مساعدة : يعنى اية برمجة واية هى انواعها

السلام عليكم ورحمة الله وبركاتة

اولا انا خريج نظم معلومات السنة دى

وكنت مقرر انى ابدأ كورسات شبكات وقريت عنها شوية بس للاسف التخصص دة بيكون مطلوب فقط لخريجى هندسة فقط

قررت من فترة صغيرة انى اتخصص فى البرمجة وخصوصا انة مجال كويس
بس للاسف انا معنديش اى خبرة فى البرمجة نهائى لانى مفكرتش اقرأ فيها قبل كدة
وبما انى لسة متخرج جديد يعنى ادامى فترة مش اقل من سنة ادرس فيها كورسات برمجة
بس انا مش عارف اية هى نوع ولغة البرمجة المطلوبة وللاسف معنديش اى اصدقاء فى المجال دة ينصحونى

وانا واثق ان رجالة المنتدى هنا هتساعدنى وعايز اعرف اية هى البرمجة وانواعها ومخلص عنها وتنصحونى بأية وابدأ فى اية واية الكورسات اللى امشى فيها بالترتيب

مع العلم ان مفيش فى دماغى حاجة معينة علشان احبها وامشى فيها
انا عايز حد يرسملى الطريق اللى امشى فيه ويكون مجال مطلوب واقدر اكون حاجة فية بعد كدة
وشكرا ليكم

اية ياشباب مستحيل اكون جيت المنتدى الغلط

محدش فى منتدى البرمجة يعرف يعنى اية برمجة؟

انا برضه خريج نظم معلومات السنة دى

كنت باحب الجرافيك بس لقيت مجال الجرافيك فى مصر مش قوى

فقررت انى اتجه برضه للبرمجة واخترت برمجة الويب علشان عندى خلفية جيدة عن الجرافيك هتساعدنى فى كده والحمد لله درست البى اتش بى وناوى اكمل ان شاء الله


اولا نصيحتى ليك تشوف انت بتحب ايه بالظبط الاول

ادخل على ويكيبيديا واقرا شوية عن البرمجة وعن انواعها
اكتر نوع مطلوب فى مصر هو برمجة الويب - يعنى تصمم وتبرمج مواقع انترنت وبرامج خاصة للويب
ودى طبعا فى اكتر من لغة برمجة ممكن تدرسها وانواع كتير من قواعد البيانات اللى ممكن تتعامل معاها لو هتدرس برمجة الويب


وطبعا فى مجالات تانية فى البرمجة غير برمجة الويب لكن مش اقدر افيدك فيها للاسف

على اى حال لو قررت تدرس برمجة الويب انصحك تبدا فى مركز وتسال عن اكتر كورس مناسب ليك بما انك مبتدىء
فى مراكز كتير زى يات وزى كيت لكن الافضل يات yatlearning.com

وفى النهاية انصحك تقرا شوية عن برمجة الويب لو هتختارها علشان تقرر هتدرس اى لغة برمجة

اتمنى اكون افدتك