رد: أسعار و أخبار الهاردوير في السوق المصرية..
السلام عليكم
ياجماعه انا محتاج مساعدتكم ضروري جدا
انا اشتريت امبارح الشاشة السامسونج ال 26 بوصه موديل T260HD
اللي هي دي
https://www.samsung.com/us/system/co...0HD_medium.jpg
المشكلة اني لما اوصلها بالكمبيوتر بمدخل HDMI الشاشة مبتشتغلش مع الكمبيوتر ومش عارف اعمل ايه حاولت لما زهقت مافيش فايدة مبتشتغلش مع الكمبيوتر غير بالمدخل العادي القديم ده ..حتي مش ال DVI بردو مبتشتغلش
ياريت اللي يعرف الحل يقولي او اللي عنده شاشة زيها ومشغلها يقولي ازاي ويكسب فيا ثواب
وشكرا
رد: أرجــو مساعدتكم فى مشكله بشاشتى الجديده سامسونج T260HD
اخى إكسمان
أولا : مباركه عليك الشاشه ان شاء الله
ولا تقلق .. إن شاء الله خير
ثانيا : لماذا لم تجرب تغيير ال iNPUT
من قوائم الشاشه مثلا من الازرار او من الريموت كنترول
ثالثا : لماذا لم تجرب الكابل المستخدم على جهاز اخر
فربما يكون به عطب مـــا
رد: أرجــو مساعدتكم فى مشكله بشاشتى الجديده سامسونج T260HD
ألف مبروك
أتأكد أنك موصل الكابل في كارت الشاشة و الشاشة
( محدش يتريق عشان بتحصل كتير :D )
رد: أرجــو مساعدتكم فى مشكله بشاشتى الجديده سامسونج T260HD
انا شاكر جدا ليك لاهتمامك يااخي
الشاشة فيها مدخلين HDMI هما الاتنين جربتهم مافيش فايدة(متنساش يااخي انها تليفزيون في نفس الوقت ودايما قدامي الاوبشن بتاع التليفزيون)
وبالنسبة للكبل ماعنديش حاجه اقدر اجرب عليها الكبل بس هو من اجود الانواع لما جبته مع الشاشة قولتله عاوز احسن كبل والراجل مقصرش بصراحه اداني كبل ممتاز جدا وخاماته تدل علي انه ممتاز جدا
وعلي فكرة جربت مدخل ال DVI بالكبل اللي جاي معاها بردوا مش بتشتغل عليه اعتقد ان ليها اوبشن علشان تشتغل علي اي مدخل من الاتينين وحاولت اغير في الاوبشن معرفتش والكتالوج مش مذكور فيه حاجه عن الحاجات دي
رد: أرجــو مساعدتكم فى مشكله بشاشتى الجديده سامسونج T260HD
اقتباس:
المشاركة الأصلية كتبت بواسطة spidermohmd1
ألف مبروك
أتأكد أنك موصل الكابل في كارت الشاشة و الشاشة
( محدش يتريق عشان بتحصل كتير :D )
هههههههههههههه
موصله متقلقش
رد: أرجــو مساعدتكم فى مشكله بشاشتى الجديده سامسونج T260HD
المشكله دي دايما تحصل مع اي مصدر Digital input في الشاشات الجديده بعد ما توصل الشاشه بالكابل اللي شغال نزل تعريفات الشاشه من موقع سامسونج حتلاقي فيه ملفين واحد انالوج و واحد ديجيتال ,سطب الديجيتال و بعدين وصل الكابل سواء ال HDMI او الDVI حتشتغل معاك تمام باذن الله
رد: أرجــو مساعدتكم فى مشكله بشاشتى الجديده سامسونج T260HD
رد: أرجــو مساعدتكم فى مشكله بشاشتى الجديده سامسونج T260HD
كلبظ باشا انا نزلت التعريف اللي قولتي عليه من سامسونج ولما بشغله واختار الشاشة بيقولي اختار خاطئ بين انه متعارض مع الويندوز سيفن
رد: أرجــو مساعدتكم فى مشكله بشاشتى الجديده سامسونج T260HD
والاسطوانه اللي معاها لما بدخلها في الد في دي مبتشتغلش وجربتها علي الابتوب بردو بتلف لكن الجهاز بيتقل ومبتفتحش مع انها بتلمع
