الى جميع مستخدمي اجهزة دل
انا كسرت خشم شركة دل وحصلت على جهاز جديد وبرنتر ملتي فانكشن كتعويض عن جهازي القديم.
اكيد اخي انت عاوز تعرف كيف.
قبل سنة انا اشتريت جهاز من شركة دل نوع xps m1330 من شركة الامارات للكمبيوتر في الشارقة.
وبعد ثلاث اشهر صارت عندي مشكلة في الشاشة ورجعت على شركة الامارات للكمبيوتر وقالولي لازم تتصل بشركة دل على الهاتف المجاني وهم يقررون .لان انا كنت ناوي ارجع الجهاز . ونا اتصلت بشركة دل وهم كالولي بنصلح الجهاز ونغير المذر بورد . طبعا انا مرضيت لان انا اول مرة اسمع بجهاز يعطل قبل ما يكمل الثلاث اشهر والبلوة انه انا دافع حقة مبلغ كبير .
المهم كالولي انه الجهاز فيه عيب مصنعي وحنة اسفين لاكن الشركة معترفة بالمشكلة وحضيف ضمان خمس سنوات للقطعة الي فيهة الخلل.ونه المذربورد الجديدة انحلت مشكلتهة وعالجو الخلل الي فيهة. كلام للحين جميل مادرش اقول حاجة عنو
https://www.adslgate.com/dsl/images/smilies/new14.gif
قبل شهر رجعت المشكلة مرة ثانية وكمان معاهة حرارة عالية وصوت المروحة صار مزعج جدا.
رجعت اتصلت بالشركة وكالولي انهم حيبدلوا المذربورد مرة ثانية.وحيبدلو المروحة كمان. انا قلتلهم كيف طيب انت اخر مرة قلتولي انه المذربورد الجديدة مافيهة عيب . بس هم كالولي لا المذر بورد الجديدة ضهر فيها نفس العيب ونه الضمان ماراح يتمدد لخمس سنوات ولاكن سنة وحدة ويحقلي ابدل المذربور مرة وحدة بعد الضمان.كتلهم طيب اذا كان الجهاز فيه مشكلة مالهة حل خذو الجهاز وعطوني جهاز ثاني مافيه عيب . الاخ بيرد علية ويقولي الجهاز توقف تصنيعة منذ بداية السنة.
والله ياخوان انا شعرت انضحك علية في الجهاز وسمعت وشفت وقريت على النترنيت انه في الاف الناس انضحك عليهة بنفس الطريقة يعني شركة دل ضحكت علينا علشان تمشي الجهاز بروسنا.والشركة هاي متكدر اسوي كدة بشخص في امريكا تجي تضحك علينا احنة العرب الي كلهم عايشين من خير الارض هذي .
لاكن والدي كان عندة صديق محامي فاهم وحكالة الموضوع . والمحامي الشاطر قال المسئلة بسيطة ومحلولة . بس اعملوا شكوة بسيطة ضد شركة دل في ادارة حماية المستهلك التابعة لوزارة الاقتصاد .
اتصلنا بيهم وهم كالولي انه شركة دل ما موجودة في الامارات بس احنا بنعالج الموضوع .وتصلوا بشركة الامارات للكمبيوتر في ابو ضبي والشركة اول ما سمعت بالخبر اتصلوا فينة وبعثولنة مندوب للبيت وطلبوا منا انه نسد الموضوع مقابل انه يعوضونة بجهاز حديث وفيه ضمان ثلاث سنوات وعاه طابعة ملتي فانكشن. الجهاز جميل والمعالج اي 7
طبعا احنا وافقنا مستغربين ليش هل تنازلات فبعد ما اتصلنا بالمحامي افتهمنة الموضوع .
اولا : ما يحق لشركة ان تبيع جهاز فيه عيب.
ثانيا:في حالة انه في جهاز فيه عيب لازم تبليغ وزارة الاقتصاد وجهاز حماية المستهلك في الموضوع ولازم ايضا ابلاغ المشتري بالعيب وذكر ذلك في وصل الشراء.
والعقوبة في هذه الحالة ان يتم جمع جميع الاجهزة من السوق وتعويض الناس الي انضحك عليهم مثلي ومثلك واعادة المبلغ وطبعا هذا تتحملة الشركة.
انا الحمد لله اخذت حقي باقي تاخذ حقك انت.
https://www.adslgate.com/dsl/images/smilies/new3.gif