دايخ ومش عارف اعمل ايه

ايه الفرق بين المراكز اللى بتدرس mcse
فى مركز 10000 ج :confused:
ومركز 1000 ج :confused:
وواحد تانى 3000
فى ايه ايه الفرق يا جماعه
يعنى الغالى ثمنه فيه
ولا الناس دى بتشتغلنا على الفاضى ولا المفروض الواحد يروح مكان كويس ومشهور ولا الدنيا فى الحوار ده ماشية ازاى انا دوخت من كتر التفكير
وشكلى ولا واخد حاجه واريح دماغى
أرجو الافاده والرد
وكمان لو ياريت تقولولى ايه الفرق فى الاختيار الماده اللى هى اختيارى يعنى الواحد يدرس isa2004 ولا Exchange 2003 ولا الباقى اللى انا لسه معرفوش يعنى ايهم اصح لسوق العمل ولا الواحد ياخد 2
الدنيا ماشية ازاى من الاخر ؟؟؟؟؟؟؟؟؟؟؟؟؟؟؟؟؟؟؟؟؟:mad:

السلام عليكم
اخى الكريم شكلك محتاار جدا
بس احب اقولك ان الغالى مش ثمنه فيه ولا حاجة دى بتبقى ارزاق يعنى ممكن تروح مكان غالى وشيك وكل حاجة تمام بس يشرحلك واحد ما تفهمش منه حاجة وممكن تاخد فى مكان متواضع وربنا يرزقك بواحد يتقى الله فيك ويحاول يفهمك على اد ما ربنا ييسر له فانا فى راى اسال على اللى بيشرح او شوف ناس من اللى خدوا الكورس وهما يقولوا لك شرح مين افضل
او ممكن تذاكر مع نفسك وتستعين بالشروحات اللى على النتدى فهى فعلا جميلة جدا مع انها غير مكتملة حتى الان
وبعد اما تذاكر وتمام تروح تمتحن فى مركز ذو شهرة عالية وبكده تبقى ضربت عصفوريين بحجر ما تفعتش كتيير وفى نفس الوقت امتحنت فى كان مشهور وربنا يوفقك
اما بالنسبة لل ISA & Exchange فده بيبقى على حسب الكان اللى حتشتغل فيه حيكون محتاج ايه بس عموما الايزا مطلوبة اكثر بحكم ان الsecurityمطلوبة فى كل الشركات
ارجو ان اكون افدتك والله ولى التوفيق

يا اخي العزيز لا تحتار ولا تتعقد ولا حاجة انا حبسطهالك ان شاء الله بحكم خبرتي الصغيرة
اخي مساله الاسعار دي بترجع للشخص نفسة وامكانياته يعني لو انت على استعداد تدفع 10000 حتروح المكان ده معندكش امكانيه الا ب 3000 حتروح معندكش الا 1000 جنيه وهكذا ممعكش زي ما معظمنا في البلد دي
متتعقدش ذاكر دراسه ذاتيه وصدقني في جميع الاحوال اخدت كورسات او مش حتاخد الدراسة الذاتيه دي مهمة جدا جدا انا علشان ابسطهالك لو انت عايز تاخد كورس اي كورس باي سعر على حسب امكانياتك في اي مكان
اسال على اهم حاجة اهم سؤال المدرب ال instructor الي حيشرح ده اهم حاجة اتكلم معاه اسال عنه علشان ده اهم حاجة في الموضوع ربنا يوقف في طريقك اولاد الحلال والناس الي عندها ضمير باذن الله

يعني انا انصحك بالتاني والصبر وتخطط صح وتحسبها صح تسال وتستشير اهل الخبرة والعلم علشان مضيعش فلوسك على الفاضي وميغركش المظاهر الخداعة والمراكز الخياليه ومتستهونش بالمدرب الي في مراكز مش الكبيره المهم زي ما قولتلك اسال عن المدرب نفسه وربنا يوفقك واوعى تتعقد نصحتي ليك

وبالنسبه لسؤالك isa ولا Exchange اجاوبك اجابه ممكن تستغرب منها لكن يا خي انا حجاوب سؤالك عن الي انا شايفه في السوق او المصري بالتحديد بص يا اخي العزيز مصر عاوزة واحد بتاع كله فاهمني كله على كله ;)
فالي تقدر تاخدة يبقى كويس وفي الاول وفي الاخر دي ذياده خير على خير وعلم وذيادة خبره فانا رايي
الاتنين لان الاتنين اهم من بعض في السوق

اتمنى اني اكون افادتك وان شاء الله في الايام الجيه لو عملت كورس جديد حقولك لو حبيت تشترك معايا

وانصحك بجد نصيحة من قلبي اوعى تتعقد على فكرة بدايه الطريق بيبقى صعب شويه لكن متعة الانتصار في اخرة رهيبة جدا لما تحس بانك بتنجز وبتنجح ومن نجاح الى نجاح ان شاء الله وفي توقيعي موضوع عن الدراسة الذاتيه اتمنى يفيدك

AHMEDHALO

انا افتكرت حاجة
لو تقدر تصبر شوية وتستنى المنحة بتاعة وزارة الاتصالات اللى مدتها تسع شهور يبقى كويس لو ربنا يسرلك والتحقت بيها

شكرا لكم على الرد وربنا يسهلكم فى الامور كلها
ياريت لو اعرب المنحه دى هتكون امتى بتاعت وزاره الاتصالات
وياريت شروطها ايه ؟ واتابعها ازاى

الرابط التالى لموضوع عن المنحة وان شاء الله لما يجى ميعا التقديم حتلاقى حد من الخوة بيبلغ
https://www.arabhardware.net/forum/a...eou-oaaen.html

المهم يا اخى المدرب، ابحث عن مكان به instructor جيد، اما بالنسبة للسؤال الثانى يتوقف على طبيعة الشركة التى تعمل بها