بعد ما ركبت مشتت Volar الحراره تزيد عندي تدريجيا الى ماشاء الله
السلام عليكم رحمة الله وبركاته
اخواني انا عندي معالج dual core سرعته 3400 MHz
وكان شغال 100%
ولكن بعد اللعب عليه لفترات طويله طبيعي كان يسخن
بس تعود على الحراره وكانت حرارته الطبيعيه 55
ومع الضغط توصل 65 وكان فيه تهنيق
ولما غيرت المشتت الاصلي واشتريت مشتت gyga-byte اسمه Volar صارت الحراره ترتفع تدريجيا ابداء من 50 الى ماشاء الله
يعني المشتت ما يبرد
مدري ايش الحل معه ؟؟؟؟
وهذي هي صورة المشتت
وما ادري ايش الحل معاه ؟؟؟
مع العلم ان الحراره وصلت معي الى 88
https://computershopper.com/shoptalk...CPU-Cooler.jpg
اتمنى القى الحل عند الاخوان
رد: بعد ما ركبت مشتت Volar الحراره تزيد عندي تدريجيا الى ماشاء الله
السلام عليكم ..
والله لما المعالج ترتفع حرارته هناك اسباب كثيره لازم نتأكد منها ..
1- نزل برنـــامج coretemp ( هنا ) وارفق الصوره اذا امكن
2 - درجة حرارة الغرفه
3 - نوع الكيس + اماكن وعدد المراوح
ناطر جوابك ... موفق خيــر
سلام
رد: بعد ما ركبت مشتت Volar الحراره تزيد عندي تدريجيا الى ماشاء الله
ياهلا بك اخوي بس الكمبيوتر ما يمديه يشتغل الا الحراره واصله 80 ويجيني تحذير لازم اطفيه
درجة حرارة الغرفه 25 مع المكيف
الكيس عادي مو احترافي
المراوح كان فيه مراوح وشلتهم كلهم ومافيه اي فايده
مابقى غير المروحه هذي بس
المشكله الحراره تزيد ما تنقص والا تثبت
طيب اذا كان تعطل المعالج تزيد حرارته كذا ؟؟؟
رد: بعد ما ركبت مشتت Volar الحراره تزيد عندي تدريجيا الى ماشاء الله
يا هلا اخوي ..
اذا الجهاز يشتغل ... المعالج سليم انشالله.
منو اللي قالك تشيل المراوح اللي بالجهاز ؟ اول شي تسويه تردهم ( وحده من الامام لادخال الهواء .. ووحده من الخلف لاخراج الهواء )
لو تحط اقوى مشتت بالعالم وبدون مراوح اكيد ترتفع درجة حرارة المعالج وما تنزل وما تثبت؟ لانه المشتت ياخذ يطلع هوى حار ويرد يدخل هوى حار ... والدنيـــا كلها حاره !!!!!!!!!!!!!!!!!!!!!!!
نزل البرنامج Core Temp وعطني النتيجه بعد تركيب المراوح ؟
سلام
رد: بعد ما ركبت مشتت Volar الحراره تزيد عندي تدريجيا الى ماشاء الله
هذى الطريـــقه اللي تكون فيها مراوح الكيس :
https://lib.store.yahoo.net/lib/svco...de-airflow.jpg
راح تلاحظ دخول الهوى البــارد من خارج الكيـــس اللي درجة حرارة غرفتك 25 ... ويطلع الهوى الحار من المروحه الخلفيه .. جذي تقدر تحكم على المشتت اذا كان ممتاز او يحتاج تعديــل ...
