اعتقد لازم تحدثو معلوماتكو بخصوص اسعار الباقات من TE Data
عرض للطباعة
اعتقد لازم تحدثو معلوماتكو بخصوص اسعار الباقات من TE Data
تقصد إية بتحديث المعلومات
سعر باقة ميجا بلس 200 جيجا بـ260ج/شهر.
للاسف الاسعار بتاعتك قديمة
ودية الأسعار الحالية بعد القيمة المضافة
ميجا بلس بسعر
297 جنية
هيديك 200 جيجا
ولما يخلصو السرعة هتنزل ل2 ميجا
ميجا بلس بسعر
410 جنية
هيديك 300 جيجا
ولما يخلصو السرعة هتنزل لـ 4 ميجا
أما بخصوص الـ 4 ميجا الغير محدود
350 جيجا
بسعر
434 جنية
ممكن يكون حصل تغيير ومحدثوش البيانات في موقع الشركة.
طب نرجع للسؤال هل الـ4ميجا هتكفي مشاهدة 4K بسلاسة؟
لا أبداً الموقع محدث بس بدون إضافة الضريبة
أما ال4 ميجا كافية
بشرط أن تكون وحدك المستخدم فترة المشاهدة
والسرعة الأقل كافية أيضاً
ولكن ستتضاعف فترة التجهيز للمشاهدة
وأيضاً قابلة عمل أشياء أخرى في نفس الوقت على الشبكة
ستكون متوفرة بشكل أكبر على نفس الجهاز والأجهزة الأخرى للسرعات الأعلى
تمام شكرا
لا أنصحك تماما بعرض الميجا بلس انا كنت عليه و بسببه حولت من الشركة تماما كنت مشترك علي 4 ميجا و قولت اجرب ميجا بلس حولت و اول 3 شهور كانت السرعة 15 ميجا و ساعات بتطلع ل 16 و تنزل تاني 15 فجاة السرعة نزلت 12 و بعدها 8 و اخر حاجة وقفت علي 5 ميجا كلمتهم و عملت شكاوي من شهر 6 اللي فات لحد شهر 11 و كل مرة نفس النظام حنفحص خطك في السنترال وكمان 3 ايام حنبعتلك فني و يجي يبص علي البوكس و يقولي مفيش مشاكل عندك و السرعة حترفع معاك و لا اي حاجة لحد ما حولت شركة اتصالات 8 ميجا ب 280 جنيه و 200 جيجا شركة محترمة جدا و السرعة واصلة 8 ميجا كاملة عكس ميجا بلس اللي كانت بتوصل 5 ميجا و يقولي ده اقصي حاجة علما انا خطي اساسا يشيل 18 ميجا بس هما نصابين مش بيدوا حد 16 ميجا غير في السنترالات اللي مش عليها ضغط كبير
ديه مشكلة فردية بتحصل في أي شركة
وليها أسباب كتيرة بتحصل وبتتكرر
لكن متأثرش على نظام ميجا بلس
وفي الأصل السرعة متغيره على النظام تصل ل16 لكن مش ثابتة عليها
تي داتا أفضل مشغل خدمة بلا منازع
انا في عرض ميجا بلس ..و السرعة عندي هي 16 ميجا ...الشركة دلوقتي احسن من الاول قليل ..وبالنسبة للمشكلة السرعة
انا اول ما السرعة بتوصل لي 16 ميجا كنت بصور اعدادات الروتر و وقت ما السرعة تقل ابعت رسالة بها رقم الشكوي و صورة لي السرعة الحالية للخط مع صورة للسرعة قبل المشكلة عن طريق mytedata وبعد فترة السرعة ترجع تاني ..ولو المشكلة لم تحل ابعت رسالة للجهاز القومي لتنظيم الاتصالات وده بيعمل الواجب مع الشركة و السرعة ترجع تاني 16 ميجا..الشركات في مصر عشان تاخد حقك منها لازم تستخدم السياسة يعني تثبت ان خطك يستحمل السرعة وتثبت ان الخط كان بيوصل السرعة كامل قبل المشكلة .
عندك حق المتابعة هتخليك توصل لحقك أسرع وبطريقة محترفة
بس برضوا مش كل الخطوط والسنترالات زي بعض فية نسبة فقد
طيب ايه التفسير ان خطي يشيل 18 ميجا و كانت السرعة 5 ميجا بس لما كنت علي ميجا بلس و علي كلامهم بعد 13 زيارة منزلية ان دي اقصي سرعة الخط يستحملها و لما غيرت شركة تانية و اشتركت علي 8 ميجا وصلت السرعة 8 ميجا كاملة بدون مشاكل ؟
المشاكل كثيرة لا تعد وتختلف حسب طبيعة المكان
ممكن مشكلة سلك
مشكلة في مكان السلك في علبة التجميع
مشكلة في كابينة السنترال
بُعد السنترال عن منطقة الخدمة
تعنت فنيين لعدم البحث عن المشكلة
وتشغيل answer machine
الخط أقصى سرعة ليه 5 ميجا
للأسف كل موظف بيقوم بعمله منفرداً
صورة فقط لإثبات وجودة ليس إلا
انا بتكلم علي ان لما افتح اعدادت الروتر و اشوف قياسات جودة الخط اعرف ان الخط يستحمل 16 ميجا واكتر ولكن الشركة تحدد السرعة في السستم اقل من هذا و لما تكلم خدمة العملاء يقول لك سرعتك اخرها 10 ميجا ...
مشكلة سيرفر ميجابلس انه بيكون تلقائي يعني السرعة يتم تحديدها من قبل البرميجات ..وده يؤدي لمشكلة البرمجيات تحدد السرعة بطريقة خطاء ..ولو قمت ب اغلاق الروتر لمدة يوم يتم تغير سرعتك الي سرعة اقل لي اعتقاد النظام ان الخط لا يتسحمل السرعة ف يقلل السرعة حتي يصل للروتر..وفوق كل ده لا يوجد وعي للموضوع ده في موظفين الشركة الا بعض الناس و احيانا الموظف عارف الكلام ده ويستهبل عليك واول ما يعرف انك فاهم يغير كلامها 360 درجة الا بعض الموظفين المحترمين
نفس المشكلة الي حصلت معايه ..جودة الخط يستحمل 22 ميجا و استقرار الخط snr كويس ..اتصل بخدمة العملاء يقول ان خطك اخرها 10 ميجا ...قمت بكتابة المشكلة في جروب خاص ب مهندسين الشبكات 8) وعرفت شخص جدع شغال في tedata وساعدني (طبعا عرف رقم الارضي) و رفع السرعة من السستم في دقائق ..الي 16 ميجا ..بعد كده صورتة صورة ب السرعة و الخط شغال علي 16 ميجا ..وكل ما الشركة تعمل معاية الحركة ده (تقليل السرعة)..اتصل بخدمة الدعم الفني يعمل اختبار للخط ويقول خطك اخره 10 ميجا ..اروح انا افتح شكوي في mytedata تحديد في قسم (لدي شكوي)..وارفع الصورة قبل المشكلة وبعد المشكلة مع رقم الشكوي بتاعة خدمة العملاء..تاني يوم المشكلة تتحل.