هل تعانى من TE Data مثلى ؟؟
أزيكوا يا شباب ، أنا ركبت من حوالى إسبوعين خط 1MB تبع TE Data ، بس لاحظت إن ال Ping مش مستقر ، يعنى الصبح بدرى عادة بيبقى فى حدود 40:60 أما بعد الظهر فحدث ولا حرج ، و على المغرب كده ممكن يعدى ال 2000 مستريح ، المهم كلمت الشركة كذا مرة و قالولى إن الشركة مش بتعترف بال Ping و إن طالما ال Download rate كويس يبقى مالهومش دعوة ، الغريبة إن بعد اليوم اللى هبت فيه العاصفة على مصر (الخميس) الPing كان تمام 24/7 لحد إنهاردة ، عشان كده أنا قررت إنى هفكس من TE Data و أعمل إشتراك مع Link من أول الشهر الجاى لأنى كنت قبل كده فى شبكة مع الجيران Link و مكنش فى نفس المشكلة ، يا ريت يا جماعة لو حد لاحظ نفس المشكلة دى عنده يقول .
*طبعا ال Ping بيأثر على الOnline Games وال Live Streaming .
رد: هل تعانى من TE Data مثلى ؟؟
رد: هل تعانى من TE Data مثلى ؟؟
الى محيرنى وهيجننى انى مش عارف مين الاحسن :D
احمد ولا الحج احمد :rolleyes:
رد: هل تعانى من TE Data مثلى ؟؟
اقتباس:
المشاركة الأصلية كتبت بواسطة b3024401
أحمد زي الحاج أحمد ،،،
فعلا
الاتنين زي بعض بالضبط متتعبش نفسك و استحمل
ممكن مع تركيب الكابل الجديد في مصر البينج و السرعات تتحسن
هو مش ممكن ده أكيد
رد: هل تعانى من TE Data مثلى ؟؟
انا مشترك في TE Data وخنقه(ليه تزنق نفسك TE Data هي اللي هتزنقك)
وزمايلي اللي في لينك كرهوا النت لعدم الاستقرار
بس ليه واحد صاحبي مشترك Vodafone ADSL ومبيشتكيش خالص
(ما شاء الله)
رد: هل تعانى من TE Data مثلى ؟؟
المشكلة إن الPing بيأثر جامد على ال Online Games و أهم حاجة بالنسبالى ال Live Streaming .
رد: هل تعانى من TE Data مثلى ؟؟
انا برده TE Data وموصل خط واحد ميجا لوحدى والداونلود مبيطلعش فوق ال 110 والبينج دايما 300 - 400 واحيانا اكتر .. وفى الصبح بيبقى 250 او اقل شويه ... لدرجه انى بطلت العب اونلاين من 3 سنين تقريبا :eek:
يعنى انت فى نعيم :D .. < هحسدك ..
وعلفكره وزى ما قالولك ... مفيش فرق انا جربت LINK برده ولوحدى وبرده مفرقتش وده بالعكس link مشاكلها اكتر واكتر .. اى نعم البنج كان ثابت 150 او اكتر بشويه لكن الداونلود كان تييييييييييييييت (حذف الرقابه) :mad:
وربنا يسهل ونشوف هيحصل ايه بعد الكابل اللى بيفكروا يعملوه ... (دا اذا عملوه<<)
رد: هل تعانى من TE Data مثلى ؟؟
اقتباس:
المشاركة الأصلية كتبت بواسطة b3024401
أحمد زي الحاج أحمد ،،،
+1
لافرق بينهم. وانا برضوا بعانى من نفس المشكلة، وكل مره اتصل يقولولى نفس اللى قالوهولك. بس انا سمعت ان المشكلة دى هتنتهى على نص شهر 3، يعنى قول 3\18 او 3\20 ...
رد: هل تعانى من TE Data مثلى ؟؟
الاسكندرية نفس النظام المريوطية نفس النظام اسيوط برضه في بنج بس مش عالي اوي زي اسكندرية و المريوطية
رد: هل تعانى من TE Data مثلى ؟؟
انا رأيي مختلف شويه
مشترك في tedata بقالي بتاع 3 سنين او اكتر والسرعه بتوصلي كامله والبينج معظم الوقت كويس جدا
ومفيش مره النت قطع
رد: هل تعانى من TE Data مثلى ؟؟
النت فى مصر عموما بقى يخنق خصوصا مع تى-تاتا :mad:
اقتباس:
المشاركة الأصلية كتبت بواسطة SeeNoEvil
انا رأيي مختلف شويه
مشترك في tedata بقالي بتاع 3 سنين او اكتر والسرعه بتوصلي كامله والبينج معظم الوقت كويس جدا
ومفيش مره النت قطع
يبقى انت الوحيد :D واكيد تقرب لوزير الاتصالات او لمدير شركة تى-تاتا :D
رد: هل تعانى من TE Data مثلى ؟؟
مش دايما والله دلوقتي بقا البنج زي الزفت برضو اكتر من 1000
رد: هل تعانى من TE Data مثلى ؟؟
انا بقى حكايتى غريبه شويه ...
أنا مشترك فى TEDate من حوالى سنتين على سرعة 512
والبنج كان مبيعلاش عن 200 وساعات بيبقى 135 معظم الوقت ... طبعاً مش هتصدوقو ...
أللى حصل اييه بقى أنى قررت أرفع السرعة من شهر الى 1 ميجا علشان البنج ينخفض أكثر ( شوف الطمع ياأخى ) :D
وأللى حصل صدمه :ah26: ... لاقيت البنج أصبح 400 ثم 800 ثم 1000 ثم 1200 ومين يزود
واتصل بيهم لاقيت رد غريب جداً ... بيقولولى أصل فى بطئ عام فى السنترال هههههههه ...
وأن شاء الله من الأشتراك القادم هرجع تانى لل512 ... بطئ ببطئ ...
رد: هل تعانى من TE Data مثلى ؟؟
والله أنا زيك بالظبط النت من شهر كده بقت يعنى......(مش لاقى كلمه حقيره كافيه) و أنا 1ميجا و بأنزل ب40-50kbs
و كل ما أكلمهم يقولوا لى السنترال فيه مشكله اصبر معانا احنا مافيش حاجه فى ايدينا نعملهالك
رد: هل تعانى من TE Data مثلى ؟؟
زى ما الاخوة بيقولو احمد زى الحج احمد مفيش فرق خليك مع لينك كويسة