كارثة:اختفاء فولدرات بالجيجا و تحولها الى ملفات حجمها ما بين 16 و 32 كيلو فقط!!!!!

هاردي ساتا ويسترن 160 جيجا و لدى منذ ستة أشهر فقط..
مقسمه C10 -D20 -E40 -F40 -G40 ..كلهم fat32 ماعدا الG كنت مخليه ntfs..

حدثت الظاهرة أكثر من مرتين في أقل من شهرين..

قفلت الكمبيوتر عادى جدا..و بفتحه لأفاجأ ان فيه فولدرين حجمهما يتعدى ال15 جيجا على ال G غير موجودين بل للدقة تحولا الى ملفين حجم كل منهما 32 كيلو فقط !!!!
و على ال C -البرتشن البرايمري- اختفى فولدر أو أكثر حوالى 5 جيجا و تحولوا كذلك الى ملفات حجم كل منها 8 كيلو فقط!!!!!
اعمل فحص و تصحيح للأقراص مفيش فايدة ، اللي راح راح و لم يعودوا فولدات طبيعية كما كانوا !!

استعوضت ربنا و قلت افرمت القرصين و ارمي المشكلة ورا ضهري ،و حصل انى حولت الG من ntfs الى fat32 ...

لكن... بعدها بأسبوع فوجئت ان فولدر على G يحتوى على 20 جيجا ملفات ميديا و العاب مضغوطة انسخط تاني لملف 32 كيلو!!!!!!!!!!!!!بدأت اضرب أخماس في أسداس ،و لما الاخماس و الاسداس خلصت و زهقت من عمل disk check ملقتش حاجة اعملها غير انى افرمت ال G كالعادة(ما هى بقت عادة!)..و عملت فحص فيروسات بالكاسبر أكتر من مرة على الهارد كله،و طبعا ملقتش حاجة لانى في النقطة دي محصن الجهاز كويس قوى..

و مرت الأيام و اعتقدت انها نزوة و شقاوة عيال و عدت...

الكلام دا لحد انهاردة:لاني لقيت في الc فولدر كان حجمه جيجا تقريبا انسخط الى 8 كيلو و طبعا الdisk check مش نافع و .....هو فيه ايه!!!انا خايف اصحى الصبح ألاقي الكمبيوتر انسخط لعلبة جيل!!!!!!

ايه حكاية الحاجات اللى بتختفي و تنسخط دى ، أكيد الهارد فيه حاجة بس هي ايه؟ و تتعالج اذاي؟
و الأدهى اني رحت اشتكي لواحد صاحبي جايب راخر هارد 160 بس pata، لقيته مندهش لان الحكاية دي بتحصل عنده؟؟؟!!!!!!يكنش دي خاصية فريدة في الويسترن ال 160 ؟؟؟؟؟؟

ليست لي خبرة واسعة في معالجة مشاكل الأقراص الصلبة ،، ولكن ....

لماذا تستخدم نظام التهيئة FAT32 بالرغم من إن الـ NTFS أحدث وأسرع ؟!

ومن ثم عدد أقسام القرص الصلب هي ( 5 )

اليس ذلك بكثير على قرص وحيد بحجم 160GB ??!

هل الملفات التي تم حذفها أو اختفائها كانت في وضع تفعيل خاصية الـ Hidden أي ( إخفاء الملف أو المجلد )قبل حدوث هذه المشكلة ؟

عندي نفس المشكلة ولكن في قرص واحد وهو الأخير F

عند بدء تشغيل الويندوز يعطيني تفقد للقرص وأن به أخطاء وعندما ينتهي ويعمل الويندوز يصبح حجم الملفات في القرص لا يتعدى الكيلو بايت

ربما مشكلتي مشابه لمشكلتك

مع أني أرجعت الهارد لإعداداته الأصلية وأعدت التقسيم مرتين ..
لم يفد التحويل للـ FAT 32 أو NTFS

تبقى المشكلة في القرص F

اخي العزيز بطبيعة الحال فقدت كل البيانات على الهارد 160 ويسترن

بالفعل حدث معي

لكن استخدمت برنامج active partition recovery

واستعدت تقريبا كل البيانات

لكن انا باشك في بنية الهاردديسك اصلا واحتمال وجود عيب تصنيعي فيه

اقتباس:

---

لماذا تستخدم نظام التهيئة FAT32 بالرغم من إن الـ NTFS أحدث وأسرع ؟!

---

المشكلة دي طلعت مبتفرقش بين fat أو ntfs.....

اقتباس:

---

هل الملفات التي تم حذفها أو اختفائها كانت في وضع تفعيل خاصية الـ Hidden

---

لا طبعا....

اقتباس:

---

عندي نفس المشكلة ولكن في قرص واحد وهو الأخير F

عند بدء تشغيل الويندوز يعطيني تفقد للقرص وأن به أخطاء وعندما ينتهي ويعمل الويندوز يصبح حجم الملفات في القرص لا يتعدى الكيلو بايت

ربما مشكلتي مشابه لمشكلتك

مع أني أرجعت الهارد لإعداداته الأصلية وأعدت التقسيم مرتين ..
لم يفد التحويل للـ FAT 32 أو NTFS

تبقى المشكلة في القرص F

---

هي ذات المشكلة....

