ممكن فيديو يشرح كيفيه اجتياز MCITP exams او الاسئله الشائعه فيها؟؟؟
السلام اليكوم ورحمه الله وبركاته
انا ان شاء الله نويت ادخل الامتحانات بتاعت كورس MCITP ENTERPRISE بس محتاج اعرف الاسئله الشائعه فيها او لو فى طريقه معنيه لاجيتازها بنجاح ياربت حد يفدنى ولكم جزيل الشكر
رد: ممكن فيديو يشرح كيفيه اجتياز MCITP exams او الاسئله الشائعه فيها؟؟؟
رد: ممكن فيديو يشرح كيفيه اجتياز MCITP exams او الاسئله الشائعه فيها؟؟؟
الموضوع سهل جدا دي تعتبر اسهل شهادة من مايكروسوفت ، انت محتاج كتاب مقدمة عن الشبكات و بعدين ممكن تبدأ في الكتب الرسمية من مايكروسوفت. كل امتحان هياخد منك حوالي شهرين علي حسب مستواك في اللغة الانجليزية لان الكتب طبعا بالانجليزية كلها. مش بانصحك انك تعمل زي كتير من الناس البتتفرج علي الفيديو العربي و بعدين تذاكر اسئلة الامتحانات و تروح تمتحن و فاكرين انهم عارفين كل حاجة لا طبعا غلط جدا الاسلوب دا و للاسف الاغلبية بتعمل كدا و في الاخر مش بيشتغلوا.
رد: ممكن فيديو يشرح كيفيه اجتياز MCITP exams او الاسئله الشائعه فيها؟؟؟
شكرا ليكوا على الرد amagsmb و michel بس انا فعلا حملت الفيديو ودخلت حملت الامتحانات بس البرنامج اللى بيشغلها مش لاقيه خاااالص ولا حتى اللى هو قايل عليه فى الفيديو
رد: ممكن فيديو يشرح كيفيه اجتياز MCITP exams او الاسئله الشائعه فيها؟؟؟
البرنامج معروف و منتشر على الأنترنت وهو visual certexam
ابحث عنه أخي الكريم وان لم تجده راسلني على الخاص
وبالنسبة للفيديو
راجع هذا الرابط سيفيدك كثيرا ان شاء الله
https://arabhardware.net/forum/showthread.php?t=266025
رد: ممكن فيديو يشرح كيفيه اجتياز MCITP exams او الاسئله الشائعه فيها؟؟؟
طبعا انا ضد اسئلة الامتحانات لاني الحاجات دي القللت قيمة الشهادات الاحترافية عموما كله بيبان في المقابلة الشخصية من أول دقيقة. بس نصيحتي بلاش تضيع نفسك بالاسئلة دي و ذاكر و لا تقول الامتحانات صعبة لانها سهلة جدا. أنا شخصيا اعتقد امتحانات مايكروسوفت اسهل امتحانات و مش محتاجة غير مذاكرة جدية و انشاء لاب و تدريب عملي.
خلي بالك كله هيبان في المقابلة الشخصية
رد: ممكن فيديو يشرح كيفيه اجتياز MCITP exams او الاسئله الشائعه فيها؟؟؟
اعمل الصح :D
ذاكر وسيبك من انك تذاكر الامتحانات بس
اولا هيبقى حرام عليك
ثانيا هتتفرم وهيبقى شكلك وحش فى المقابله
على فكره محدش بيشتغل من غير انترفيو واسئله تيكنيكال
رد: ممكن فيديو يشرح كيفيه اجتياز MCITP exams او الاسئله الشائعه فيها؟؟؟
شكرا ليك اخ afathypc
وشكرا ليك michel و m_1st على فكره انا مش عندى اى مشكله فى المقابلات الشخصيه وكمان كا تكنكال مفيش اى مشكله عندى
انا مشكلتى فى الاسئله لما بتبقى نظرى ميكروسوفت علشان نظرى فا بتبقى صعبه اوى عليه لكن لو كانت لابات كانت هتبقالى اسهل بكتيييييييييير
فا انا كل الموضوع عايز اخد الشهاده وياريت كانت فعلا الامتحانات شغل لابات او مشاكل وانا بحلها فى الطبيعه لكن موضوع النظرى ده هو اللى عاملى مشكله وعايز اعديه مش عارف
رد: ممكن فيديو يشرح كيفيه اجتياز MCITP exams او الاسئله الشائعه فيها؟؟؟
أخي الكريم ، النظري اهم بكتير من انك تعمل الشيء علي الجهاز لانه هيوضح مدي فهمك للتكنولوجيا. علي سبيل المثال ، انا لو سألت واحد web developer و قتلتله ايه ال ASP .NET هيقولك لغة برمجة للويب و للاسف كتير بيقولوا كدا. طبعا اي حد يقول كدا يبقي مش بيفهم اي حاجة في web development ، و حتي لو عرف يعمل صفحة و يربطها بقاعدة بيانات و لا حاجة هيبقي برده مش فاهم و مش هقتنع بيه اطلاقا.
