دماغى حتنفجر

انا طرحت الموضوع قبل كده بس المرة دى الوقت خلاص نفذ

الحمد لله خلصنا ام الثانوية العامة السنة دى وعايز اراءكم فى اختيار الكلية

اولا انا علمى علوم

قدامى

علوم حاسب صيدلة او اسنان (خاص)


انا حاموت وادرس الحاسب كعلم بس طبعا الناس مبترحمش حاسبات مين دى فشل والكلام دهhttps://dvd4arab.maktoob.com/smile1/50.gif

وطبعا انا مش بشكك ابدا فى سمعة الصيدلة او الاسنان كدراسة او مستقبل ولكن



فرأيكم ايه اتوكل وادخل حاسبات ولا اعيد تفكيرى علشان كله بيشكك فى مستقبل حاسبات وموضوع انك ممكن تدرسه من اى حته غير الشهادة ده محيرنى (مع انى متأكد ان المتخصص غير الهاوى ولا رايكم ايه)

شكرا مقدما

شوف حبيب قلبي انا خريج حاسبات ومعلومات واي ناس بتقولك انها كليه فاشله دول ناس مش فاهمين اي حاجه في اي حاجه وده مش عشان انا خريج الكليه دي لا عشان انا شفت ناس بعيني من الكليه وشغالين ومسكين مناصب جامده جدا.
على فكره مينفعش تدرس الموضوع ده بره لان فيه شركات كتير وخاصة الشركات الكبيره بتشترط انك تكون خريج حاسبات ومعلومات وهي كليه صعبه يعني لو دخلتها بأذن الله لازم لاااازم تجتهد.

:)

أنا شخصيا ارى أن تنظر لما هو مناسب لسوق العمل

أنصحك تدخل صيدلة أو اسنان و تدرس الحاسب بجانب الكلية , و دراسة الحاسب مثلما قلت , ممكنة بدون ان تدخل كلية

من خلال تجربتي الشخصيه ....لو انت قدراتك الماديه معقوله يبقي توكل علي الله وادخل حاسبات خاصه انك بنحبها زي ما بتقول (لاحظ ان الناس كلها اتجاهها فعلا تجاه الكليه دي )لانك بعد التخرج دماغك هاتنفجر اكتر عشان الكورسات والدورات والخبره والواسطه وخلافه......
اما انك لو بتبحث عن فرصه عمل يعني سهله لحد ما.... نصيحتي ادخل صيدله اسهل في الدراسه وفي الشغل

الأمر يتوقّف عليك..:)
هل امتهان مهنة تحبّها هو مصدر هامّ جدّاً للسّعادة لديك؟
إذا كان الجّواب نعم فاختيارك لكليّة أخرى سيشعرك بالحسرة و الضّياع بعد فترة..
و لكي تعرف فيما إذا كنت من هذا النّوع، هل أنت شخص ذو حسّ مرهف بعض الشّيء؟
إذا كان جوابك نعم، فأنت كذلك.

إذا كما ذكر الأخ أعلاه الوضع المادّيّ مهمّ لك أكثر، فيفضّل أن تدخل كليّة طبّ الأسنان و ليس الصّيدلة.

طبعا إذا كان لديك إمكانيّة (أقصد نفسيّاً) أن تقوم بما ذكره الأخ د.محمّد، فذلك أمر رائع..:)

اقتباس:

---

مع انى متأكد ان المتخصص غير الهاوى ولا رايكم ايه

---

الأمر لا يتعلّق فقط بكونك متخصّص أو هاوي..الأهمّ من ذلك شغفك بما تقوم به + حرصك على جمع المعلومات و ترتيبها في ذهنك و متابعة التّطوّرات..بالنّسبة لي هذا واحد من أهمّ مفاتيح النّجاح على الصّعيد المهنيّ.

اقتباس:

---

المشاركة الأصلية كتبت بواسطة احمد عبد الحفيظ

من خلال تجربتي الشخصيه ....لو انت قدراتك الماديه معقوله يبقي توكل علي الله وادخل حاسبات خاصه انك بنحبها زي ما بتقول (لاحظ ان الناس كلها اتجاهها فعلا تجاه الكليه دي )لانك بعد التخرج دماغك هاتنفجر اكتر عشان الكورسات والدورات والخبره والواسطه وخلافه......
اما انك لو بتبحث عن فرصه عمل يعني سهله لحد ما.... نصيحتي ادخل صيدله اسهل في الدراسه وفي الشغل

---

الامر مش مادى فقط وعموما انا عايز ادخل المجال كتخصص وشغل مش هواية فقط

اما عن نقطة اتجاه الناس تجاه الكلية دى انا شايف اغلب الدفعات ف الجامعات معظمهم علشان ملحقش هندسة

فدخل حاسبات

اما عن التطوير اذا كان متوفر فى المستقبل يبقى دى احسن حاجة لانى بحب كده جدا يمكن الواحد يخترع حاجة :D

شكرا لمشاركتك

اقتباس:

---

المشاركة الأصلية كتبت بواسطة ramy 64

الأمر يتوقّف عليك..:)
هل امتهان مهنة تحبّها هو مصدر هامّ جدّاً للسّعادة لديك؟
إذا كان الجّواب نعم فاختيارك لكليّة أخرى سيشعرك بالحسرة و الضّياع بعد فترة..
و لكي تعرف فيما إذا كنت من هذا النّوع، هل أنت شخص ذو حسّ مرهف بعض الشّيء؟
إذا كان جوابك نعم، فأنت كذلك.

إذا كما ذكر الأخ أعلاه الوضع المادّيّ مهمّ لك أكثر، فيفضّل أن تدخل كليّة طبّ الأسنان و ليس الصّيدلة.

طبعا إذا كان لديك إمكانيّة (أقصد نفسيّاً) أن تقوم بما ذكره الأخ د.محمّد، فذلك أمر رائع..:)


الأمر لا يتعلّق فقط بكونك متخصّص أو هاوي..الأهمّ من ذلك شغفك بما تقوم به + حرصك على جمع المعلومات و ترتيبها في ذهنك و متابعة التّطوّرات..بالنّسبة لي هذا واحد من أهمّ مفاتيح النّجاح على الصّعيد المهنيّ.

---

اكيد لما بشتغل فى حاجة بحبها حبقى سعيد جدا

وبصراحة انا لو دخلت اسنان او صيدلة يبقى للفلوس بس وانا مش شايف نفسى كده

اما هن التطوير والله انا لو لقيت اللى انا عايزه او عايز ادرسه يبقى حدوس فى من غير ما احس