مطلوب المساعده ضرورى جدا يا بشمهندسين ,عندى اسئله كتيره ياريت الاقى حد ممكن يساعدنى

السلام عليكم ورحمة الله وبركاته
ارجو ان تكونوا جميعا بخير وبصحه جيده

وبعد

انا عندى اسئله كتيره يا جماعه وعاوز اعرف اجابتها ضرورى من فضلكم
1- انا اتصلت النهارده بتى إى داتا وعرفت ان عندهم اوبشن باك ب 50 جنيه شاملة دومين نام ,ازاى ممكن اعمل دومين "اكتيف ديركترى" واربطه بالدومين نام اللى هخده ده؟
2- ولو كده ازاى ممكن اربط الاكستشنج بيه بحيث يستقبل الايميلات عادى من بره وطبعا موضوع انه يبعت دى سهله اعتقد؟
3- ازاى اعمل publish للاكستشنج 2007 من ورا ايزا 2006؟
4-عاوز لينك افضل نسخه من symantec end point antivirus وياريت لو تكون مكركه ومجربه لان فى نسخ كتير بتشتغل فتره معينه؟
5- لو عندى فيروس اوتورن فى الشبكه ,إيه احسن طريقه ممكن اتخلص منه بيها؟
6-لو حد عنده لينك ل isa 2006 trainsignal يبقى عمل معايا احلى واجب؟
وووووووووووووووو...............كفاية كده المره دى .....وشكرا لكم
على فكره يا جماعه انا عندى فكره كبيره عن كل المواضيع دى انا بسئل بس عن الكيفيه

صباح الفل على الرجاله ,ايه يا جماعه محدش عنده فكره عن اجابة اى سؤال من الاسئله دى؟

وعليكم السلام ورحمه الله وبركاته
بداية اقول باختصار ...........................جــــــــــواب و عتـــــــــــــــاب ................... وارجو ان تقبل كلامى بصدر رحب
نبدا اولا بالجواب
============
بالنسبه للسؤال الاول
كيفيه ربط Domain Name like xyz.com باخر xyz.local يتم عن طريق تحديد ما الذى تريده من هذا الربط بمعنى ما الذى تريد ان تطرحه لعموم الناس لرؤيته وما الذى تريد ان تطرحه لموظفى شركتك على وجه الخصوص .....عند التحديد يكون الاسلوب المتبع وكيفيه الحصول عليه وفقا لتكوين الشبكه الداخليه لشركتك واقصد بذلك Infrastructure Design والمكون من Systems And Hardware Devices وبناء على ذلك يتم تحديد الوسائل والادوات الامثل لتحقيق ذلك
بالنسبه للسؤال الثانى : اعتقد انك تحتاج لمراجعه Edge Server وكيفيه اعداده وستجد كل ما تحتاجه من اجابات وامثله
بالنسبه للسؤال الثالث : ترجع هذه العمليه الى نوعيه certificate المستخدمه هل هى خاصه بشركتك ام خارجيه من شركات تصدر مثل هذه الشهادات .....اما اذا كان السؤال عن الكيفيه عن طريق خطوات ستجد كل ما تريد فالرابط التالى
https://technet.microsoft.com/en-us/.../bb794751.aspx
السؤال الرابع : لا انصح بالتعامل مع اى كراك لاحتواءه على ملفات تضر بشركتك حتى وان كانت لا تتمثل فى اضرار بانظمه التشغيل فستجد منها انواع اخرى تجمع معلومات عن المكونات الداخليه للشبكه .....فالحالتين ضرر كبير والضرر الواضح ...المصنفات :)
السؤال الخامس : استخدم anti-virus جيد واتبع الخطوات
https://www.wikihow.com/Remove-Autor...rd-Disk-Drives
السؤال السادس سوف ابحث لك عن روابط جيده باذن الله
================================================ثا نيا العتاب=============
اخى الحبيب بداية المنتدى صمم لتبادل الخبرات ووضع حلول للمشكلات التى تقابل بعضنا لاهداف البحث العلمىاما الشروحات المقدمه على هيئه فيديو او مقالات علميه فهى مقالات معده مسبقا للشرح والتوضيح وتبسيط المعلومه قدر المستطاع
لذلك هناك امور يجب الاخذ بالاعتبار قبل وضع سؤال او استفسار حتى تجد استجابه فى وقت زمنى قريب
1- عليك تحديد السؤال بشكل جيد وصياغته بشكل محدد الاسئله العامه تهدر الوقت فى اجابات قد لا تتعلق بسؤالك اصلا
2- عندما تسال عن شيء موجود مسبقا تجد لموضوعك عدد مشاهدات كبيره ولا يوجد ردود لانك كما تحب ان توفر على نفسك عناء البحث وذلك بطرح السؤال تجد الاخرين بدورهم يوفرون على انفسهم عناء الرد على اسئلتك والذهاب لما هو مطروح من اسئله جديده
3- رجااااااااااااااااااااااااااااااااااااااااااااااء لك ولكل اعضاء المنتدى تجنب قدر المستطاع العبارات العاميه لان منها ما يفهم بشكل خاطيء
واكبر مثال ردك على الموضوع وكأن لا يوجد احد يفهم بالمنتدى لانهم ببساطه لم يردوا على اسئلتك فى خلال 24 ساعه من طرحك للموضوع !!!!!!!!!!
4- ابحث اولا فالمنتدى قبل السؤال .......وابحث بمحركات البحث مثل google وخلافه عن اجوبه لاسئلتك
5- من الافضل السؤال عن مقال لم تستطع فهم المعلومه منه بشكل كامل افضل من ان تسال عن شيء موجود ولم تقرأ عنه او تبحث فيه
6- يوجد شرح فيديو كامل باللغه العربيه عن Exchange server 2007 وتسال عن كيفيه Configuration وتتعجب من عدم الرد !!!!!!!!
7- المنتدى والاعضاء تعامل معهم باهتمام حتى وان كنت تطرح سؤال او حتى تعرض معلومه تنفع بها غيرك ..... لا تتعامل معنا وكأنك ممسك بالفانوس السحرى مجرد السؤال يطلع لك الف جنى يجيب عليك وينتظر منك المزيد من الاسئله !!!!!!!!!!!!!!!!!!!!!!
ارجو ان يتسع صدر كل من يقرا هذا الرد على مثل هذه النوعيه من الاسئله وان يعتبر ان هذا موجه لى ولكل شخص يقرا ويطرح مقالات او اسئله او حتى شروحات فالمنتدى ما هو الا مكان علمى يسعى بالرقى بالمحتوى العربي فى مجال تقنيه المعلومات وليس مكان للشااااااات .......نستيقظ صباحا وندخل المنتدى للدردشه عن كل ما يجول بخاطرنا
ولا استبعد فى يوم من الايام ان اجد عنوان لموضوع تقنى " صباح الفل بالصلاه على النبى هندوس فى مجال مايكروسوفت وندخل فالغووويط مع تقنيه 2012 " ....... والله شيء مخزى !!!!!!!!!!!!!!!!!!!!!!!!!!!!!!!!!!!!!!!!!!!!!!!!!

