لكل واحد محترف جدا جدا في كسر السرعه .. ارجو الدخول و المساعده

السلام عليكم
انا عندي بروسيسور E7300 2.66 MHz
ومازر بورد GigaByte G31M
وعملت ليها اخر تحديث للـ Bios و كل حاجه تمام

المشكله بقا :

لما جيت ارفع سرعه الروسيسور لــ 2.9MHz و شغلت برنامج CPU-D لقيت ان الخانه اللى مكتوب فيها
CoreSpeed : ديما بتتغير و بتنزل سرعتها و في نفس اللحظه بتطلع للرقم اللى انا كنت رافعه يعني مفيهاش ثبات

وخانه Multiplier بشوف برضوا تغير القيمه فيه بتطلع و تنزل مع خانه Corspeed

ولما لما بخلي البروسيسور على الوضع الطبيعي (( يعني سرعته الاساسيه )) بتكون الخانتين دوول غير ثابتين برضوا ؟؟؟

فهل حد يعرف ايه السبب و لو فيه اي حل يقولي عليه عشان انا عايز ارفع السرعه حتى لغايه 3MHz .

انا عندي خلفيه كويسه ولله الحمد بالكمبيوتر لكن محتاج بس حد يوجهني لغايه ما اظبط البرسيسور و يكون فيه ثبات .

ارجو الاهتمام يا رجاله و يا وحوش منتدي عرب هارد وير .... اخوكم احمد

وجزاكم الله كل خير

ملحوظه : انا عايز ارفع الصور بتاعت البرنامج عشان تكون المعلومات واضحه اكتر لكن انا مش عارف احطها ازاي في الصفحه ... ممكن حد يقولي على الطريقه برضوا .. اازي احط الصور هنا في الموضوع ... عفوا على الاطاله

اخي احمد
القيم فعلا غير ثابته وده عند الكل لانه تردد ومفيش تردد ثابت علي رقم واحد ونت لو دققت هتلاقي الزياده او النقصان طفيف جدا جدا
وده ملوش اي علاقه بكسر السرعه
اطمأن اخي مفيش اي ضرر او اخطاء في معالجك باذن الله
بالنسبه لرفع الصور في المشاركات فمربع الادوات اللي فوق المساحه اللي بتكتب فيها المشاركه هتلاقي علامة اضافة صوره لكن قبل كده تكون رافع الصوره علي اي مركز رفع صور وتاخد اللينك وتحطو في المربع اللي هيظهرلك لما تدوس علامة ادراج صوره
ارجو اني اكون افدتك

اولا جزاك الله كل خير يا اخي elafgany على اهتمامك و ردك عليا بسرعه الجميله اللى دايما متوقعها من موقع عرب هاردوير

ومتشكر جدا على افادتي في رفع الصور ...

بس فيه حاجه بسيطه معلش عايز اعرفها ..
يعني نزول السرعه و رفعها في البرنامج لما بيظهرها دي مع كل الناس و مفيهاش مشكله و البروسيسور شغال بالسرعه اللى انا رافعها فعليا .

بص هشبهلك الحكايه عامله زي رسم القلب مبيثبتش علي رنج معين
لازم اصلا يبقي كده
وده عند كل الناس
متقلقش خالص اخي

ربنا يخليك و يجزيك كل خير

شكرا اخي يارب اكون وفقت وساعدتك

اخي هذه خاصية للمعالجات حيث تقوم بتخفيض عامل الضرب في المعالج
وتخفيض السرعة في حالة الخمول لخفض الحرارة النائجة عن التردد العالي

اقتباس:

---

المشاركة الأصلية كتبت بواسطة 0hasan0

اخي هذه خاصية للمعالجات حيث تقوم بتخفيض عامل الضرب في المعالج
وتخفيض السرعة في حالة الخمول لخفض الحرارة النائجة عن التردد العالي

---

بالضبط ..
ويمكن الغاء هذة الخاصية من الخيار intel Speed step داخل البيوس , لكن تمكينها يساهم بخفض الحرارة اثناء الخمول .

اقتباس:

---

المشاركة الأصلية كتبت بواسطة Extreme2

بالضبط ..
ويمكن الغاء هذة الخاصية من الخيار intel Speed step داخل البيوس , لكن تمكينها يساهم بخفض الحرارة اثناء الخمول .

---

مشكور اخي الغالي .. لكن ارجوك ممكن تدلني بالظبط فين المكان بتاع intel speed step عشان عايز اوثقه ؟؟؟

ممكن تقولي مكانه بالظبط ... و لك جزيل الشكر

أخوي هذه تقنية لخفض او توفير الطاقة .. فبواسطتها ستوفر الطاقة وبالتالي ستقل درجة الحرارة مع نقصان الفولت

اذا كنت تريد ازالتها فأجعل C1e Func Off و هذا ستجده في ال CPU option