ماذا بعد دراسة ccna وماذا قبل امتحان ccna ?!!!!

انا عارف ان العنوان غريب وغير مفهوم
هو الموضوع عبارة عن عرض مشكلة ومش ليا لوحدى لا مشكلة ناس كتير زيى ومش عارفين ايه سببها ، حقولها ويارب يارب يارب الاقى حل لمشكلتى ومشكلة الكثير

انا الحمد الله خلصت دراسة ccna وبذاكر عشان ادخل الامتحان ، الدراسة كانت تبع سيسكو اكاديمى وقعدت 5 شهور وبعدها ماليش نفس اذاكر نهائى مش عارف ليه كل ما اقرب و اقرا دعاء المذاكرة وشرح الصدر ، الاقى نفسى اقعد 10 دقايق واتخنق مش عارف ليه رغم انى بعشق مجال اسمه شبكات واتمنى من الله انى ابقى حاجة فيه يارب ويكرم اللى زيي ويكرم شباب المسلمين جميعا

انا اخدت الفاوتشر من سيسكو و وهو valid لغاية شهر 8 ، انا فكرت انى أأجًله مؤقتا وابدا فى انى اذاكر كورس mcitp وامتحنه عشان خاطر الامتحانات اللى حتغلى دى ، انا عارف ان امتحانات ميكروسوفت كلها حتغلى فى اخر شهر 6

انا عارف اللى حيقولى صلى واستغفر ربنا واقرا قرآن ، انا الحمد الله رب العالمين بصلى الصلوات فى اوقاتها بالسنن بتاعتها والحمد الله رب العالمين بقرا قرآن وبستغفر ربنا سبحانه وتعالى العلى القدير وبسبحه الحمد الله رب العالمين ويارب يديمها عليا نعمة ( اللهم ما انى اسألك علما نافعا وقلبا خاشعا ولسانا ذاكرا وعمل ينتفع به ) آمين يارب العالمين
والحمد الله رب العالمين الاغانى مش بسمعها خالص ومش حكدب عليكوا ممكن اغنية تهف عليا اسمعها كل اسبوعين تلاتة ودمتم على كدة

بس مش عارف ليه ليه ليه كل ما اذاكر مش بيبقى ليا نفس للمذاكرة ، يمكن عشان بقالى فى المجال ده حوالى بتاع 3 سنين او اكتر (لسة صغير انا عارف) عمال اخد فى كورسات ومش بطبق فى بيئة عمل حقيقية فا مابقاش ليا نفس اذاكر ، مش عارف والله ..... انا اخدت icdl ----> It Essential ------> A+ ------> MCSE + ISA ------> CCNA وللاسف اخر شهادتين ممتحنش فيهم وانا لسة مخلص اخيرة بقالى شهر تقريبا وعلى فكرة انا دخلت ccna بسبب انى مش عارف اذاكر MCSE بسبب طول مدة الكورس وكان 9 شهور زى منحة من سنتر وليس وزارة الاتصالات

هل رأيكم انى اركن ccna دلوقتى وعلى الاقل اخد mcitp server Admin وبعد كدة ابقى اراجع ccna وامتحنها ولا اكمل ccna وامشى بالترتيب عشان دماغى متتشتتش

جماعة ساعدونى الله يخليكوا ولا اغير البيئة اللى انا فيها اللى هو البيت ومكتبى اللى عامل زى علبة البخت (الحمد الله على كل نعمه التى لا تحصى) ودى صعبة عشان مفيش مكان تانى ، مش عارف والله انا خلاص زهقت بجد يارب يارب يارب الاقى عندكم الحل

السلام عليكم ورحمة الله وبركاته

اخى الكريم اولا انت مكبر الموضوع اوى ثانيا لازم ترتب افكارك اكتر من كده ثالثا وده الاهم انت بتقول عايز تاخد خبرة فى الواقع العملى لشهادات سيسكو دى معلومة خاطئة جدا اولا الخبرة بتاعتك هتكون فى

حل المشاكل وبعض الاضافات البسيطة جدا انت حضرتك فى CCNA بتدرس ازاى تبى شبكة من العدم تمام طيب لو حضرتك روحت شركة بالفعل الشبكة فيها قائمة هتبنى ايه مش هتبنى حاجة الخبرة حاول تخدها انت بنفسك

فى برامج المحاكاة زى GNS3 لان الشركة مش هتديلك شوية سويتشات وراوترات وتقولك خد جرب فيهم ده مش هيحصل الا لما تكون شغال فى شركة مبيعات سيسكو والاجهزة التجربية عندكم كتير

