طلب ضرورى من المهندس المبدع مصطفى طنطاوى

السلام عليكم و رحمة الله و بركاته

احب ان اشكر المهندس مصطفى طنطاوى على شرحه كورس اللينكس
بس يا بشمهندس انا عندى استفسار مهم جدا للكورس
المعروف ان عصب كل كورس فى مقدمته
و لكن فى شرح حضرتك للكورس لقينا ان اول فيديو الصوت و الصوره مش واضحين و لقينا ان حضرتك قلت فى اول فيديو انك اتكلمت قبل كده عن الكورس فى محاضره سابقه و المحاضره اللى حضرتك بتتكلم عنها مش موجوده

فارجو من حضرتك لو سمحت تعيد تسجيل محاضره المقدمه و تنسقها و تكون بدايه للينكس و توضح كل حاجه عن اللينكس
و تعيد حضرتك شرح اول فيديو اللى كان متصور فى غرفه التدريب
دا طلب نفسى حضرتك تحققه و انا مش هضغط عليك
ممكن حضرتك فى اى وقت تسجله حتى لو بعد كام شهر
و الموضوع كله عباره عن ساعتين لا اكتر و لا اقل
و لكن الساعتين دول هيفرقوا معايا جدا فى فهم اللينكس بشكل عام

و انا بجد بشكر حضرتك جدا على الشرح الممتاز و ربنا يزيدك علم
و جزاكم الله خيرا

اخى ان شاء الله المهندس مصطفى بلغنا انه يعمل كدا فعلا بس حاليا نلتمسله العذر لانشغاله الشديد كان الله فى عونه

بالنسبه لاول محاضره فأنا بأكدلك انها مش هتأثر ابداا على اكمالك وفهمك لباقى الكورس لان كورس الاسينشيال دا موضوعات مختلفه مش مبنيه على بعض بالمره دى حاجه

الحاجه التانيه اول محاضره كان فيها كلام عام يعنى ايه ليونكس ويعنى ايه توزيعات ويعنى ايه البرامج مفتوحة المصدر وشوية معلومات كمان
الكلام دا كله هتلاقيه فى موضوع رائع للمهندس مصطفى برده اسمه سلسه اللونكس من البدايه للا حتراف موجود فيه دروس قيمه ورائع جدا هتساعدك على البدايه ودا الرابط

https://www.arabhardware.net/forum/s...ad.php?t=36631

وعاوز اقولك ابدأ ومتوقفش حياتك ودراستك لليونكس على موضوع او حلقة فيديو واحده

بالتوفيق

الف الف شكر اخى العزيز على الرد

و انا بشكر الاستاذ مصطفى على مجهوداته
بس انا من طبيعتى اما بدرس حاجه لازم ادرسها صح من الاول و اهم حاجه المقدمه
باذن الله هبدا قريبا فى دراسة الكورس من الشرح الرائع
و جزاكم الله كل خير

ان شاء الله لا تقلق سيتم تصوير اول محاضرتين قريبا واى طلب انا تحت امركم :)

ربنا يكرم حضرتك يا بشمهندس مصطفى

انا ليا طلب صغير
باذن الله اما حضرتك تصور الفيديوهات ياريت تحكلنا فيها عن اللينكس بشكل عام و اهميته و تزيعاته

و جزاكم الله خيرا

انا ليا طلب صغير
يا ريت حضرتك تشرح فى المحاضرات اللى هتصورها كيفيه تنزيل اللينكس من البدايه

ربنا يزيدك علم و جزاكم الله خيرا

وأنا بضم صوتى إلى صوتك وياريت يكون الموضوع دا بعد الإنتهاء من أول كورس RH033

باذن الله

وياريت الكورس كله يتجمع فى اسطوانه dvd و يكون عليها شعار جامعة عرب هاردوير
و تكون اسطوانه اوتو بلاى
و جزاكم الله خيرا