عرض للطباعة
السلام عليكم
لو سمحتم انا عايز اجيب موبايل كويس و الميزانية هتبقي اخرها 1200 دا بالكتير اوي ...
المطلوب .. شكل كويس ... اغاني يعني بطارية تستحمل شوية :D ... تصوير مش اوي ...انترنت ...
انا فكرت في سامسونج ستار و عجبني لما شوفتو ع النت و شوفت كمان الكوربي ... هل في اي مقترحات افضل ... يا ريت الناس العندها سامسونج ستار تقول رأيها في الموبايل ..
و شكرا ليكم
أنا عندي ستار أنا أنا أنا أنا أنا............. ^_^
بص يا باشا
هي العدة كويسة وشغالة حلو
المميزات:
-أغاني (كويس وصوته حلو)
-انترنت (لو جبت اللي فيه وافاي يكون حلو عشان فيه موديل من غير وافاي والفرق بسيط 100 جنيه) وفي الميزانية ماتخافش
-الأفلام (MP4 وفيه Mode إنك تشغل full screen وده أحلى حاجة عشان شاشتة كبيرة)
-معاه قلم
-الكاميرا (كويسة 3.2 وحلوة وجنبها مراية صغيرة عشان لو حبيت تصور نفسك بنفسك)^_^
آه نسيت فيه حاجة اسمها smile shot يعني لما تضحك الكاميرا تصور لوحدها (مش بتنفع على وشي بتنفع على وش أخويا بس (واااااااء)
-معاه كل حاجة سماعة Double و وصلة USB بس مش معاه كوفرcover.
-سامسونج بتعمل حاجة كده اللي هي 3 desktop (مش عارف اشرحها ازاي بس زي مثلا الديسكتوب بتاع الكومبيوتر هي بقه عاملة 3 جنب بعض وإنت تتنقل بينهم، يعني بدل واحدة بقه عندك تلاتة عشان لو بتحط shortcuts عليه كتير.
العيوب:
-الأفلام (الفوروارد والباكوورد بيمشي 5 دقايق 5 دقايق يعني لو عايز ترجع الفيديو مثلا دقيقة أو اتنين مش هينفع بيمشي خمسات)
-كرت الميموري (مش بيجي معاه لازم تجيبه )
-التتش (ممكن يدايقك لو إنت بتتنرفز بسرعة بس لما تتعود عليه عادي)
وهوه فيه حاجة غبية إنك ممكن تدوس على الطرف اليمين للشاشة لو مافيش حاجة في الطرف اليمين اللي دشت عليه لو لقه حاجة في الطرف الشمال هيشغلها (هي محتاجة تعود وتكون هادي هادي هادي D: )
-البرامج همه تقريبا 30 برنامج أنا مالقيتش غيرهم (بصراحة مادورتش كتير) (أحسن برنامج منزله بيجيبلي درجة الحرارةبتاعت دلوقتي وبكرة^_^)
بالنسبة للكوربي أنا معرفش مميزاته ومجربتوش بس اللي أعرفه إنه ما فيش موديل منه فيه واي فاي
ملحوظة:
الستار فعلا في ناس كتير في مصر بتجيبه دلوقتي عشان هوه سعره رخيص وشكله حلو بدل ما يجيبوا Iphone
قال يعني في وجه مقارنة بينهم ^_^
اولا الف شكر ليك جدا علي المشاركة ... و علي الشرح لمميزات و عيوب الموبايل ...
بس هو كدا بالنسبة للتش من كلامك انو مش حساس ولا ايه بالظبت اصل دا اهم حاجة عشان الموبايل كلو تتش :eek:
سؤال تاني البطارية هتقعد اد ايه مع تشغيل الاغاني ... بمعني ان البطارية بتقعد فترة ولا بتخلص بسرعة
موضوع الفديو دا مش عيب اوي بالنسبة ليا ... بس من الواضح ان الموبايل دا بيعلم الصبر :D
بس غريبة ان الموبايل معهوش كارت ميموري ... انت كنت جايبو من توكيل زي راية مثلا او موبايل شوب .
السلام عليكم و رحمة الله و بركاته
أخى الحبيب
قال أحد الصالحين : لا يجتمع الغناء و القرآن فى قلب مسلم , فأيهما تختار ؟
الموبايل و الكمبيوتر نعمة من الله فلما نستخدمها فيما يغضب الله ؟
أليس الله بقادر أن يحرمنا من هذه النعمة ؟
بلى قادر , و لكنه صبر علينا
أغرنا حلم الله ؟
إن الله قد يتركنا مرة و أخرى و اخرى و أخرى و لكن إن أخذنا إن أخذه شديد
ارجوك أخى
و الله ما كتبت هذه المشاركة إلا حبا فيك
أيهما أبقى القرآن أم الغناء ؟
أيهما أحب ؟
أيهما أهم حب الله أم حب الغناء ؟
و الله أخى لقد كنت من قبل من محبى الأغانى و غيرها
و لكن الله سبحانه و تعالى من علي بالتوبة
و صدقنى و الله بالاقى سعادة غير عادية فى سماع القرآن و الدروس و الأناشيد الجميلة الرقيقة
أرجو أخى الحبيب ان كلامى مايزعلكش
و ياريت لو تشوف الرابط ده
https://www.islam-qa.com/ar/ref/5000...86%D8%A7%D8%A1
و بارك الله فيك
بالنسبة للبطارية هي 1000MA
كويسة وهتقعد معاك
التاتش هي نوعها RESISTIVE
وده النوع الشعبي الرخيص اللي كل الشركات بتستخدمه لما تعوز تعمل عدة رخيصة
(N97 5800 وفي موديلات كتير مشهورة بتستخدمه)هي عايزة تعود وصبر^_^
الميموري هو كان جالي من سامسونج نفسها(ده حركة بتعملها سامسونج في شوية موديلات بتاعتها عشان تخلي سعر الجهاز رخيص)