أنا عاوز أشترى هارد 1 تيرا ارجوا النصيحة فى بعض الأمور البسيطة
مش عارف أجيب weastern digital
ولا segate
ممكن لو حد مجرب يقولى على تجربته
فى ناس بتقولى ال سيجات فيه نفس مميزات الويستيرن البلاك وبسعر ويسترن الجرين وضمان أكتر
بس أنا متعاملتش مع السيجيت أبل كده وخايف منه اصل كان فى كلام كتير على انه بيبوظ بسرعة
ارجوا من ليه تجربة ان يشاركنا رايه
آسف على الاطالة بس انتوا عارفين ان الهارد الحاجة الوحيدة الى لو باظت لا يمكن استعادت الملفات حتى لو فى الضمان على عكس اى قطعة اخرى تروح تغيرها وتجيب غيرها
سلام
رد: أنا عاوز أشترى هارد 1 تيرا ارجوا النصيحة فى بعض الأمور البسيطة
- أبعد عن السيجيت وغنيله!!!
- السيجيت مشاكله كتير جدا جدا ، والكلام دة بره كمان ، فما بالك هنا بقى ، دور فى موقع Newegg عليه وشوف كمية المشاكل الرهيبة بتاعته ، فى ناس الهارد قعد معاها شهرين وباظ !!! وناس تانية بيقولك يادوب سطب الويندوز وباظ !!! أنا قعدت أقرأ كتير ، يمكن يكون ناس قاصدة تبوظ سمعة الهارد ، ولكن لقيت شبة أجماع على أن الهارد بيبوظ ومش مضمون.
- خليك فى الويسترن أضمن.
رد: أنا عاوز أشترى هارد 1 تيرا ارجوا النصيحة فى بعض الأمور البسيطة
شكراً ليك يا coolman و منتظر باقى اراء الاعضاء
فلو فى حد استخدم السيجيت فياريت يقولنا عامل معاه ايه
رد: أنا عاوز أشترى هارد 1 تيرا ارجوا النصيحة فى بعض الأمور البسيطة
ربما يكون السامسونج حل متوازن بالنسبة لك.
أنا عميل ل Seagate منذ الأزل ولازلت أثق فيه .. و حالياً اعمل على هارد Seagate 500 GB و لم اشتر في حياتي هارد ويسترن و أخشى تجربته و لا أثق فيه لأنني عاصرت مشاكل كثيرة مع ملاكه.
السامسونج تجربتي معه مميزة و عندي 3 هاردات من سامسونج مختلفة المساحة و هو متميز جداً و بارد و موثوق في اعتماديته
رد: أنا عاوز أشترى هارد 1 تيرا ارجوا النصيحة فى بعض الأمور البسيطة
اقتباس:
أبعد عن السيجيت وغنيله!!!
اقتباس:
السيجيت مشاكله كتير جدا جدا
مين قال كدة ؟؟؟!!
ولو فرضا ان حصلت معاك مشكلة فى هارد سيجيت بيبقا كل الهاردات السيجيت وحشة ؟؟!!
طب ماهو الويستيرن بتظهر فية مشاكل بردو ....؟؟!!
والهيتاشى بتظهر فية مشاكل بردو ؟؟
والسامسونج بتظهر فية مشاكل بردو ؟؟
ليس من المنطقى يا عزيزى ان احكم على منتج بأنة سيء لمجرد ان يحدث شيء عارض !!
ولا تنسى يا عزيزى ان جميع الهاردات بتتساوى اذا حضل وان هارد وقع او اتخبط او اشتغل على بور سبلاى مش مستقر !!
عدا هذا جميع الهاردات تعمل جيدا .
وفر فقط الآتى :
* بور سبلاى جيد ومستقر
*لا تفصل الهارد وهو يعمل او توصلة والجهاز يعمل .
*لا تقم بالتنقل بالهارد دون وعى منك فى الحفاظ علية من الخبطات .
*قسم الهارد ببرنامج متخصص .