شكرا جدا على ردك اخى العزيز تعبتك معايا فى الرد على الموضوع ,واحترم كل كلامك
انا بس كان عتابى ان انا سألت 6 اسئله ومحدش رد حتى على سؤال واحد
ثانيا انا مجاش فى دماغى موضوع موجود مسبقا دى وممكن اكون مقصر انى مدورتش بس برضه من غير المنطقى انى ادور على حاجه فى كل مواضيع المنتدى عشان اوصل لحاجه معينه لان كل واحد بيسمى الموضوع باسم فى اغلب الاحيان لا يكون معبر عن محتواه فبكده اكون بدور على ابره فى كوم قش
ثالثا حضرتك انا قلت محدش عنده فكره عن اجابة الاسئله ,حددت انما مقولتش محدش عنده فكره وسكت يعنى مفيش اى شبهه فى اى خطأ فى اعضاء المنتدى لامن قريب ولا من بعيد "يا ايها الذين امنوا لاتقربوا الصلاه" مش كده ولا إيه؟
رابعا احب اصحح لحضرتك معلومه قد تكون مخطىء فيها وهى ان مفيش كورس exchange 2007 كامل فى المنتدى لانى سمعت كورس مستر احمد سرحان الموجود وهو بالفعل مش كامل وانا مش بسأل عن الconfiguration انا بس بسأل ازاى اعمل له publish واخلى الناس تقدر تبعت لى ايميلات من خارج الشركه ودى مش موجوده فى الكورس اعتقد
ربما تكون محق فى موضوع العاميه ده وان شاء الله لن استخدمها مره اخرى

اقتباس:

---

المشاركة الأصلية كتبت بواسطة Ramy.cs85

شكرا جدا على ردك اخى العزيز تعبتك معايا فى الرد على الموضوع ,واحترم كل كلامك
انا بس كان عتابى ان انا سألت 6 اسئله ومحدش رد حتى على سؤال واحد
ثانيا انا مجاش فى دماغى موضوع موجود مسبقا دى وممكن اكون مقصر انى مدورتش بس برضه من غير المنطقى انى ادور على حاجه فى كل مواضيع المنتدى عشان اوصل لحاجه معينه لان كل واحد بيسمى الموضوع باسم فى اغلب الاحيان لا يكون معبر عن محتواه فبكده اكون بدور على ابره فى كوم قش
ثالثا حضرتك انا قلت محدش عنده فكره عن اجابة الاسئله ,حددت انما مقولتش محدش عنده فكره وسكت يعنى مفيش اى شبهه فى اى خطأ فى اعضاء المنتدى لامن قريب ولا من بعيد "يا ايها الذين امنوا لاتقربوا الصلاه" مش كده ولا إيه؟
رابعا احب اصحح لحضرتك معلومه قد تكون مخطىء فيها وهى ان مفيش كورس exchange 2007 كامل فى المنتدى لانى سمعت كورس مستر احمد سرحان الموجود وهو بالفعل مش كامل وانا مش بسأل عن الconfiguration انا بس بسأل ازاى اعمل له publish واخلى الناس تقدر تبعت لى ايميلات من خارج الشركه ودى مش موجوده فى الكورس اعتقد
ربما تكون محق فى موضوع العاميه ده وان شاء الله لن استخدمها مره اخرى

