مطلوب تجميعة لجهاز كامل لا يتعدي ثمنه ال 3000 جنيه

السلام عليكم ورحمة الله
دي اول مشاركة ليا في المنتدي الكبير اوي ده .... بجد استفدت منه كتير

باذن الله انا ناوي يوم الحد القادم انزل مول البستان (وسط البلد - شارع طلعت حرب) اجمع كمبيوتر وعايز نصيحتكم بس يا ريت اثناء التجميعة تاخدوا في الاعتبار الحاجات دي :-

1) ان الجهاز كامل بكل لوازمه ( كيسة كاملة + شاشة LCD + كيبور وماوس + Subwoofer )
2) دواعي الاستخدام : Design و Editing و شوية العاب كدة وانترنت (ملحوظة الجهاز ممكن يقعد بال 3 ايام ما يتقفلش عندنا ناس حريقة داونلود هنا ههههه )
3) بدون كارت شاشة خارجي ويفضل كارت شاشة مدمج يكون كويس الي حد ما
4) HDD لازم يكون Western Blue وشاشة LCD Samsung LED

مستني اشوف نصايحكم .. واللي يعرف اسم محل معين في مول البستان بيبيع الحاجات دي يبقي يبلغني باسمه :)
ميرسي مقدما لمجهودكم :)

نسيت ازود معلومتين مهمين بس
عايز يا ريت اكتر من تجميعة .. لأني مرتبط جدا بالميزانية
تاني حاجة يا ريت تجميعة Intel بلاش ال AMD علشان مش بستريح معاه بصراحة

ايه يا شباب نسيتوني ولا ايه ..... انا رايح بكرة ان شاء الله :ah19::ah19:

CPU INTEL CORE I3 2100 3.1/3M - Soket1155 780 EGP
Motherboard GIGABYTE H61M-USB3-B3 550 EGP
Ram kingston 2gb ddr3 bus 1333mhz cl9 v1.5 130 EGP
HardDisk Western Digital 500 BULE 16M 240 EGP
CASE COOLER MASTER Elite 330 EGP
DVD SAMSUNG X22 130 EGP
LCD Samsung SyncMaster 18.5 670 EGP
Speaker creative A200 110 EGP
Keyboard +mouse Gamma 60 EGP
_____________________________________________
3000 جنيه مصري
بص انزل مول سوق العصر افضل لأن المحلات في مول سوق العصر اكثر واسعارها افضل والمنتجات متوفرة اكثر
في المستقبل يبقي زود الرامات الي 4 جيجا او زود 130 جنيه كمان وهات رامه كمان لو تحب

الف شكر طبعا يا Mask Love تجميعة زي القشطة .... بس المشكلة انا ساكن في الجيزة (شارع فيصل تحديدا ) فاقرب حاجة ليا هي مول البستان (مياكروباص واحد من طلعت حرب ينزلني قدام عمارتي ) ما اعرفش سوق العصر ده فين ... بس سألت من شوية قالولي انه في روكسي بعيد اوي وهتبقي صعبة عملية النقل

فممكن اعرف يعني لو مول البستان فرق الاسعار هيبقي كام مثلا ؟

بلاش البستان لانه اسعاره اغلى من سوق العصر بـ 5 و10ج ف القطعه الواحده وممكن تروح تشوف بنفسك يمكن يكونوا اسعارهم اقل
مول سوق العصر موجود ف شارع الخليفه المأمون
اركب اى حاجه للعباسيه وانزل الميدان واسأل عن حاجه توديك مول سوق العصر الف من يدلك عليه
هوه تحديدا لو تعرف ميدان العباسيه وانتا داخل الميدان بيبقى قدامك الكوبرى اللى بينزلك بعد الميدان يا اما العربيه بتمشى من تحت الكوبرى يمين الكوبرى وبتخش الميدان نفسه
يا اما بتمشى شمال الكوبرى ودى هيه دخله الخليفه المأمون وانتا رايح على جامعه عين شمس

الاسعار هناك افضل بكتير وممكن كمان اقولك تجيب منين بالظبط بعنى تخش على محل معين تجيب منه حجات معينه
شوف التجميعه دى