وفر هذة الآشياء وسوف تجد اى هارد يعمل جيدا ....
ليس من المنطقى ان اهجم على ماركة سواء كانت سيجيت او ماكيستور او هيتاشى او ويستيرن لمجرد تجربة سيئة :)
اقتباس:
فلو فى حد استخدم السيجيت فياريت يقولنا عامل معاه ايه
انا استخدمت السيجيت وعملت علية وعشان اكون دقيق ...هوة فية كذا فيرجن فى الآسواق
اللى انا اشتغلت علية كان الموديل بتاعة دة ...Model ST31000528AS SATA 3Gb/s 1 TB
وكان 1 تيرا ...وكان سريع جدا فعلا ولم تواجهنى اية مشاكل فى تقسيمة
وعملت كوبى لفولدر 445 جيجا دفعة واحدة مملوء بالآلعاب وتم تنزيلها بسرعة
وكان يعمل كوبى بسرعة 69 S/M وكان بياخد الداتا من هارد ويستيرن جرين 1 تيرا بردو ...
يعنى الهارد بأحتصار شديد وبحيادية تامة لم تظهر بة اى مشكلة تماما وحتى صوتة كان هادىء ...:)
وياريت لو حد اشتغل على الهاردات الجديدة دى يقولنا عاملة معاة اية :)
رد: أنا عاوز أشترى هارد 1 تيرا ارجوا النصيحة فى بعض الأمور البسيطة
- مشكلة السيجيت الحالى فى الموت المفاجئ للهارد الواحد تيرا بالتحديد يا أستاذ ناظور.
- ممكن تشوفوا كمية المشاكل اللى عاملها هنا.
أضغط هنا
اقتباس:
المشاركة الأصلية كتبت بواسطة S@M
مين قال كدة ؟؟؟!
ولو فرضا ان حصلت معاك مشكلة فى هارد سيجيت بيبقا كل الهاردات السيجيت وحشة ؟؟!!
- راجع يا صام اللينك بتاع نيو أيج
- وبالمناسبة الويسترن بينقل من جرين لجرين بمعدل نقل على الأقل 88 ميجا. :D
رد: أنا عاوز أشترى هارد 1 تيرا ارجوا النصيحة فى بعض الأمور البسيطة
اقتباس:
راجع يا صام اللينك بتاع نيو أيج
برة عشان متقدمين شوية عننا يا عزيزى ....بيسمحو للناس اللى حصل معاها مشاكل انها تقول مشكلتها
انا شوفت اللينك بس فى حاجة انت ناسيها ....
شوف كام واحد قايلين ان حصلت معاهم مشكلة ....؟؟
وشوف موقع زى NEW EGG باع كام الف هارد .....
وبعدين اى هارد معرض للموت المفاجىء بسبب التيار الغير مستقر ....
ومش هقولك الموضوع دة (( الموت المفاجىء )) حاصل قد اية هنا فى مصر بسبب البورات السيئة مع ماركة ويستيرن ديجيتال ...
يعنى اى هارد معرض للموضوع دة
ولو كل الناس اللى اشترت هاردات هنا فى مصر كتبت اللى بيحصل معاها فى الهاردات بتاعتها
مش هيكفيها موقع جوجيل بحالة عشان يكفو كتاباتهم :)
رد: أنا عاوز أشترى هارد 1 تيرا ارجوا النصيحة فى بعض الأمور البسيطة
- المقصود هنا ، ان الموديل دة بالذات مش مستقر ، وبصراحة طالما هدفع فلوسى فى حاجة ، يبقى لازم أضمن أن نسبة العطل فيها مش كبيرة ، صح ولا لأ ؟؟؟
- الويسترن موديل WD10EADS معدل العطل بتاعه أقل بكتر من السيجيت.
https://www.newegg.com/Product/Produ...82E16822136317
رد: أنا عاوز أشترى هارد 1 تيرا ارجوا النصيحة فى بعض الأمور البسيطة
اقتباس:
المشاركة الأصلية كتبت بواسطة Coolman4now
على فكرة الهارد بتاعى ويستيرن ...ومش بقول ان ويستيرن وحش ...بالعكس انا عمل علية منذ زمن
وبردو لا ازم تبقا عارف يا عزيزى ان كل ماركة بتبقا ليها نسبة توالف...:)
بس بصراحة لما جربت السيجيت الجديد عجبنى جدا ....
