مشكلة جامدة عندى وعايز ليها حل

انا لسة مجمع جهاز من 4 شهور مواصفاتة :


Phenom II X4 945 3.0GHz, 8MB Total Cache, 4000MT/s Bus
Gigabyte GA-MA770T-UD3P P
HIS HD 5750 iCooler IV 1GB GDDR5
Kingston 2GB DDR3 bus 1333MHz CL9
Western Digital Blue 500GB AAKS 16M Cache SATAII
GAMMA 350W
ودلوقتى عندى مشكلة جامدة اوى اول مببتدى العب العاب زى افاتار او نيد فور سيبيد او اى لعبة بلاقى صوت مروحة الفانة الخاصة بالبروسيسسور ببقى عالى بشكل غير طبيعى وبتسخن كل حاجة فى الجهاز كارت الشاشة والبوردة والهارد والباور صبلاى فكنت عايز اعرف العيب من مروحة الفانة ولا فى حاجة غلط عندى فى الاعدادات ولا اية المشكلة وكنت عايز حل ارجوكم من خبراك المنتدى انا عارف انى طولت بس معلش انا مش برتاح غير من ارائكم المتميزة معلش نسيت اقول اول مبقفل الالعاب صوت الفانة بيكون عادى

فى انتظار اراء الخبراء لان ديه نفس المواصفات الى انا كنت ناوى اجبهاااااا

اخى العزيز ظبط التبريد فى الكيسه خصوصا الكيسه الجاما تبريدها عقيم

حاول تعمل تعديل فى الكيسه ممكن تركب مروحه فى السقف لطرد الهواء ومروحه من الامام للشفط
ممكن تركب مروحه تحت الدى فى دى مكان الفتاحات الاضافيه بتعت الديفيدى وهاتبقى للشفط
حاول تعمل اى منظر للتبريد وانت وشطارتك والامور هاتبقى تمام

يعنى المشكلة مش مشكلة مروحة فانا ولا اية ومع العلم كارت الشاشة لية مروحة تبيد خاصة بية وفى مروحة اضافية فى الكيسة كنت عايز اعرف بس المشكلة فين والف شكر للاخ سيد على الافادة

زى ماقلتلك فى المشاركه السابقه لازم تظبط نظام التبريد فى الكيسه عشان الهواء يبقى متجدد بصوره اسرع داخل الكيسه
يعنى ببساطه لازم هواء متجدد يدخل الكيسه ليختلط باجزاء الهواء الساخن داخل الكيسه ويطر الى الخارج
المروحه بتعت المعالج وبتعت كارت الشاشه بتبدد الحراره من المعالج بس كذالك كارت الشاشه
وتظل الحراره المبدده مخزونه داخل الكيسه فتتسبب بارتفاع كل مكونات الكيسه من الداخل

لو عندك برنامج everest >>> tools >> system stability test واضغط علي البروسيسور لمدة 10 دقائق وارفع لنا صورة من درجة الحرارة اثناء الضغط وعدد لفات المروحة اثناء الضغط