و القاعدة بتمشي علي اي تخصص في تكنولوجيا المعلومات ، عادي جدا ان شخص يستخدم برنامج مثلا علشان يشفر نص مثلا و لكن علشان يفهم الفرق في التكنولوجيا مش هعرفه غير لما سأله نظري و كتير كمان.
النظري اهم بكتير جدا من انك تعمل الشيء علي الجهاز
رد: ممكن فيديو يشرح كيفيه اجتياز MCITP exams او الاسئله الشائعه فيها؟؟؟
هو انا الصراحه بحاول اهتم اكتر بالعملى والفهم اكتر من الاسئله النظرى دى يمكن اكون غلط بس مش عارف زى ما قلتلك انا بقابل صعوبه شويه فى الاسئله النظرى يمكن دى مشكله فيه فعلا انا ببقى عايز لما اروح شغل اللى موجود يختبرنى عملى مش نظرى علشان كده بحاول اعدى الامتحانات بتاعت ميكرو سوفت اللى هى نظرى دى
رد: ممكن فيديو يشرح كيفيه اجتياز MCITP exams او الاسئله الشائعه فيها؟؟؟
هو انا الصراحه بحاول اهتم اكتر بالعملى والفهم اكتر من الاسئله النظرى دى يمكن اكون غلط بس مش عارف زى ما قلتلك انا بقابل صعوبه شويه فى الاسئله النظرى يمكن دى مشكله فيه فعلا انا ببقى عايز لما اروح شغل اللى موجود يختبرنى عملى مش نظرى علشان كده بحاول اعدى الامتحانات بتاعت ميكرو سوفت اللى هى نظرى دى
رد: ممكن فيديو يشرح كيفيه اجتياز MCITP exams او الاسئله الشائعه فيها؟؟؟
انا اسف بس اسمحلي انصحك و اقولك ان كدا غلط خالص ، لازم نظريا تبقي محترف قبل حتي ما تلمس السيرفر و الا ممكن تعمل مصيبة. اتخلص من المشكلة دي و بسرعة و لازم تقرأ و تتعلم كتير نظري قبل العملي.
رد: ممكن فيديو يشرح كيفيه اجتياز MCITP exams او الاسئله الشائعه فيها؟؟؟
كمان انا اخدت الكورس وبذاكر فى ال موكات بتاعته بس الصراحه عايز كمان حاجه تساعدنى انى اعدى الامتحانات كمان هى الموكات كبييييره اوووى وكتييير
رد: ممكن فيديو يشرح كيفيه اجتياز MCITP exams او الاسئله الشائعه فيها؟؟؟
اومال لو شفت حاجة زي
Mastering Windows Server 2008
Windows Server 2008 Inside out
هتقول ايه؟
الكتب دي 1500 صفحة و فعلا كلها دسم :)
طريق تكنولوجيا المعلومات بكل تخصصاته عايز مذاكرة يوميا و علطول و عايز صبر
رد: ممكن فيديو يشرح كيفيه اجتياز MCITP exams او الاسئله الشائعه فيها؟؟؟
هههههههههه ما هى تقريبا اللى انا باكر منها دلوقتى اسمها تريننج كيت
انا اصلا كنت اخدت الكورس فى مركز اسمه اى تى شير وبعد ما خلصته قلت ازاكر بردوا فيديوهات مهندس محمود سرحان كلها ودلوقتى مسكت الكتب دى علشان هى اللى مليانه نظرى بس تقيله اووووووى
ولما نزلت شغل عملى لاقيت نفسى باءدى بشكل كويس وتمام بس لما شوفت الامتحانات حسيتها غريبه وبتقول كلام غريب يمكن علشان انجلش تقيل او كلامهم شويه معقد
ربنا يسهل واعديها واشوف اى شركه كويسه انزل اتمرن فيها تدريب شهرين او 3