مساعدة في شراء بطاقة رسومية(عنوان معدل)

يا جماعة انا كنت ناوى اشترى كارت خارجى والاعضاء نصحونى ب 5770 السافير وبعدين لما نزل 5850 السافير الناس كلها قالت انو احسن بكتير فقلت على بركة الله خلينا مع الجديد وبعدين جت المشكلة لما سالت اصحاب المحلات على الكارت قالولى هنسأل الشركات ال بنتعامل معاها ونرد علك :: ملحوظة ( انا من سوهاج )
استنيت اسبوع والتانى والتالت ثم جاء الرد ::::
انسى مش موجود ف مصر مش هتلاقى لا 5770 ولا 5850 سافير
هل الكلام ده صح ؟؟؟؟؟؟؟
يا ريت حد يساعدنى ويقولى ال 5850 سافير اجيبه منين وسعره كام دلوقتى والباور ال محتاجه الكارت كام وات ونوعه ايه وسعره كام

أولا ياباشا الموضوع عنوانه مخالف
ثانيا الكرت ان شاء الله موجود عند ماكسيمم هاردوير وعند هاي اند وهتلاقيه بسعر 1000 جنيه
ثالثا هتحتاج باور 500 وات من أي شركة محترمة كHEC أو Cooler Master أو OCZ أو Antec
ودول سعر أي واحد منهم مش أكتر من 350 جنيه....
الف مبروك مقدما علي الكارت :D

قليل جدا لو لاقيت الكرتين دول
بس ليهم بديل لان انا لسة شارى النهاردة وعارف
عندك 6770 و ده هو هو 5770 و سعره 825 جنيه و موجود فى القاهرة
و عندك 6850 و هو هو 5850 و سعره 1100 جنيه
و الاسعار ديه خاصة بماركة SAPPHIRE
لان الاسعار بتختلف من ماركة لاخرى
و فى 5830 و ده عامل 940 جنيه لو برضه نفسك فى فئة 5000

اخي رجاء التنزه عن مثل هذه الالفاظ كما ان عنوان الموضوع مخالف + ليس في المكان الصحيح

هذه المرة سأكتفي بنقل الموضوع ويرجى الالتزام بالقوانين في المرات القادمة

اقتباس:

---

المشاركة الأصلية كتبت بواسطة Maxwell

اخي رجاء التنزه عن مثل هذه الالفاظ كما ان عنوان الموضوع مخالف + ليس في المكان الصحيح

هذه المرة سأكتفي بنقل الموضوع ويرجى الالتزام بالقوانين في المرات القادمة

---

معلش لما كتبت الموضوع كنت متضايق من اصحاب المحلات ال عندنا علشان بعد انتظار 3 اسابيع ملقتش رد مقنع ولا حتى ادونى بدايل
بالنسبة لعنوان الموضوع مكنش فى غلط لان فعلا دى مشكلة بالنسبالى
وشكرا لردود الاعضاء
بس هل الكارت متوفر ولا لا

اقتباس:

---

المشاركة الأصلية كتبت بواسطة Ahmed_elbrbry

قليل جدا لو لاقيت الكرتين دول
بس ليهم بديل لان انا لسة شارى النهاردة وعارف
عندك 6770 و ده هو هو 5770 و سعره 825 جنيه و موجود فى القاهرة
و عندك 6850 و هو هو 5850 و سعره 1100 جنيه
و الاسعار ديه خاصة بماركة SAPPHIRE
لان الاسعار بتختلف من ماركة لاخرى
و فى 5830 و ده عامل 940 جنيه لو برضه نفسك فى فئة 5000

---

اولا شكرا لردك واهتمامك
ازاى 6850 هو 5850 ؟
انت لسه شارى النهارده ( مبروك ) عقبالى
طيب لقيت ايه موجود فى المحلات وهل صح ال 5850 سافير مش موجود

الى الاخ ahmed_albrbry تصحيحا" لمعلوماتك فان HD6850 لا يطابق HD5850 في الاداء وانما اقل منه ولكن بفارق ليس كبيرا" جدا"

اشتري HIS HD 5850 iCooler V بسعر 990 جنيه لأن الــ HD 5850 Xtreme غير متوفر