ساعدونى فى كارت SAPPHIRE HD5770 1GB GDDR5 PCIE
السلام عليكم
انا لسه شارى الكارت ده النهاردة من ماكسيمم هاردوير
واشتريت معاه باور 500 وات جاما hec
المهم ركبتهم تمام وانا عندى بروسيسور عالى بردو وكان عندى كارت باور كالر 5670 وكان شغال 10/10
لما ركبت الكارت الجديد وجيت اشغل اللعب على اعلى ريزليوشن ( 1600x900) على شاشة سامسونج 20 بوصة
لاقيت الالعاب فيها تقطيع مع انى منزل اخر درايفر من الموقع ومعلى مروحى البروسيسور والكارتة
فى كل الاعاب وخصوصا FIFA 2011 كانت تمام على الكارت 5670
معرفش حاسس انه كارت سكه ومعرفش ماكسيمم هارد وير ينفع يغيرهولى بكارت تانى ولا المشكلة فى ايه بظبط ؟؟؟؟
ارجو المساعدة
واسف على قله مشاركاتى وانا اعتمتدت على اراكم الى قراتها فى مواضيع سابقة عن الكارت 5770 ده
فسااااااااااعدونى
وشكرا
رد: ساعدونى فى كارت SAPPHIRE HD5770 1GB GDDR5 PCIE
هل حذفت التعريف واعدت تنصيبه عند تركيب الكرت الجديد .. اذا لا احذفه من جذوره وأعد تنصيبه..
اذا لم تنحل المشكلة اعد تنصيب الويندوز من حديد..:)
رد: ساعدونى فى كارت SAPPHIRE HD5770 1GB GDDR5 PCIE
شكرا اخى على ردك
وسوف احاول مرة اخرى وربنا يسهل
رد: ساعدونى فى كارت SAPPHIRE HD5770 1GB GDDR5 PCIE
الافضل اعادة تنصيب الويندوز ومن ثم تحميل تعريف كرت الشاشة
رد: ساعدونى فى كارت SAPPHIRE HD5770 1GB GDDR5 PCIE
هل وصلت مقبس الباور ال 6 بن الى الكارت يا عزيزى ؟؟
اذا وصلتة ...
جرب تغير الويندوز وتنزيل اخر تعريف مباشرة دون تنزيل اى برامج اخرى ....وجرب الكارت بعدها
لو ظلت المشكلة كما هى فأذهب الى الشركة مرة اخرى لتغير الكارت :)
رد: ساعدونى فى كارت SAPPHIRE HD5770 1GB GDDR5 PCIE
اقتباس:
المشاركة الأصلية كتبت بواسطة S@M
هل وصلت مقبس الباور ال 6 بن الى الكارت يا عزيزى ؟؟
اذا وصلتة ...
جرب تغير الويندوز وتنزيل اخر تعريف مباشرة دون تنزيل اى برامج اخرى ....وجرب الكارت بعدها
لو ظلت المشكلة كما هى فأذهب الى الشركة مرة اخرى لتغير الكارت :)
شكرا يا باشا وحجرب وربنا يسهل
الغريبة ان لما غيرت من 4670 الى 5670 كان فى فرق واللعب شغالة زى الفل وحتى كنت بجيب اخر الكارت من ريزليوشن 1600 * 900 مكنتش بتقطع وعلى نفس الويندوز
المهم شكرا يا رجالة وحجرب وافيدكم بالجديد بس يارب الاقى وقت من شغلى للويندوز ادعولى
رد: ساعدونى فى كارت SAPPHIRE HD5770 1GB GDDR5 PCIE
المفروض انه لما تغير من 5670 الى 5770 الكرت يتعرف على طول حتى من دون إعادة تثبيت التعريف أو تغيير الوندوز .
لا أعرف إن كانت تعاريف ATI تختلف برمجيا عن تعاريف نفيديا , لكن بالنسبة لي لا يلزمني أي تغيير في الدرايفر عند تجربة كرت نفيديا من موديل اخر على جهازي .
فقط يقوم الجهاز بإعادة تشغيل تلقائي ويتعرف على الكرت الجديد مباشرة .
على العموم تأكد من تشغيل الكرت على شق PCI ex بسرعة 16x أو ضع لنا صورة من GPUz .
رد: ساعدونى فى كارت SAPPHIRE HD5770 1GB GDDR5 PCIE
اقتباس:
المشاركة الأصلية كتبت بواسطة Extreme2
المفروض انه لما تغير من 5670 الى 5770 الكرت يتعرف على طول حتى من دون إعادة تثبيت التعريف أو تغيير الوندوز .
لا أعرف إن كانت تعاريف ATI تختلف برمجيا عن تعاريف نفيديا , لكن بالنسبة لي لا يلزمني أي تغيير في الدرايفر عند تجربة كرت نفيديا من موديل اخر على جهازي .
فقط يقوم الجهاز بإعادة تشغيل تلقائي ويتعرف على الكرت الجديد مباشرة .
على العموم تأكد من تشغيل الكرت على شق PCI ex بسرعة 16x أو ضع لنا صورة من GPUz .
ايوه هوه ده الى انا مستغربه المفروض انها اتعرفت عادى لانها نفس السريس 5000 يبقى ازاى لازم سيستم تانى
انا شاكك فى الكارتة دى والله اعلم وربنا يستر انا حخلص الشغل واروح انزل ويندوز تانى وامرى الى الله
رد: ساعدونى فى كارت SAPPHIRE HD5770 1GB GDDR5 PCIE
ايه صار معاك اخي - ارجو اعلامنا بالنتيجة
رد: ساعدونى فى كارت SAPPHIRE HD5770 1GB GDDR5 PCIE
لسه والله ما روحتش البيت انا فى الشغل
ووالله انا متعكنن على الاخر
رد: ساعدونى فى كارت SAPPHIRE HD5770 1GB GDDR5 PCIE
بعد اذنك عايز تقيمك على اداء 4670 و 5670 على روزليشون 1600x900 و تقولى جربت على العاب ايه علشان انا عندى نفس شاشتك و و ياترى كان فى فرق كبير بين 4670 و 5670 و ليه غير و جبت 5770 هل حسيت بتأثير ؟
معلش الاسئله كتيير :ah16:
رد: ساعدونى فى كارت SAPPHIRE HD5770 1GB GDDR5 PCIE
انت هتخوفني ليه يا حج؟؟ انا اصلي عملت زيك بالظبط و جيبت نفس الكارت من ماكسيمام هاردوير بردو و باور سبلاي 500 وات جاما.. و انا كان عندي 4670 و بصراحه الفرق رهيب و الاعاب عندي شغاله كلها ميه ميه و علي اعلي الاعدادات
ياريت تقولنا ايه اللي حصل معاك لو سمحت يا باشا و ربنا يكرم و المشكله تتحل.
رد: ساعدونى فى كارت SAPPHIRE HD5770 1GB GDDR5 PCIE
[QUOTE=medo_22;1600769]انت هتخوفني ليه يا حج؟؟ انا اصلي عملت زيك بالظبط و جيبت نفس الكارت من ماكسيمام هاردوير بردو و باور سبلاي 500 وات جاما.. و انا كان عندي 4670 و بصراحه الفرق رهيب و الاعاب عندي شغاله كلها ميه ميه و علي اعلي الاعدادات
ياريت تقولنا ايه اللي حصل معاك لو سمحت يا باشا و ربنا يكرم و المشكله تتحل.