وعشان تقيس نسبة العطل اذا كانت كبيرة ولا لاء يا عزيزى ...
يبقا العدل بيقول انك لاازم تعرف الآتى
موقع NEWEGG باع كام الف هارد خلاال فترة معينة ولتكن شهر مثلا ...
وبعد كدة تشوف مدى المرتجعات اللى حصلت من هذة الكمية من خلاال السيريال نمبر ...فى خلاال شهرين على الآقل ...من تاريخ الكمية ما خلصت ..
وبعد كدة يتم فرز الكمية اللى رجعت فى هذة الفترة ومحاولة معرفة كم هارد تالف بسبب سوء التصنيع وليس بسبب مستخدم ...
ساعتها بس تقدر تحكم ان كان هذا الموديل او هذة الماركة سيئة ام لا من خلاال اعداد المرتجعات التالفة
بسبب عيب التصنيع ومطابقتها ومعرفة نسبتها بالنسبة لحجم البيع الكلى ...
والمفروض ان النسبة لا تتعدى 3 % ....
انما عشان اشوف ناس كتبت المشاكل اللى حصلت معاها وبعدين اقيم المنتج على هذا الآساس دون تجربة .
الموضوع على فكرة مش دفاع عن سيجيت او زم فى ويستيرن ...مثل ما قولت لك يا عزيزى
فى اول المشاركة انا امتلك ويستيرن ...وواثق فية ...:)
رد: أنا عاوز أشترى هارد 1 تيرا ارجوا النصيحة فى بعض الأمور البسيطة
شوف يا عزيزي انا كان عندي seagate Barracuda 7200.11 500gb وخلال عدة اشهر حوالي 4 او 5 اشهر اصيب بسكتة قلبية مفاجاة انتقل على اثرها الى الرفيق الاعلى
الغريب ان سبب خرابه كان اثناء قيامي بتسطيب لعبة وخلال التسطيب هنقت اللعبة مما اضطرني بعد نفاد صبري بسبب طول مدة التهنيق الى اعادة تشغيل الجهاز وبعدها اكتشفت ان الجهاز لا يستطيع الاقلاع بسبب انه لا يوجد هارديسك :confused:
وبعد شراء هارد WD وتنصيب ويندوز جديد عليه اردت ان اجرب هارد السيجيت الخربان ولكني اكتشفت ان الويندوز لا يتعرف عليه ولا يقرأه ابداا وكأنه ليس له وجود ، وضاعت كل الـ 500 قيقا من البيانات :(
رد: أنا عاوز أشترى هارد 1 تيرا ارجوا النصيحة فى بعض الأمور البسيطة
اقتباس:
المشاركة الأصلية كتبت بواسطة S@M
وبردو لا ازم تبقا عارف يا عزيزى ان كل ماركة بتبقا ليها نسبة توالف...:)
- بناء على موقع نيو أيج والمراجعات ( المحدودة على حد تعبيرك ) للهاردات دى.
الهارد الويسترن
- أتعمله 1385 مراجعة ، يعنى نفس العدد ( على الأقل ) أشتروه.
- بأفتراض أقل من 4Eggs يبقى الهارد مش كويس ، أذن هناك نسبة 16% من الهاردات التالفة نسبة إلى المراجعات اللى أصحابها عملوها.
- النسبة دى حوالى 220 هارد تقريبا.
الهارد السيجيت
- أتعمله 580 مراجعة ، يعنى نفس العدد ( على الأقل ) أشتروه.
- بفرض نفس الأفتراض ، يبقى هناك نسبة 32% من الهاردات التالفة نسبة إلى المراجعات إلى أصحابها عملوها.
