تي إدي داتا و قراءات السرعة على الراوتر أعلى من المشترك به + SNR ضئيلة: تفاصيل المشكلة

خطي من ١ ميجا بقي كدة 11 ميجا تقريبا وبتاع الدعم الفني عمل اختبار لخطي قالي يشيل ٢٤ ميجالاني قريب من السنتيرال علشان سايف الحروف بقيت ظ ظ ظ ظ https://uploads.tapatalk-cdn.com/201...658bbbd5d5.png


أرسلت بواسطة iPhone بإستخدام Tapatalk

مازال نفس المشكله عندى انا كمان ايه الحل وكنت بسال عن شلركه بديله ايه رائى الناس فى شركه نور

اقتباس:

---

المشاركة الأصلية كتبت بواسطة moataz2015

مازال نفس المشكله عندى انا كمان ايه الحل وكنت بسال عن شلركه بديله ايه رائى الناس فى شركه نور

---

علي حد علمي شركه نور موزع ل TEdata

تحديث للموضوع : الفني اللي جالي يوم ١٢ /٦ /٢٠١٧ بيقولي حضرتك بتستخدم كم جيجا بايت في الشهر و بتحمل قد ايه ؟ جوابي كان كفيل انه يسكت و يعد ساكت ومايدخلش في امور لا تخصه , هو فني بيجي يشوف شغلة يشوف المشكلة و خلاص . مش من حقة يفتح بؤة اصلا , بعدين قالي ليه مش تحول خط لميجا بلس ١٦ ميجا اي باقة انت عايزها بكده نتحايل علي النظام , انا ساعتها كنت هشتمه فعلا , ازاي رفع السرعة او حتي تغير النظام هيحل مشكلة اصلا عندكم والعميل ليس له ذنب فيها .و ان الخط الخارج من السنترال يفوق سرعة ٢٣ ميجا بايت و ٥٠٠ ميجا (٢٣٫٥) ..وان البورت بتاعي مفتوح , اجي بقي اسال الدعم الفني يقولي اصل في حالة حضرتك لو عايز ترفع السرعة , يابني هو مين قالك اني عايز ارفع . لكن واضح انها سياسة مايلعم بيها الا الله.الموضوع كله فلوس زيادة , ليه لان المشترك علي ٢ ميجا بايت مفتوح غير محدود بيدفع ٢٢٠ جنية كل شهر , بالتالي نظامهم لوي دراع . واي فني هيجي ليك هيقولك كده . السرعة عندي الله اكبر بقت ٩ ميجا .ملف مرفق 35910

