بسم الله
اولا : اليو بي اس بيتقاس بالفولت امبير وما يقابلها
افضل ماركة على الاطلاق هي APC وعلى فكرة هو حاليا المصنع في الفلبين معدش هتلاقي اي نوع امريكي امريكي
بس للعلم هو ممتاز
بس اهم نقطة ان يفضل يكون من النوع ال smart او online interactive
يعني يقدر يحول الديستورشان الموجود في الموجة مباشرة بدون تحويل من تيار متردد لمستمر
اي نعم الكمبيوتر مش بيحس بالموجة دي اوي او الزمن لو تحريت الصحة بس في اجهزة وخصوصا الهاي ايند بتحس بيها وساعات بتضرب
ثانيا: ازاي تعرف اليو بي اس انه محترم اول نقطة اللي قولناها فوق وتاني نقطة يكون ليه طبعا قطع غيار وتوكيل نضيف مش تروح تجيب اي ماركة صيني مضروبة وخلاص .. بعدين هتحس بقيمة الكلام ده لما البطاريات تبوظ او تحتاج تتغير وغالبا الصيني شحنة والتانية وبيضرب
تالت نقطة : في حاجة اسمها power factor او معامل القدرة وده كل ما يعلى كل ما يدل على كفاءة اليو بي اس
في طبعا نقاط تانية بس محتاجة تفصيل وقعدة وشوية شرح في الكهربا وده بيبقى صعب شوية على حد مش تخصصه اهم نقطتين انه يكون سمارت او اونلاين ويكون معامل القدرة عالي
ثالثا : في ماركات تانية كويسة زي
Tripp liteوده في نفس مستوي APC
وفي ماركات اقل شوية تقدر تقول rank B زي Ar tronic تركي هتلاقيه في راديو شاك
وفي ماركات زي sollatec بريطاني برده وبطاريته تعبانة هتلاقيه في راديو شاك بس مش اونلاين
وفي فرنساوي زي infosec بس بطاريته تعبانة وبرده مش اونلاين هتلاقيه في مول البستان بس صعب شوية عند بتوع egypt laptops
مبدئيا كده:D مش هتلاقي النوع النضيف في القاهرة الا بالذل الابدي والموت الزؤام :D
انا لفيت على واحدة وملقيتوش الا بالعافية
اهم نقطة ازاي تحدد اليو بي اس اللي انت محتاجله :
عن طريق الحسبة البسيطة دي انك تشوف القدرة عندك اد ايه بالوات او بالفولت امبير بس خلينا بالوات اسهل شوية
وبعدين تقسمها على معامل القدرة هتلاقيها ادتك اليو بي اس اللي انت محتاجله بالفولت امبير وغالبا عشان تبقى في السيف سايد اقسم على 0.6
يعني مثلا عندك باور سبلاي بيديلك قدرة 500وات اقسمه على 0.6 هيديلك833 فولت امبير يبقى محتاج يو بي اس يديلك 833 فولت امبير فيما فوق
في طبعا يو بي اس بيديلك معامل قدرة اكتر من 0.6 في بيدي لحد 0.9 بس غالي جدا
انا بنصحك بالنوع ده وطبعا كله حسب القدرة عندك اد ايه .. بس غالبا مش هتحتاج اكتر من ده APC 750 VA/ 500 Watt Smart ups
بحوالي 950 جنيه