- النسبة دى حوالى 185 هارد !! من أجمالى ال 580 واحد!!
الأستنتاج ( هسيب القارئ يحللها بنفسه)
- طبعا النسبة الأخيرة للسيجيت مخيفة بالنسبة لأول نسبة من الويسترن!
- لو برضة راجعت شوية هتلاقى أن نسبة 9% من الناس مش راضيين عن الويسترن نهائيا.
- أما السيجيت فحوالى 21% مش راضيين عنه نهائيا !!!
- طبعا الحكم مش ليا ، الحكم للى عايز يشترى.
اقتباس:
بس بصراحة لما جربت السيجيت الجديد عجبنى جدا ....
- الحمدلله ، حتى الأن هو شغال، بقاله قد أيه هاردك ؟؟؟؟؟ :D
رد: أنا عاوز أشترى هارد 1 تيرا ارجوا النصيحة فى بعض الأمور البسيطة
با عم صام :)
الهاردات فى مصر وانا كلى خجل بقولك شغلها كله كفتة :(
لأخر وقت مكنش فى حد يعرف ايه هارد اخضر وازرق واسود! هو المساحة وكان الله بالسر عليم!
مع الوقت زادت المعرفة وانتشرت , بقى كله بيبيع وبيشح وبيحوش ع
شان يزود الأسعار و و و و و
معاملة البائع للهارد يا كبير , عادة مش صح :( , من تغليف لتخزين ل ل ل ل ل ل ل , كل ده بيأثر
التاجر هو اللى بيبيع الباور ابو 45 جنيه للهارد ال1 تيرا النضيف مهما كان وهوب يحرقه! البائع هو اللى بيخزن! البائع هو اللى ممكن يقاطع الباور ابو 45 ويعود الناس انه مفيش الا ابو 150 وطالع " النضيف , عادة"
كلمة بتخنقنى اوى , يعنى ايه عيب يوزر؟ هو اه فى مستخدم جاهل بس هل تُعمم؟ اكيد لأ وان كانت تحولت لموضة فى فم كل بائع وحصل مع كوول مان "البائع قال له عيب يوزر!!!!!!!!!!!!"
حوار الموديلات اكيد بيحصل و و و و و و
بس تقنيا , كلام كوول مان صح بنسبة كبيرة
اقتباس:
الأستنتاج ( هسيب القارئ يحللها بنفسه)
اقتباس:
وبعد كدة تشوف مدى المرتجعات اللى حصلت من هذة الكمية من خلاال السيريال نمبر ...فى خلاال شهرين على الآقل ...من تاريخ الكمية ما خلصت ..
وبعد كدة يتم فرز الكمية اللى رجعت فى هذة الفترة ومحاولة معرفة كم هارد تالف بسبب سوء التصنيع وليس بسبب مستخدم ...
المرتجعات هنا حاجات عشان حاجة احسن او يعمل Return للحجاة مش لازم حاجة مرتجعة = بايظ
هنا لو اخدت حاجة مغشوشة ورجعت للبائع , عايز ارجع دى :) , ***********************************************
صح ولا ايه؟
عامة كلامكم صح بس انا اميل لكلام كوول مان + التحابيش السالف ذكرها
رد: أنا عاوز أشترى هارد 1 تيرا ارجوا النصيحة فى بعض الأمور البسيطة
متشكر على الحماس الرهيب والاهتمام بموضوعى
وشكرا لكل لمن شارك و أفدنا
وشكر خاص ل coolman وشكر خاص ل sam
رد: أنا عاوز أشترى هارد 1 تيرا ارجوا النصيحة فى بعض الأمور البسيطة
اقتباس:
الحمدلله ، حتى الأن هو شغال، بقاله قد أيه هاردك ؟؟؟؟؟ :D
مانا قولتلك يا عزيزى انا هاردة ويستيرن جرين :D
بس دة كان هارد صديق لى وكنت بنقل علية :)DATA
والهارد شغال عندة من حوالى شهر كدة
اقتباس:
لو برضة راجعت شوية هتلاقى أن نسبة 9% من الناس مش راضيين عن الويسترن نهائيا.