رد: أرجــو مساعدتكم فى مشكله بشاشتى الجديده سامسونج T260HD
هسألك سؤال بس متقولش ايه السؤال الغبى ده معلش استحملنى
حضررتك لما بتوصل الشاشة بال HDMI بتحول من الريموت من وضع ال pc لوضع ال HDMI ؟ و مثلا لما بتوصلها بكابل ال DVI بيردو بتحول ولا انت كل ما بتجرب بتكون جايب وضع ال pc اصل لو انت مخليها على وضع PC مش هتشتغل غير مع الكابل العادى اللى هو D-Sub
رد: أرجــو مساعدتكم فى مشكله بشاشتى الجديده سامسونج T260HD
اقتباس:
المشاركة الأصلية كتبت بواسطة hamada999
هسألك سؤال بس متقولش ايه السؤال الغبى ده معلش استحملنى
حضررتك لما بتوصل الشاشة بال HDMI بتحول من الريموت من وضع ال pc لوضع ال HDMI ؟ و مثلا لما بتوصلها بكابل ال DVI بيردو بتحول ولا انت كل ما بتجرب بتكون جايب وضع ال pc اصل لو انت مخليها على وضع PC مش هتشتغل غير مع الكابل العادى اللى هو D-Sub
اخي العزيز
الاختيارات دي مبشوفهاش غير لما اوصلها بمدخل الشاشة القديم ده الصغير
لكن اختيار ال hdmi غير منشط ومش عارف بيتنشط ازاي
وال DVI بردوا مبتشتغلش
انا متاكد ان الكابل سليم وان الشاشة سليمه وان المشكله في الاعدادات بس مش عارف منين بتتظبط كل الاعدادت اللي قدامي للتي في والدش والريسفر والصوت والالوان والتباين وبس
لو حد عارف ايه الاختيارات بالظبط ياريت يقولي
رد: أرجــو مساعدتكم فى مشكله بشاشتى الجديده سامسونج T260HD
اعتقد كده مفيش مشكلة ولا فى الكابل ولا فى الشاشة هى فقط فى الاعدادات ليس اكثر طيب شوف المانيوال و اقرأه كده بس لازم يكون فى اختيار عندك فى الريموت هيجبلك AV و PC و DVI و HDMI1 و HDMI2 و TV و انت تختار على حسب الوضع اللى انت موصله سواء لو الدش متوصل بال A/V او وصلة الاريال العادية بتختار Tv و كذلك اختيارات الكومبيوتر
رد: أرجــو مساعدتكم فى مشكله بشاشتى الجديده سامسونج T260HD
الحمدلله اشتغلت
زي ما قال كلبظ باشا موضوع التعريف
انا جربت التعريف علي السيفن ومشتغلش وجربته علي الفيستا اشتغل واتعرفت الشاشة علي مدخل1-2 HDMI و DVI
ورسترت الجهاز واشتغلت علي السفن
يعني الحكاية ان الشاشة كانت عاوزه تتعرف علي المدخل من الويندوز
الف شكر استاذ كلبظ بجد ربنا يبارك فيك وفي الاخوة الاعضاء اللي اهتموا وابدوا ارائهم
الف شكر ياجماعه
رد: أرجــو مساعدتكم فى مشكله بشاشتى الجديده سامسونج T260HD
اقتباس:
المشاركة الأصلية كتبت بواسطة اكسمان
الحمدلله اشتغلت
زي ما قال كلبظ باشا موضوع التعريف
انا جربت التعريف علي السيفن ومشتغلش وجربته علي الفيستا اشتغل واتعرفت الشاشة علي مدخل1-2 HDMI و DVI
ورسترت الجهاز واشتغلت علي السفن
يعني الحكاية ان الشاشة كانت عاوزه تتعرف علي المدخل من الويندوز
الف شكر استاذ كلبظ بجد ربنا يبارك فيك وفي الاخوة الاعضاء اللي اهتموا وابدوا ارائهم
الف شكر ياجماعه
طب تمام الف مبروك ,مستني ريفيو كامل بقي لاني بفكر جديا في الشاشه دي و عاوز كمان اعرف جبتها منين و بكام لو سمحت ؟؟
رد: أرجــو مساعدتكم فى مشكله بشاشتى الجديده سامسونج T260HD
الف مبروك اكس مان
ياريت ريفيو علي السريع كده