بسم الله الرحمن الرحيم

أخيرا وجدت موضوع يتحدث عن نفس المشكلة
هو عموما السرعة لما بتعلى ال snr بتبقا أقل
الخطوط الجيدة لن تتأثر إللي هيتأثر بس الخطوط الضعيفة
أنا خطي لا يتحمل أكثر من 2 ميجا أحيانا القراءة بتعدى ال 3 ميجا
وده بيأثر على الخط مع إن السرعة الفعلية لا تزيد عن 2 ميجا بأي حال من الأحوال
ال 2 ميجا العاديين يعني بتوع تي داتا
كلمت الدعم الفني ولقيته بيقولي كلام ينم عن جهل مطبق
بإن ده سيستم الشركة وده بيعمل تيستات للخط وشوية كلام أهبل ملوش أي 30 لازمة
والحقيقة أنا مش ملم بالمشكلة بشكل كامل
لأني مش متخصص شبكات صحيح أنا بفهم في بعض حاجات
بس في حاجات تانية مقدرش أحدد
كبرت دماغي أنا خطي أساسا كدة كدة ضعيف الماكس بتوعه أكتر حاجة 6 ميجا و
عمره ما هيوصل أصلا ل 6 ميجا طالما الماكس 6 يبقا حتى ال 4 ميجا هيقطع عليه
النهاية الناس بتوع الدعم الفني في تي داتا معندهمش أي علم فعلي بالشبكات وأنظمتها
سوى بعض الحاجات إللي متلقنينها وده لأنهم مش خريجين هندسة أصلا
ولا حتى يمكن حاسبات المفروض إن الدعم الفني ده يبقا مهندس شبكات
أي فني بالسنترال إنسا أنا الفني لما بقولك الحرارة بتقطع وده بيعمل تقطيع في النت
يقولي انا مليش دعوة بالنت اهم حاجة الحرارة
حتى لو النت نفسه مجاش مليش فيه
وعلى فكرة الدعم الفني بتاع إتصالات أكثر خيابة وخيبة بالويبة
وأعتقد أي شركة إنترنت الدعم الفني ما هم إلا مجموعة من الناس إللي عارفين إنجليزي كويس
ومتلقنين كام كلمة على كام حركة على السيستم وشكرا
فيه مهندس برمجيات قريبي كان بيتعامل معاهم
وللعلم الشركات دي بتشتري برمجياتها أساسا من شركات برمجيات مش مشهورة في مصر
يعني الشركات دي مبتنتجش برمجياتها
يعني سيستم تي داتا ده مش الشركة إللي عاملاه
دي الشركة شارياه من شركة تانية
المهندس بقا ده بيقولي كل شوية الناس بتوع الدعم الفني يتصلوا بيا
ويقولي يا باشمهندس نعمل إيه في كذا وكذا يقولي أفضل أقولهم على الحاجة مرة وإتنين وثلاثة وينسوها
ويتصلوا بيا تاني وفيه حاجات هايفة جدا
لو انا جبتك وقولتك عليها من أول مرة هتبقا أستاذ فيها
بس هما عقولهم زلط ومعندهمش أي ميزة إلا إنهم بس بيتكلموا إنجليزي كويس أكتر من كدة إنسا

تحديث. حين عملت اخر شكوي جالي فني من السنتيرال زي ما حكيت المشكلة انحلت لفترة ٢٤ ساعة بعد كدة المشكلة رجعت تاني المهم كلمتهم وخليت الشكوي مفعلة وقلتلهم المشكلة لسة موجودة قالولي هنتابع علي نفس الرقم الشكوي المهم قالولي هنبعت الشكوي للدعم الفني وهيفحصو خطك ف السنتيرال ويصبحو المشكلة من السنتيرال وهيتصلو عليك والله انتظرت يصلحوها أوحد يتصل مافيش حاجة اتصلحت ولا حد اتصل والنت بصراحة بقي سئء جدااااااا بطي جدا بقالة كذا يوم ومش عندي بس علي البلد كلها اللي انا فيها ف شركة تي داتا المهم انا بتابع حالة الشكوي ف اكونت ماي تي داتا دوت نت فضلت بتاع أسبوع لا حد كلمني ولا حاجة دخلت اشوف الشكوي لقتهم قفلوها من غير حل مشكلة ولا اتصال ولا اي شيء بيستعبطوا رحت عامل شكوي تانية وحدش اتصل بيا لسة ولا كلموني واوا قدمت شكوي اخري عن طريق ماي تي داتا دوت نت بصراحة الشركة بقيت سيئة انا قررت بعد العيد اجيب خط تليفون باسم اخويا اجرب علية شركة نت لينك


أرسلت بواسطة iPhone بإستخدام Tapatalk

السلام عليكم ورحمة الله وبركاته ،

لدي نفس مُشكلتك تقريباً ولكن من شهـر 4/2016 ، وأتصل بـ خدمة العملاء بشكل " يــومي " ولا جديد ! ( خدمة عملاء المصرية للاتصالات + TEDATA )
مشكلتي في عدم إستقرار الخدمـة ، الخدمة تعمل لدي ساعة وتنقطع ساعة ، أو كُل خمس دقائق تنقطع دقيقة وهكذا ..
ومن 2016 ( ومشكلتي عند القسم المختص وجاري العمل عليها ولا يوجد موعد محدد لحلها وسيتم تعويضي عند حل المشكلة ) :D
تقريباً هذا القسم لا يعمل ! هذا اذا كان بالشركة متخصصين أصلاً ..
المشكلة الكبرى بإنني لا أعلم أين العطل وعند التحدث إلى ممثلي خدمة العملاء لا يجاوبني إجابة صريحة ( العطل بـ كذا ) ، ولم يتم إرسال أحد الفنيين للإطلاع على الخـط مثلاً أو حل المشكلة إذا كانت بالاسلاك على سبيل المثال ! لا اعلم ..