اراجع فين بالظبت ؟؟!!...
وهل انت حصرت مشاكل كل الناس اللى اشترت ويستيرن وسيجيت وعرفت انهم بهذة النسب ؟؟!!
اعتقد ان هذة النسب غير دقيقة يا عزيزى لآن نسب مرتجعات الويستيرن فى مصر ايام الهاردات ال80 كانت تفوق كل التصورات ....
لآنى كنت اعمل بهذا المجال وقتها ....ولا تتخيل كم الهاردات اللى كانت بتيجى قاطعة بور !!:confused:
ولا تزال ويستيرن تعانى من هذة المشكلة ايضا ...ولكن بردو الناس بتشترية ...:D
لان ماكنش فى غيرة فى الآسواق مع الآسف انما اليوم ...فى ثلااثة ماركات فى الآسواق ...عشان كدة كل واحد ممكن يشترى اللى يريحة :)
اقتباس:
الهاردات فى مصر وانا كلى خجل بقولك شغلها كله كفتة :(
لية يا عم هالكى ...كفتة لية .؟؟
الويستيرن هندك موفر كل الموديلاات ....والسامسونج كمان ..وادى السيجيت راجع تانى بقوة ....وهتبقا فى منافسة جبارة بين التلاات ماركات دول ...ودة فى كل الآحوال فى صالحنا كمستهلكين ...
احن من الاحتكار اللى كانت عاملااة ويستيرن فى السوق وانفرادها بية لسنوات ...وكانت موديلاات ليها العجب اللى بتدخل
وماكنتش تحلم انك فى يوم تلااقى موديلاات زى البلااك اديشن ...هنا فى مصر ...
وكمان ببشرك ان الSSD هارد قرب يدخل مصر ....يعنى الهاردات فى حالاات ترقية فى التصنيف ودة قى حد ذاتة ممتاز :)
اقتباس:
معاملة البائع للهارد يا كبير , عادة مش صح :( , من تغليف لتخزين ل ل ل ل ل ل ل , كل ده بيأثر
مشكلة البياع والتخزين واليوزر وتعامل الناس مع الهاردات اثناء النقل والتوزيع دى انا بتفق معاك فيها تماما يا عزيزى
بس بردو صعب احمل الشركة المنتجة للهاردات ايا كانت ماركتها هذة الآخطاء اللى بتحصل اثناء النقل ...واقول ان دة عيب انتاج فى الهارد زيبقا الشركة دى وحشة وانتاجها فية مشاكل !!
اقتباس:
المرتجعات هنا حاجات عشان حاجة احسن او يعمل Return للحجاة مش لازم حاجة مرتجعة = بايظ
دى كانت الجملة اللى بعدها يا هالكى ..بس انت تقريبا مقريتهاش
اقتباس:
وبعد كدة يتم فرز الكمية اللى رجعت فى هذة الفترة ومحاولة معرفة كم هارد تالف بسبب سوء التصنيع وليس بسبب مستخدم ...
يعنى انا بقصد الهاردات اللى فيها عيوب فعلا :)
رد: أنا عاوز أشترى هارد 1 تيرا ارجوا النصيحة فى بعض الأمور البسيطة
لا حول ولا قوه الا بالله
والله العظيم انا مستغرب من شكل الهاردات اللى بتدخل مصر
:ah50:
المعرووف ان اى حاجه بتيجى فى علبه
ومغلفه بالفــوم من الداخل لتفادى الصدمات
حتى الماوس والكيبورد
و سماعات الهيدفون و ..... الخ
:ah50:
ما عــــــدا الهاردات
بتيجى فى كيس بلاستيك
كأنك داخل محل طرشى
وأشتريت روبع كيلو مشكل
وعجبى ....... !!!!!!! :ah50: