمل جوستنج بسيط جداً فى بيس بس هى رائعة

بص يا milito زمن الاستجابه مش هو بس اللى بيحدد اذا كانت الشاشة حتعمل جوستنج ولا لأ لأن فيه شاشات كتير زمن استجابتها 2 و بتعمل جوستنج حتى الـ BX2331 و الـ BX2231 و الـ PX2370 كل دول زمنهم 2 و الناس اشتكت من الجوستنج و فيه ناس عندها شاشات 5 مللى ث و مفيش اى جوستنج عندها

فأنت لما تشترى شاشة حاول بقدر الامكان انك تشترى الـ Refresh Rate بتاعها كبير يعنى ميقلش عن 75 على أقصى ريزوليوشن

شكرا للاخوه الكرام على الرد

اقتباس:

---

المشاركة الأصلية كتبت بواسطة TheEraser

الشاشة ده انا لسه شاريها وزمن الاستجابه بتاعها 5 مللى ث مش 2 و هى بتعمل جوستنج بسيط جداً فى بيس بس هى رائعة

بص يا milito زمن الاستجابه مش هو بس اللى بيحدد اذا كانت الشاشة حتعمل جوستنج ولا لأ لأن فيه شاشات كتير زمن استجابتها 2 و بتعمل جوستنج حتى الـ BX2331 و الـ BX2231 و الـ PX2370 كل دول زمنهم 2 و الناس اشتكت من الجوستنج و فيه ناس عندها شاشات 5 مللى ث و مفيش اى جوستنج عندها

فأنت لما تشترى شاشة حاول بقدر الامكان انك تشترى الـ Refresh Rate بتاعها كبير يعنى ميقلش عن 75 على أقصى ريزوليوشن

---

شكرا ليك ي TheEraser طيب ممكن ترشحلى شاشه اشتريها

والله يا milito أنا دورت كتير حتى قبل ما اشترى شاشتى أنا لسه جايبها قريب مكملتش شهر حتى .. و ملقتش أى شاشة 1920x1080 و تشتغل على 75Hz فى نفس الوقت

فللأسف مش قادر افيدك .. الحل الوحيد ان حد يكون عنده شاشة مبتعملش Ghosting يقولك الموديل بتاعها بس الواضح ان الموضوع ده منتشر جدا حتى فى احدث الشاشات .. والحل الوحيد عشان تضمن ان مفيش جوستنج هو انك تشترى شاشة 120Hz و ده بتبقى غالية جدا

طب ينفع تظبط الريفريش ريت من اعدادات كارت الشاشة بتاعك وتبقي كويسة؟

اقتباس:

---

المشاركة الأصلية كتبت بواسطة xtremepharmacis

طب ينفع تظبط الريفريش ريت من اعدادات كارت الشاشة بتاعك وتبقي كويسة؟

---

مهو انت لو ظبطت الشاشة على Native Resolution اللى هو 1920x1080 مش حينفع تختار ريفريش ريت اعلى من 60

انا اتمنى ان اللى يلاقى حل للمشكلة ده تكون شركة اللعبة نفسها لأن فيه واحد فى منتدى اجنبى قال ان شاشته 8 مللى ث و مفيهاش اى جوستنج :confused::confused: .. انا مش عارف المشكلة فين ؟؟؟؟؟؟؟؟؟

حاجه تجن استغفر الله العظيم

وحقولك بأه اللى يجنن اكتر .. واحد كانت عنده بيس 2008 بتعمل جوستنج .. على نفس الشاشة لما نزل بيس 2011 الجوستنج راح :confused::mad: .. طب ازاى ؟

على فكره المشكله من اللعبه مش من الشاشه خساره تغييرها