ولكن طفح كيلي ، وبعـد العيـد بإذن الله تعالى سأقوم بفصل الخدمة ، لانني أدفع الاشتراك الشهري بدون تأخير ولا أحصل على خدمة مقبولة حتى !


* إضافة * مؤخراً قدمت شكوى على الإيميل الخاص بالمصرية للاتصالات ! والمفاجأة بإن المشكلة حُلت وتم الرد على الإيميل واخبروني بإن المشكلة تم حلها ، وفعلاً الخدمة أستقرت ولكن " ليومين " فقط !!!! - والمرة الثانية مثل المرة الاولى حُلت المشكلة ولكن ليومين لا أكثر .. معنى هذا إن الحل بإيديهم !

* أسف على الإطالة *

ahw-e_08

ما شاء الله

يا ريت حد يشوف حل للمشكلة ده اانا عندي المشكلة من شهر 5/ 2017
و مفيش حد فاهم من ني داتا

الجديد عندى إن قراءة السرعة زادت من 6 ميجا إلى 7 ميجا.. و انا اصلا سرعتى الفعلية 512 كيلو بايت مما جعل ال SNR Margin تنخفض اكتر إلى 7.5db .. زائد لما السرعة الوهمية زادت ال max rate زاد عندى من 7 إلى 8 ميجا.. لكنه للأسف رجع تانى إلى 7 ميجا النهاردة... واضح إن المشكلة بتسوء

من ساعة مازادت الــ Actual rate فى الراوتر ........ وانا مش بلاحظ اي لاج لما بحمل حاجة
يعني دلوقتي بحمل حاجة ساحبة سرعة النت كلها وبلعب فى نفس الوقت والبينج داخل اللعبة ثابت وعادى

هو في حل مؤقت للمشكلة من الروتر للناس اللي سرعتها 1 ميجا حتختار ال G.Lite هذا الأختيار من ال ADSL Modulation هو يتيح للروتر قرائة السرعة بحد اقصي 1.5 ميجا للداونلود و 512 للأبلود مما لا يسمح للروتر بقرائة سرعة اكبر من ذلك و بالتالي تحافظ علي ال Signal Noise Ratio برقم مرتفع يمنع انقطاع الأنترنت عنك , اما الناس اللي سرعتها فوق ال 2 ميجا فهناك اختيار اخر سيعمل علي تحسين جودة الخط هو اخذ اقصي سرعة للخط دون حدوث اضطراب يعني لو جايلك قرائة 11262 كيلو بت مثلا و خطك اخره يشيل 8 ميجا هو حينزل السرعة ل 8 ميجا عشان يحافظ علي الأستقرار بتاع الخط و ال Snr تكون اكبر من 7 هذا الأختيار يسمي ب G.dmt و هو الأفضل عموما في حالة سرعتك اقل من 10 ميجا يا رب اكون ساعدتكم في تلك المشكلة و بعض الصور للتوضيح

1- لو كانت سرعة خطك اقل من 2 ميجا :

https://www.m5zn.com/newuploads/2017...74f8c904c5.png

2- لو كانت سرعة خطك اعلي من 2 ميجا :

https://www.m5zn.com/newuploads/2017...6fcf0a6092.png

و الأختيار الأفتراضي بيكون ADSL2+ و هذا بيختار اعلي سرعة بغض النظر عن استقرار الخط لهذا بنعدله حسب السرعة اكبر او اقل من 2 ميجا لضمان استقرار الخط .

اقتباس:

---

المشاركة الأصلية كتبت بواسطة boda_style

بسم الله الرحمن الرحيم

أخيرا وجدت موضوع يتحدث عن نفس المشكلة
هو عموما السرعة لما بتعلى ال snr بتبقا أقل
الخطوط الجيدة لن تتأثر إللي هيتأثر بس الخطوط الضعيفة
أنا خطي لا يتحمل أكثر من 2 ميجا أحيانا القراءة بتعدى ال 3 ميجا
وده بيأثر على الخط مع إن السرعة الفعلية لا تزيد عن 2 ميجا بأي حال من الأحوال
ال 2 ميجا العاديين يعني بتوع تي داتا
كلمت الدعم الفني ولقيته بيقولي كلام ينم عن جهل مطبق
بإن ده سيستم الشركة وده بيعمل تيستات للخط وشوية كلام أهبل ملوش أي 30 لازمة
والحقيقة أنا مش ملم بالمشكلة بشكل كامل
لأني مش متخصص شبكات صحيح أنا بفهم في بعض حاجات
بس في حاجات تانية مقدرش أحدد
كبرت دماغي أنا خطي أساسا كدة كدة ضعيف الماكس بتوعه أكتر حاجة 6 ميجا و
عمره ما هيوصل أصلا ل 6 ميجا طالما الماكس 6 يبقا حتى ال 4 ميجا هيقطع عليه
النهاية الناس بتوع الدعم الفني في تي داتا معندهمش أي علم فعلي بالشبكات وأنظمتها
سوى بعض الحاجات إللي متلقنينها وده لأنهم مش خريجين هندسة أصلا
ولا حتى يمكن حاسبات المفروض إن الدعم الفني ده يبقا مهندس شبكات
أي فني بالسنترال إنسا أنا الفني لما بقولك الحرارة بتقطع وده بيعمل تقطيع في النت
يقولي انا مليش دعوة بالنت اهم حاجة الحرارة
حتى لو النت نفسه مجاش مليش فيه
وعلى فكرة الدعم الفني بتاع إتصالات أكثر خيابة وخيبة بالويبة
وأعتقد أي شركة إنترنت الدعم الفني ما هم إلا مجموعة من الناس إللي عارفين إنجليزي كويس
ومتلقنين كام كلمة على كام حركة على السيستم وشكرا
فيه مهندس برمجيات قريبي كان بيتعامل معاهم
وللعلم الشركات دي بتشتري برمجياتها أساسا من شركات برمجيات مش مشهورة في مصر
يعني الشركات دي مبتنتجش برمجياتها
يعني سيستم تي داتا ده مش الشركة إللي عاملاه
دي الشركة شارياه من شركة تانية
المهندس بقا ده بيقولي كل شوية الناس بتوع الدعم الفني يتصلوا بيا
ويقولي يا باشمهندس نعمل إيه في كذا وكذا يقولي أفضل أقولهم على الحاجة مرة وإتنين وثلاثة وينسوها
ويتصلوا بيا تاني وفيه حاجات هايفة جدا
لو انا جبتك وقولتك عليها من أول مرة هتبقا أستاذ فيها
بس هما عقولهم زلط ومعندهمش أي ميزة إلا إنهم بس بيتكلموا إنجليزي كويس أكتر من كدة إنسا

---

نفس الكلام بالحرف الواحد بيتقال لكل العملاء.

اقتباس:

---

المشاركة الأصلية كتبت بواسطة whiteknights

الجديد عندى إن قراءة السرعة زادت من 6 ميجا إلى 7 ميجا.. و انا اصلا سرعتى الفعلية 512 كيلو بايت مما جعل ال SNR Margin تنخفض اكتر إلى 7.5db .. زائد لما السرعة الوهمية زادت ال max rate زاد عندى من 7 إلى 8 ميجا.. لكنه للأسف رجع تانى إلى 7 ميجا النهاردة... واضح إن المشكلة بتسوء

---

نفس الموضوع معي, إتصلحت المشكلة لمدة, و رجعت تاني, بس الزيادة في السرعة الوهمية بقى أسرع, كل يوم 2 ميجا زيادة

انا متاكد انه ده سيستم عندهم بيرفع السرعة بعد يومين من الاشتراك لاقصي سرعة خطك بيتحملها وبيكون مستقر فيه
والسرعة بتاعتك بتكون واصلة كاملة انا اول ما اشتركت في سرعة 2 ميجا غير محدودة كانت قراءة الراوتر 2048/512 وكان معدل التحميل 200 حتي 220
بعدها بيومين او ثلاثة وصلت لغاية 8192/1011 وكان معدل التحميل 256 حتي 260
فاكيد ده سيستم بيوصلك السرعة كاملة