استفسار لخبراء الشبكات بالمنتدي
السلام عليكم
لو سمحتوا انا كان عندي استفسار بسيط
انا عندي في الشغل الاتي
1-سيرفر (عليه يونكس وداتابيز اوراكل ) رقم الاي بي بتاعه هو 192.168.81.1
2-خط (MPLS) رقم الاي بي الخاص به 192.168.81.2
3- ADSL مودم اخش نت من خلاله يحمل رقم اي بي 192.168.1.1
انا كنت عاوز اخلي الاتنين يشتغلوا مع بعض(MPLS و الانترنت)
مثلا لو عاوز اخش MPLS حطيت اي بي 192.168.81.10 مثلا والجيت واي هي 192.168.81.2 عشان بقي اخش نت عملت ايه
دخلت الي قايمه Advanced الموجوده تحت الايبيهات وضفت اي بي تاني وهو مثلا 192.168.1.10 وجيت واي وهو المودم 192.168.1.1 اشتغلت مره وبعد كده ماشتغلتش تاني
طب ايه الحل لو عاوز اشغل اكتر من رينج اي بي علي الشبه واكتر من جيت واي
رد: استفسار لخبراء الشبكات بالمنتدي
انت مش محتاج اكتر من range انت بس محتاج اكتر من gateway وده سهل انك تضيفه لكل جهاز وتفاضل بينهم بال metric
رد: استفسار لخبراء الشبكات بالمنتدي
ياريت من الاخ التوضيح لو سمحت والاخوة المساعده بدل المرور مرور الكرام كده
رد: استفسار لخبراء الشبكات بالمنتدي
انا اسف يا بشمهندس_ من تشابه الارقام فهمت انك فى شبكه واحده ليها اكتر من gateway
عموما بعد التركيز فى الايبيهات فهمت انك عاوز تكون موجود فى شبكتين مختلفتين وكل واحده ليها طبعا range مختلف عن التانيه و gateway مختلف عن التانيه وعاوز لما تكون فى اى شبكه فيهم تشتغل بدون تعديل فى الايبيهات على جهازك
اذا كان ده المقصود
ابسط وافضل طريقه طبعا هى عن طريق ال DHCP وما عليك بس غير انك هتعمل repair لكارت الشبكه لما تكون موجود فى اى شبكه منهم
لو عاوز طريقه تنفيذ الموضوع ده بال dhcp انا تحت امرك ممكن اشرحهالك ولو مش عاوز كده وعاوز الطريقه ال manual انا تحت امرك ومنتظر ردك اذا كنت انا فهمت ال topology بتاعك صح ولا غلط واى طريقه لتنفيذ الموضوع ده تناسبك
وتقبل اسفى من سوء التركيز فى قراءة سؤالك المرة الاولى
رد: استفسار لخبراء الشبكات بالمنتدي
جزاك الله خيرا علي الافاده
بص حضرتك انا عاوز اكون مدخل الاتنين رينج من الاي بي عندي في الجهاز واقدر اخش علي اي شبكه من الاتنين في اي وقت من غير ما اعمل تعديل في الايبيهات يعني انا خلاص ابقي ضفتهم وريحت دماغي
رد: استفسار لخبراء الشبكات بالمنتدي
يا بشمهندس ياسر انت فبن ؟؟؟
فين خبراء المنتدي يفيدونا !!!
رد: استفسار لخبراء الشبكات بالمنتدي
ضيف كارت شبكة تانى فى جهازك
رد: استفسار لخبراء الشبكات بالمنتدي
السلام عليكم
ممكن توضح هل انت لازم تستخدم الاتنين جيت واى مع بعض ولا انت عايز تكون فى الاتنين رينج فقط لو التانى يبقى
هاتكتب فى الاى بى بتاعك (اعتقد انك هاتستخدم الجيت واى بتاعت مودم النت عشان تستخدم النت)
192.168.1.99 (مثلا) IP
SUBNET 255.255.255.0
GateWay 192.168.1.1
DNS 192.168.1.1
ومن advance
تضيف الرينج التانى
من add فى الجزء بتاع الاى بى فقط
ip 192.168.81.10
Subnet 255.255.255.0
لو فيه غلط ياريت الشباب يصححولى