حضرتك بتقول انك درست CCNA ac تمام يعنى ملم بالمنهج النظرى بنسبة كبيرة جدا ممكن تنزل فيديوهات CBT nuggets وتتفرج عليها مرة او اتنين كانك مش بتذاكر كانك بتتفرج على فلم وبعدين شغل اى برنامج محاكاة

وادرب عليه تمام نصحتى ليك رتب خطواتك صح ومتركنش حاجة وتقول هرجعلها تانى لان ده هيبقى صعب عليك

شكرا أخى الكريم على الرد ...... ماشاء الله ولا حول ولا قوة الا بالله انت معاك شهادات سيسكو وميكروسوفت وشهادات قوية أكيد وانت بتذاكر اى شهادة من الشهادات مرت عليك الحالة دى فقولى كنت بتخرج من المشكلة ازاى والحل كان بيبقى ايه
بتمنى من الله انى اكون حاصل على الشهادات مثلك ........ مش قادر اقولك انا بحب المجال ده اد ايه مجال الاى تى عموما ..................يارب أسألك التوفيق

ياريت الأخوة يشاركونا تجاربهم وأرائهم ولو بمعلومة صغيرة يمكن تكون هى الحل السحرى لمشكلتى ومشكلة ناس كتير ................. ربنا يوفقنا جميعا ويحقق لنا كل ما نتمناه فى سبيل رضاء الله

هو ليه امتحانات مايكروسوفت هتتلغى فى شهر 6 ؟ :confused:

سعرها حيغلى حتبقى 125 دولار وليس حتتلغى

السلام عليكم ورحمة الله وبركاته

تخيل معى انى قولتلك تعاله نروح مشوار ومشينا فى طريق طويل انت تقولى لسه كتير ونا أقولك لاء خلاص قربنا ونكمل مشى وترجع تانى
تقولى لسه كتير ونا أقولك لاء خلاص أهو وصلنا تلاقينا وصلنا لـ محطة بنزين ! انت تقولى هو دا المكان ونا أقولك لاء احنا هنستريح شوية وبعد كده نكمل ! ونكمل الطريق الطويل
ونت تعبت من المشى وتقولى لسه كتير ونا بردو أقولك لاء خلاص قربنا وشوية وتلاقينا وقفنا عند محطة بنزين تانية شوية ونكمل مشى لغاية منت تقولى أنا خلاص يعم زهقت وعايز أروح !!

تخيل معايا نفس السيناريو بس فى المرة دى انت سألتنى احنا هنروح فين فـ أنا جاوبتك قولتلك احنا رايحين نشترى ملابس بس هنضطر نسافر فى طريق مدته ساعتين فـ متزهقش
سعتها انت هتقولى "أه موافق أجى معاك" أو هتقولى "لاء يعم الطريق أوى ونا مش بحب السفر الطويل "

نرجع للعالم الواقعى , حضرتك لو كان أودامك هدف وعارف انت عايز ايه كويس من مجال الشبكات وعارف انت عايز توصل لفين سعتها كان هيهون عليك أى حاجه وهتقدر ان الطريق
فعلا صعب لانه طويل بس كله يهون لان عندى هدف ولازم أوصل , حط أودام حضرتك مثال لشخص متمكن فى المجال وامشى على خطواته وشوفه كان بيخطط ازاى وازاى قدر ياخد الشهادات دى كلها
من غير ما يحس بملل أو ضيق سعتها هتعرف يعنى ايه هدف عايز أوصله ويعنى ايه عايز أحقق ذاتى وأكبر ومفيش حلاوة من غير نار زى ما بنقول بالمصرى ولازم تتعب عشان توصل ولازم تقع عشان ترجع تانى تقف ولازم تفشل عشان تحس بطعم الفشل وبعد كده معتش تدوقه تانى لان طعم النجاح أحلى .

لو أمنت فى نفسك وقدراتك صدقنى هتصنع المستحيل وهتكون فخور بنفسك , أتمنى انى أكون قدرت أرجع لك طاقتك وحماسك تانى للدراسة :)

طيب تمام ياريت تحكيلى تجربتك بالتفصيل يمكن اتعلم منها بما انك ماشاء الله سنك صغير ومعاك الشهادات دى وربنا يوفقك لما تحبه وترضاه وتتمناه

مش هينفع أسرد التجربة هنا لان الموضوع هيكبر وهيخرج عن نطاق السؤال لكن أوعدك بفرد موضوع له لوحده على مدونتى بإذن الله :)

وانا مستنى موضوع ان شاء الله ........... بالتوفيق والى الامام دائما