عرض للطباعة
يا جدعان انا شوفت صاب 1200w بتاع العربيات ب400 جنيه كونت بفكر اجيبه و اوصله بالكومبيوتر على سماعات creative m4500 4.1 و كارت xtreme music فكونت عاوز رايكم فى الفكره علما بانى مش عارف التوصيلات من stereo لوصلتين الحمرا و السودا بتاعت الصاب و هل كارت يكفى اشغل نص الوت بتاع الصاب ولا مش حيقوموا و شكرا
الصب ده لازم يتركبله Ampilifire الصب الكريتيف ضعيف عليه لو وصلته هيشتغل بس قدرة الخرج هتبقى محدودة وكمان الصب الكرييتف هيسخن جامد وممكن يتحرق
والصب مش بيتوصل من وصلة السماعات العادية لأن الوصلة دي بتطلع جميع الترددات العالية والمتوسطة والمنخفضة لكن بقدرة محدودة انما الصب يتوصل بوصلة خرج للترددات المنخفضة بقدرة خرج عالية تتناسب مع الوات بتاع الصب ولازم يكون الخرج اعلى من القدرة القصوى للصب الجديد
من الاخر لو عايز توصل صب خارجي على الصب الكرييتيف لازم يكون قدرة خرج الصب الخارجي اقل من طاقة وحدة الكرييتف مش العكس والتوصيل هيبقى عن طريق انك تفك الصب القديم وهتلاقي سلكين توصيل للصب احمر وازرق هتوصل الاحمر مع الاحمر والازرق مع الاسود ده بعد ما تقصهم من الصب القديم
ده غير انك لازم تعمل علبة للصب الجديد ودي قصة تانية
ريح دماغك من ده كله وبيع الصب الكريتف وكمل من ال 400 جنيه وهات Logitech X530 5.1 وسعره حوالى 550 جنيه فقط
وهو 70 وات بمقياس RMS مش زى المقاييس بتاع الحاجات الصينى دى . ومش هتستحمل تعلى صوته اكتر من النص .
شكرا على المساعده و انا بفكر اعملها انشاء لمجرد التجربه ;) فى الصيف انشاء الله و ابقى اركبها فى العربيه المستقبليه لو ربنا سهل
فعلاً لا يوجد صب بقوة 1200 watt حقيقى بسعر 400 جنيه الأفضل شراء اللوجيتك