[/QUOTE\
لا تقلق ما دامت شغالة معاك كويس يبقى خلاص المهم انت مشغلها على كام فى كام شاشة اد ايه
+ انا شكلها كده يا اما الكارت فى حاجة يا اما الباور فى حاجة
انا نزلت ويندوز تانى مع انى كنت متاكد انها مش مشكلة ويندوز
بس بردو المشكلة موجودة :ah34:
هيه يا جماعه زى ما تقولو كده مثلا فى لعبة فيفا 2011 لما الكاميرا تجرى من اليمين للشمال بسرعه تلاقى الشاشة تحس زى ما يكون كانت مطبقة و بتتدفرد او بيجصل دروب فى الفرام دى هيه المشكلة بس اللعب عادى
والمشكلة دى لاحظتها لانها مكنتش بتحصل على ال 5670 وخصوصا بتزيد لما بجيب اخر الشاشة 1600 * 900
والمفروض ان كارت قوى زى 5770 ان محسش باى فرق غير للاحسن ولا انا غلطان
المهم انى اتشائمت من الكارت ده بصراحة ومعرفش ماكسمم هاردوير يرضى يرجعهولى او ابدلو بكارت ولو اعلى يكون nividia يبقى مشكور
ومن الاخر ال power color طلعت شركة جامده 5670 .. اما sapphire 5770 طلعت شركة سكه شكلها كده:ah42:
يعنى من الاخر ادفع 1030 ج فى كارتة زى دى ومتطلعش بالكفاءة الى متوقعها تبقى فاشلة الا اذا كان فيها مشكلة اصلا والله اعلم
رد: ساعدونى فى كارت SAPPHIRE HD5770 1GB GDDR5 PCIE
اقتباس:
المشاركة الأصلية كتبت بواسطة YousefValentino
بعد اذنك عايز تقيمك على اداء 4670 و 5670 على روزليشون 1600x900 و تقولى جربت على العاب ايه علشان انا عندى نفس شاشتك و و ياترى كان فى فرق كبير بين 4670 و 5670 و ليه غير و جبت 5770 هل حسيت بتأثير ؟
معلش الاسئله كتيير :ah16:
تقييمى لل 4670 و 5670 كارتتين جامدين من الاخر وطبعا ال5670 احسن بس 4670 لما جبتها كانت فيها مشكلة عيب صناعة اصلا فغيرتها ولما اتغيرت بواحدة جديدة دفعت فرق وجبت ال 5760 وكانت شغالة على اعلى ريزليوشن ال 5670 بدون مشاكل
وعن 4670 هيه عند واحد صاحبي شغالة زى الفل وعنده شاشة 23 بوصة وساعات بيجيب معظم الجيمز الجديدة على اعلى ريزليوشن وبتشتغل فلة
وانا غيرت لل 5770 اولا غلطة وندمان عليها ثانيا غيرت من باب التحديث للجديد وللالعاب الجديدة الى بتنزل وبجد يارتنى سمعت كلام الناس الى قالت على ال EVGA NIVIDIA وياريت يرضى يغيرها ليه الشركة
رد: ساعدونى فى كارت SAPPHIRE HD5770 1GB GDDR5 PCIE
اقتباس:
المشاركة الأصلية كتبت بواسطة sleepyhammer
تقييمى لل 4670 و 5670 كارتتين جامدين من الاخر وطبعا ال5670 احسن بس 4670 لما جبتها كانت فيها مشكلة عيب صناعة اصلا فغيرتها ولما اتغيرت بواحدة جديدة دفعت فرق وجبت ال 5760 وكانت شغالة على اعلى ريزليوشن ال 5670 بدون مشاكل
وعن 4670 هيه عند واحد صاحبي شغالة زى الفل وعنده شاشة 23 بوصة وساعات بيجيب معظم الجيمز الجديدة على اعلى ريزليوشن وبتشتغل فلة
وانا غيرت لل 5770 اولا غلطة وندمان عليها ثانيا غيرت من باب التحديث للجديد وللالعاب الجديدة الى بتنزل وبجد يارتنى سمعت كلام الناس الى قالت على ال EVGA NIVIDIA وياريت يرضى يغيرها ليه الشركة
انصح ب Nvidia 250 GTS جامده اوى من XFX عند واحد صبحى و جابها ب 900 جنيه بس و الكارت Momory interface 256
و بتاعك 128 فى فرق كبير و الله هو كان عاكل زيك كده و حصلت معاه نفس المشكله و راح شركه الحمد فى مصطفى كامل و غيره تانى يوم