اقتباس:

---

انا باشك في بنية الهاردديسك اصلا واحتمال وجود عيب تصنيعي فيه

---

انا برده قلت كدة..بس مفيش وسيلة لتلافي العيب ده؟

بص يا حبيبي
اي بارتشن fat32 لازم مساحتة ما تزيدش عن 30 جيجا وانت مزود عن كدة فا طبيعي يحصل دةمعاك انك تلاقي البارتيشن تيبل يهنج
قسم الهارد الى مساحات اللى بقولك عليها يا اما تخليها كلها ntfs علشان بيقبل اي مساحة اكبر من 32 جيجا

دة فى حالة ازا ما كنش عندك فيرس بيضرب البوت ريكورد

بسم الله الرحمن الرحيم
يا أخي لماذا دائما تسرعون و تقومون بتهيئة القرص الصلب هذا خطأ لأنه قد توجد بدائل أنا أقترح عليك إقتراح قد يحل مشكلتك إن شاء الله
كثيرا ما أوصي إخواني الأعضاء بأن تكون لديهم أسطوانة صيانة ك hiren boot أو windows miniPE و أنا أنصح بهذه الأخيرة فأسطوانتين بهما نظام تشغيل يعمل دون تنصيب كل ما عليك أن تضع الأسطوانة في السدروم ثم إعادة التشغيل بالأسطوانة .
فقد تكون المشكلة من نظام التشغيل أو وجود خطأ في نظام التشغيل و لم يفهمه القرص لذا أنصحك بإستخدام هذه الأسطوانة فأنا صادفتني مشكل من هذه النوع و إختفت عندي مجلدات بأكملها إلا أنني عندما إستخدمت إحدى هذه الأسطوانات وجدت هذه الفولدرات و نسختها إلى فلاش ديسك
إستخدم هذه الطريقة و قل لي النتيجة

اقتباس:

---

المشاركة الأصلية كتبت بواسطة siteraider

بسم الله الرحمن الرحيم
يا أخي لماذا دائما تسرعون و تقومون بتهيئة القرص الصلب هذا خطأ لأنه قد توجد بدائل أنا أقترح عليك إقتراح قد يحل مشكلتك إن شاء الله
كثيرا ما أوصي إخواني الأعضاء بأن تكون لديهم أسطوانة صيانة ك hiren boot أو windows miniPE و أنا أنصح بهذه الأخيرة فأسطوانتين بهما نظام تشغيل يعمل دون تنصيب كل ما عليك أن تضع الأسطوانة في السدروم ثم إعادة التشغيل بالأسطوانة .
فقد تكون المشكلة من نظام التشغيل أو وجود خطأ في نظام التشغيل و لم يفهمه القرص لذا أنصحك بإستخدام هذه الأسطوانة فأنا صادفتني مشكل من هذه النوع و إختفت عندي مجلدات بأكملها إلا أنني عندما إستخدمت إحدى هذه الأسطوانات وجدت هذه الفولدرات و نسختها إلى فلاش ديسك
إستخدم هذه الطريقة و قل لي النتيجة

---

اضيف كمان على كلامك ان ممكن يكون الهارد مش راكب صح ويكون الكابل فيه حاجة بتاع الداتا فا يعمل المشكلة دي
المشكلة انها ليها كذا عرض وما تعرفش الحل فين الا بعد مراجعة كل الامور
انصح انا كمان بهذه الاسطونات وبرجاء مراجعة كل هذه الامور
كابل الداتا والباور
حجم البارتشن ونوع التقسيم
وجود اي فيرس من نوع البوت ريكورد
اي عطل فى الهارد نفسة ( باد سيكتور - ميديا )

قم بعمل Backup لملفاتك واعمل للهارد Low Format

هذه الطريقة كفيلة بإرجاعه لوضع المصنع

اقتباس:

---

بص يا حبيبي
اي بارتشن fat32 لازم مساحتة ما تزيدش عن 30 جيجا وانت مزود عن كدة فا طبيعي يحصل دةمعاك انك تلاقي البارتيشن تيبل يهنج
قسم الهارد الى مساحات اللى بقولك عليها يا اما تخليها كلها ntfs علشان بيقبل اي مساحة اكبر من 32 جيجا

دة فى حالة ازا ما كنش عندك فيرس بيضرب البوت ريكورد

---

انا كنت عاوز اقلة برضو كدة بس
هو بيقول انة مش بتفرق عندة حتى لو كان محول ل ntfs

وبعدين كان اخ برضو رادد وقايل انة عندة نفس المشكلة بالرغم انة الهارد ntfs

مش عارف بصراحة

المشكلة انة انا كمان لسة شاري هارد من نفس النوع
ربنا يستر

بس بصراحة يا aller اسلوبك في الكتابة خلاني اموت على نفسك من الضحك وانا بقرا المشكلة

اقتباس:

---

انا خايف اصحى الصبح ألاقي الكمبيوتر انسخط لعلبة جيل!!!!!!

---

اقتباس:

---

ملقتش حاجة اعملها غير انى افرمت ال G كالعادة(ما هى بقت عادة!)

---

:):):)