HDD WD Blue 500G AAKX 240 هاى اند
kingston 2gb ddr3 bus 1333mhz cl9 v1.5 125 ماكسيمم هاردويير
Case GAMA+Power 300 Watt 280
Samsung DVD 130
LCD Samsung SyncMaster 18.5 670
=1445 ج ده فى كلا حالتى الAMD وال INTEL

AMD
Mother = ASRock 880GM-LE socket AM3 450 من هاى اند
CPU = AMD Phenom™ II X4 955 3.2GHz 770 من ماكسيمم هاردويير
ف الحاله دى كله = 2670 معاك 335 للصب والماوس والكى بورد

INTEL
Mother = Gigabyte GA-H61M-USB3-B3 socket LGA1155 525 من محل تكنولوجى هاوس
CPU = Intel® Core™ i3-2100 3.1GHz Processor 675 من محل تكنولوجى هاوس
ف الحاله دى كله = 2645ج يبقى معاك باقى 355 للصب والماوس والكى بورد
الانتل افضل لانها ساندى بريدج افضل للألعاب
والاختيار ليك

ودى بيانات محل تكنولوجى هاوس
Address: 26 Gammaat Al Dowal, Compucity Mall, showroom 22a, Mohandessin
E-mail: techno-house@live.com
Telephone: (02)33457849
Mobile: (010)1371056

ودى بيانات ماكسيمم هاردوير
Visit times : 12PM till 11PM all days of the week
Cairo:
50 El Khalifa El Ma'moun St., helioplis, Cairo -Souk El-Asr mall:
First floor: Shop 123
Second floor: Shop 203
22560220 - 0105799494 - 0100191916 - 0160771001

ودى بيانات هاى اند
Address: 50 El Khalifa el Maamoun - 2nd floor - Souk el Asr - shop 225
E-mail: high_end2008@yahoo.com
Telephone: 22561313
Mobile: 0129789931
اتصل واسأل عن القطع

الف شكر يا K7rata عاجباني التجميعة دي .... بس للاسف سوق العصر هيبقي مشوار صعب اوي
انا هرضي بنصيبي بقي واروح البستان .... دعواتكم ربنا يوفقني في الشراء بكرة ان شاء الله .... وهاجي اقولكم الجهاز كلف كام علشان الناس تستفيد من التوبك برضو

انتا حر انا نصحتك وانتا اعمل اللى يريحك بس اسأل ع القطع بكام اكنك بتسأل ما تبينش انك شارى لف واسأل كل محل عن القطع لاللىى انتا عاوزها اكنك بتاخد عرض اسعار ماتروحش لمحل وتقوله جمع وش منغير ما تعرف الاسعار وتقارن

Thanks Ya Ka7rata :) I will Keep that in My Mind P:)

يا شباب الحمد لله ربنا وفقني في التجميعة دي ..... وجربتها بقالي يومين اهو وزي الفل اوي
Athlon II X3 3.0Ghz,1.5 MB
Gigabyte 78LMT-S2P
LCD Samsung SyncMaster 18.5''
Speaker Creative A200
HDD Caviar Blue WD500GB Cache:16MB
Samsung DVD RW
Case : Gamma + PowerSupply 350W
Keyboard + Mouse : Porche
Kingston 2 GB DDR3 1333MHz

Total = 2520 L.E
من مول البستان ... وتجميعة قوية والجهاز شغال كفاءة :)

تجميعه كويسه بس احنا كونا مرشحين معالجات افضل واقوى بكتير من اللى جبته حضرتك سواء انتل او AMD
بس عامه مبروك يا ريس ويتربى ف عزك باالباقى كونت جبت كارت فيجا 4670 او كمان كان ممكن تجيب 5670

انا معاك طبعا يا Ka7rata ان البروسيسور مش اوي برضو .... بس انا زي ما قولتلك مش عايز جهاز سوبر يعني ... واهو هيقضي الغرض وبكفاءة كمان ...... بس بجد الف شكر ليك

مبروك يا معلم ويتربى ف عزك