---

من غير المنطقى انى ادور على حاجه فى كل مواضيع المنتدى عشان اوصل لحاجه معينه
طيب لماذا سمى البحث العلمى بهذا الاسم ......... اعتقد لانه بحث ...نعم نسأل من هم افضل واعلم منا بالمسائل التى لا نستطيع اداركها ....ولكن ايضا نبحث عن اجوبه من مصادر مختلفه .....ونتناقش فيما توصلنا اليه بالبحث وما طرحه من هو مختص من اجابه فالمتخصص لم يصل الى الاجوبه بوحى الهى وانما ببحث وتعلم وتجربه ما تعلمه من البحث ليكون الناتج اليقين من المعلومه
همسه فى اذنك اخى الحبيب .....ما يأتى سهلا ميسورا ...... يذهب سهلا هباءا منثورا ...... اتعب فالحصول على المعلومه ستجدها محفوره فى عقلك ..... طبق ما تعلمته وقراته ستجده ايسر مما كان عليه عندما قراته او سمعته .... اشرحه لغيرك ستجد انه اثبت وايسر واحفظ لك من اى وسيله اخرى قمت بها فالماضى ....منظومه متكامله
,حددت انما مقولتش محدش عنده فكره وسكت يعنى مفيش اى شبهه فى اى خطأ فى اعضاء المنتدى لامن قريب ولا من بعيد "يا ايها الذين امنوا لاتقربوا الصلاه" مش كده ولا إيه؟
اذكر انى ارفقت الجمله التى التبس عليك فهم مقصدها بنقطه سابقتها فلم اقم بوضعها منفرده فى نقطه واحده وانما اوضحت لك ان اللغه العاميه يصعب على القارى استنباط المقصد من العباره راجع النقطه رقم 3 من العتاب ستجد انى اوضحتها بمثال من ردك التالى فالموضوع ......يعنى ذلك انى اتفهم ان ردك لم يرد به سخريه من الاعضاء او مهاجمتهم وانما اللغه نفسها وصياغتك لها توحى بالسخريه وكأن الناس فى حاله خمول وعجز من الرد على سؤال واحد من اسئلتك القيمه .
بسأل ازاى اعمل له publish ؟؟؟؟؟
أوليس هذا سؤال عن الكيفيه .........والكيفيه تعنى كيف اعمل كذا ......
النتيجه = How To Configure Publishing Exchange Server 2007 on ISA server 2006 ؟؟؟؟
ام لها معنى اخر ......!!
ودى مش موجوده فى الكورس اعتقد
اذا لم يرد ذكرها بالكورس الخاص بالمهندس احمد سرحان ...... ستجد انه اوضح الاسلوب المتبع لعمل Certificate وهذا جزء
وان اكملت البحث فى كورس ISA ستجد هناك شرح Publishing وارتباطه ب Certificates وهذا جزء اخر
فالموضوع هنا غير مرتبط بجزء واحد وانما سؤالك العملى يرتبط بخلفيه علميه تحتوى على الاثنين لذلك كانت الحكمه من تعدد المناهج والكتب الدراسيه فى كورس MCSE
اتمنى ان تراجع قليلا وتتعب نفسك بالبحث قبل السؤال فهو افضل لك ....... نصيحه ارجو ان تتقبلها من اخيك وما اقولها الا للمصلحه ولا اريد بها شيء سوى ما هو فى صالحك ...ان لم تجتهد فى هذا المجال بالبحث والتجربه لن يكون لك شأن كبير فى هذا العالم التقنى الواسع ......... وهذا ما اذكر به نفسي واياكم
اعلم اخى القاريء ان كل كلمه اقولها لا ابتغى بها سوى وجه الله ثم منفعه الناس ولا اطلب منكم سوى الدعاء لى ولوالدى بالمغفره والرحمه ...... فان كان كلامى صواب فنعمه من الله وفضل كبير احمده عليه حمدا كثيرا ..... وان كان خطا فمن نفسي واسال الله ان ينير لنا بصائرنا وان يبصرنا عيوبنا .... اللهم امين
اخيرا
اشكرك اخى الحبيب على تفهمك وحسن ظنك بكلامى .....جزاك الله كل خير

لا كلام يقال بعد كلامك ,,,,انا ازعم انى تعلمت من ردك الكثير شكرا لك

بصراحة احد الاسباب اللى بتخلينى ادخل المنتدى من زمان
ردود الاخ internetworld ربنا يزيدك علما ويباركلك فيك