أيهما أفضل فى خدمة الــ DSL
السلام عليكم ورحمة الله وبركاته
سؤالى عن أيهما أفضل فى خدمة الــ DSL
إتصالات أم فودافون
لأنى أريد الأشتراك فى العرض الجديد ومحتار أيهما أفضل
(سنترال غرب المنصوره)
بس ياريت اللى يرد يكون عن تجربه
وياريت كمان لو يقولى البنج بيبقى كام ؟؟
والسرعه ايه اخبارها مستقره ولا ايه ؟؟
وهل سياسة الأستخدام العادل شغاله ولا لأ ؟؟
وشكرا لكم
رد: أيهما أفضل فى خدمة الــ DSL
سلام عليكم
بخصوص اتصالات dsl منصحكش بيها لان كلها مشاكل والبنجات عالية اوى فيها
اما فودافون طبعا كويسة بس الاحسن منها موبينيل
بخصوص البنجات بكون كويسة فى الميات كدا
والسرعة فى فودافون وموبينيل مستقرة الى حد ما
اما بخصوص الاستخدام العادل
ايوة طبعا للاسف شغالة
بس متحاولش تعمل داونلود كتير اهم شىء وخلاص وهتلاقى كل شى مظبوط معاك
بيني وبينك ياباشا
سيبك من الشركات دى
بأمانة يعني
خدلك من link او tedata
احسن بكتيييييييير جدا اولا داونلود زي ما انت عايز
ثانيا مفيش استخدام عادل ولا بتاع
ثالثا افضل من حيث كل شىء
حتى لو معندكش خط ارضى وعايز الخدمة تقدر
من خلال اشتراككك في خط اسمه خط ربط
بيكون بس للنت
وتي داتا او لينك هتفيدك فى الموضوع دا
بس نصحتي من الاخر
ابعد عن فودافون وموبينيل واتصالات والكلام دا واشتري دماغك
رد: أيهما أفضل فى خدمة الــ DSL
يا باشا بيقولك DSL و موبينيل مبتقدمش خدمة DSL , لكن أصلا شركة لينك تبع موبينيل
المهم
شركة اتصالات أنا بسمع عنها إنها مش كويسه زي ما قال الأخ network
فودافون جربتها و بصراحه فوق الممتازه , اعتقد إن على مدار سنه مفيش حاجه اسمها نت فصل ولا سرعة قلت و محترمين جدا جدا حتى لما جيت أخرج اتصلوا بيا كذا مره و عمللي عرض خصم 3 شهور و بصراحه بيزعلوا على خسارة العميل
الحاجه الوحيده اللي خلتني أخرج إنهم للأسف طبقوا سياسية الاستخدام العادل , إنما هي كخدمة إنترنت أنا بديها رقم 1 في مصر مقارنة بيها و تي اي داتا و لينك بعد تجربة
خالي بالك موضوع العروض ده بيشترط عليك متخرجش قبل سنه و لو خرجت بتدفع حوالي من 200 إلى 250 مش متذكر قوي
الميزه في الموضوع الراوتر مش أكتر فأنت حتى لو حبيت تخرج يعتبر ده تمن الراوتر فأنت مش هتبقى خسران حاجه لإن الرواتر كلها كويسه الصراحه
لو أنت هتوصل لوحدك أو عدد صغير معاك يبقى تي اي داتا طبعا علشان نسبة استقرار السرعه فيها أكبر علشان واخده 70% من الانترنت في مصر و مفيش ضغط عليها زي لينك
لو هتوصل شبكه ضخمه فوق ال 10 ولا 15 نفر شوف بقى استهلاكم قد ايه و هتعمل سرعه كام , و خلي بالك
و اللي كتييييييييييييير من الناس متعرفوش
تي اي داتا مطبقة سياسة الاستخدام العادل من أول سرعة 4 ميجا و عملاها 300 جيجا بس و لو عدتها بتنزل السرعه ل 128 كيلو يعني تقدر تقول النت فصل ههههههههههههههه
و هيمضوك على ورقة بكده أصلا لما تزود السرعه
الميزه في لينك بقى إنها مش عامله الموضوع ده إلا من 8 ميجا بس استقرار السرعه فيها أقل من تي اي داتا بالتأكيد لكن يعني مش هتفرق قوي هو كده كده فيه وقت زوره و سواء دي ولا دي بتلاقي سرعتهم قلت عن الفجريه كده مثلا بتكون واخد سرعتك كلها و يمكن أكتر بشويه ههههههههه
لو فيه أي استفسارات تاني أنا تحت أمرك