رد: بعد ما ركبت مشتت Volar الحراره تزيد عندي تدريجيا الى ماشاء الله
أخي العزيز من الواضح جدا أن المشتت غير ملتصق بسطح المعالج جيداً إذا ما كان عندك خبره جيده ممكن
تعطيه لمتمرس أكثر ويفضل أن يوضع معجون إحترافي مع هذا المشتت وتوزيعه جيداً على سطح المعالج
وخصوصاً أن معالجات الدول كور معروفه بحرارتها العاليه
رد: بعد ما ركبت مشتت Volar الحراره تزيد عندي تدريجيا الى ماشاء الله
اقتباس:
المشاركة الأصلية كتبت بواسطة megatrad
أخي العزيز من الواضح جدا أن المشتت غير ملتصق بسطح المعالج جيداً إذا ما كان عندك خبره جيده ممكن
تعطيه لمتمرس أكثر ويفضل أن يوضع معجون إحترافي مع هذا المشتت وتوزيعه جيداً على سطح المعالج
وخصوصاً أن معالجات الدول كور معروفه بحرارتها العاليه
عمي الكيس ما فيه مراوح نهائيـــا على كلام صاحب الموضوع rule:
رد: بعد ما ركبت مشتت Volar الحراره تزيد عندي تدريجيا الى ماشاء الله
انتبه الى كلام الاخ total سالم
وهناك ملاخظة هل انت متاكد من تركيب جميع ارجل المعالج في اللوحة الام
رد: بعد ما ركبت مشتت Volar الحراره تزيد عندي تدريجيا الى ماشاء الله
تأكد من وضع معجون على المعالج...
رد: بعد ما ركبت مشتت Volar الحراره تزيد عندي تدريجيا الى ماشاء الله
كيف المشتت يسحب هواء اذا ما في بلكيس مراوح
انت كاسر السرعه لـ 3400 ؟؟؟؟؟؟؟؟؟؟؟
رد: بعد ما ركبت مشتت Volar الحراره تزيد عندي تدريجيا الى ماشاء الله
أخواني شكل معالجه Pentium D ...
إرتفاع الحرارة لمثل هذا الحد ماله غير تفسير واحد... المشتت غير متصل بسطح المعالج بشكل جيد...
إما أنه لم يركب المشتت بصورة جيدة على المعالج...
أو أنه ما حط معجون حراري أو حط بشكل خاطيء...
أو كل ما سبق معاً :)
نصيحتي: أعد تركيب المشتت عن شخص متمرس وريح راسك...
بالتوفيق
رد: بعد ما ركبت مشتت Volar الحراره تزيد عندي تدريجيا الى ماشاء الله
اقتباس:
أخواني شكل معالجه Pentium D
شكله اكيد وحرارته السابقه 55 فهي طبيعيه
اما ان الحرارة ترتفع على طول فهي من المعجون ثم المعجون
فك المشتت و ازل المعجون السابق و احضر معجون ذو نوعيه ممتازه وضعه على سطح المعالج بوضعيه متساويه ثم ركب المشتت وتاكد من تركيبه بشكل سليم .............. بعدها ستلاحظ انخفاض الحرارة بشكل واضح
ستجدها 45 او اقل
رد: بعد ما ركبت مشتت Volar الحراره تزيد عندي تدريجيا الى ماشاء الله
سلام ...
انا كنت بتأكد الاول من وضعية تهوية الكيس .. اذا ما مشى الحال .. يروح يتجه حق مروحة المعالج :)
خلاص لا تركب مراوح ... بدل المعجون بس ...
بالتوفيق
سلام
رد: بعد ما ركبت مشتت Volar الحراره تزيد عندي تدريجيا الى ماشاء الله
مشكورين عالردود ياشباب
بس الكيس مفتوح من الجهتين يعني مهوي عالاخر
بعدين انا ازلت المعجون القديم وحطيت واحد جديد
وركبته وكانت الحراره 70 وتزيد
ورجعت فكيتها وازلت جزء من المعجون
وحطيت كميه بسيطه من المعجون
ونزلت الحراره الى 50 بس نفس الشي الحراره تزيد
واليوم شكلها احترقت لأنها ما تشتغل ابد
رد: بعد ما ركبت مشتت Volar الحراره تزيد عندي تدريجيا الى ماشاء الله
لازم شخص عنده خبره يقوم بتركيب المشتت حتى يكون سطح المشتت ملاصق تماما لسطح المعالج.