كيف يعمل الياهو ماسينجر بدون فتح بورت على الراوتر
السلام عليكم ورحمة الله وبركاته
لدى استفسار
لو هناك شخصين على شبكة واحدة وكل منهم يقوم حاليا بتشغيل برنامج الياهو ماسينجر
كيف يعرف الراوتر ان هذه الرسالة سوف تذهب الى الجهاز المقصود
وذلك بدون فتح بورت على الراوتر
واكررها مره ثانية بدون فتح بورت لكل منهم على الراوتر حتى يستطيع التفريق
المشكلة الحقيقية هى اننى اقوم بعمل برنامج للشات البرنامج ممتاز جدا على الشبكة الداخلية اما حينما اقوم باستبدال الايبيهات بالايبيهات الحقيقية لايعمل البرنامج
رد: كيف يعمل الياهو ماسينجر بدون فتح بورت على الراوتر
أولاً انا مش فاهم سؤالك عدل
بس اللى اقدر اقوله من خلال فهمي ليك
ان طالما انت فى نتورك واحده يبقى كل جهاز لى اى بى مختلف ووبالتالى الملف هايروح للجهاز المقصود
بدون ادني مشكله وبدون حاجه لفتح بورت .
أما الجزئيه بتاعة الايبهات الحقيق مش فاهم تقصد ايه
وضحلنا شوية لو سمحت
رد: كيف يعمل الياهو ماسينجر بدون فتح بورت على الراوتر
بص يا اخويا انت قصدك انى ازاى الاجهزة اللى بتطلع على النت بايبى واحد ازاى كل واحد بتوصلة المعلومات اللى هو طالبها من برنامج زى الياهو مثلا
دا بيكون عن طريق port number يعنى بيكون شكل الداتل كدة tcp:80 1450 الرقم الاخير دا البورت نمبر واللى قبلة اللى بيدلك على انك طالب صفحة ويب مثلا
بالنسبة للبرنامج انا مش فاهم سوالك بس انت اديهم الايبى اللى طالع على النت مش بتوع الشبكة الداخلية لان دول مش هيطلعوا برة للتوضيح ان فى الخدمة
اتمنى اكون فاهمك ويكون دا استفسارك تحياتى
رد: كيف يعمل الياهو ماسينجر بدون فتح بورت على الراوتر
اولا الف شكر على الاهتمام وجزاكم الله خيرا ولكن اريد ان اوضح سؤالى
سوف اشرح اللى انا عايزه على برنامج الياهو ماسينجر مثلا
نفرض ان فى شبكة داخلية وفى شخصين كل منهم يجلس على جهاز مختلف وكل منهم قام بتشغيل برنامج الياهو ماسينجر
طبعا كل واحد بيدخل بالحساب الخاص به وكمان كل واحد بيكلم اشخاص مختلفه
ازاى كل واحد منهم يستقبل الرسائل الخاصة به فقط يعنى ازاى الرسائل متتلخبطش مع بعض
طبعا حتقولوا ده عشان كل واحد فيهم له اى بى داخلى مختلف عن الاخر فبالتالى كل شخص حتوصله الرسائل الخاصة به
المشكله هنا ان الباكيت اللى بتوصل للراوتر كيف يعرف ان هذه الباكيت موجهة الى الشخص الاول او الشخص الثانى
لأن معلوماتى بتقول ان الشخص المرسل يقوم بالارسال على الاى بى الحقيقى يعنى الاى بى بتاعى على شبكة الانترنت
فكيف يعرف الراوتر ان هذه الرسالة موجهة الى الشخص الاول او الشخص الثانى الموجودين على الشبكة الدالخلية
رد: كيف يعمل الياهو ماسينجر بدون فتح بورت على الراوتر
ما انا قلتلك يا غالى عن طريق البورت نمبر
رد: كيف يعمل الياهو ماسينجر بدون فتح بورت على الراوتر
والله بصراحة انا مش متأكد لكن
غالباً
في خاصية اسمها UPNP
والخاصية دي بتساعد الراوتر على فتح بورتات اوتوماتيك
عشان الحاجات اللي زي دي
وكدا يعني
والله اعلم
رد: كيف يعمل الياهو ماسينجر بدون فتح بورت على الراوتر
اقتباس:
المشاركة الأصلية كتبت بواسطة waleedallam
ما انا قلتلك يا غالى عن طريق البورت نمبر
الف شكر يا باشا لكن الشخصين مشغلين نفس البرنامج اللى اكيد بيفتح نفس الورت على الجهازين
رد: كيف يعمل الياهو ماسينجر بدون فتح بورت على الراوتر
اقتباس:
المشاركة الأصلية كتبت بواسطة eebng_1422
والله بصراحة انا مش متأكد لكن
غالباً
في خاصية اسمها UPNP
والخاصية دي بتساعد الراوتر على فتح بورتات اوتوماتيك
عشان الحاجات اللي زي دي
وكدا يعني
والله اعلم
الف شكر على الرد لكن
والله انا مش عارف هذه الخاصية لكن لو عملية فتح البورتات تتم اوتوماتيكيا يبقى اى برنامج ممكن يفتح بورتات على الراوتر ودى تبقى مشكله كبيره ان اى برنامج يفتح البورتات اللى هو عايزها على الراوتر
لكن انا سوف اقرأ عن هذه الخاصية
الف شكر مره تانية للجميع وجزاكم الله خيرا على جهدكم فى الرد
رد: كيف يعمل الياهو ماسينجر بدون فتح بورت على الراوتر
ركز كدة معايا يا اخى
انا اللى بطلب صفحة من الاكسبلورر وفى نفس الوقت بتبعت انت بتطلب نفس الصفحة انا بورت نمبر وانت بروي تانى خالص بيبقى شكلها كدة على ما افتكر
tcp:80:1450
tcp:80:1451
لما الاكسبلورر بيرد بيكون ردة على الرقم الاخير المختلف بينى وبينك عشان كدة اللى انا بطلبة بيوصلنى واللى انت بتطلبة بيوصلك يا رب تكون استوعبت الفكرة من شرحى وان كان غير دقيق
تحياتى
رد: كيف يعمل الياهو ماسينجر بدون فتح بورت على الراوتر
اقتباس:
المشاركة الأصلية كتبت بواسطة waleedallam
ركز كدة معايا يا اخى
انا اللى بطلب صفحة من الاكسبلورر وفى نفس الوقت بتبعت انت بتطلب نفس الصفحة انا بورت نمبر وانت بروي تانى خالص بيبقى شكلها كدة على ما افتكر
tcp:80:1450
tcp:80:1451
لما الاكسبلورر بيرد بيكون ردة على الرقم الاخير المختلف بينى وبينك عشان كدة اللى انا بطلبة بيوصلنى واللى انت بتطلبة بيوصلك يا رب تكون استوعبت الفكرة من شرحى وان كان غير دقيق
تحياتى
تمام سؤالى هو كيف اقوم بالاستقبال بدون فتح بورت على الراوتر
احاول اشرح مرة تانية بشكل اوضح
انا عملت برنامج للشات البرنامج اشتغل تمام جدا على الشبكة الداخلية
ولكن لما احب اشغله على شبكة الانترنت لابد ان افتح بورت على الراوتر عشان الطرف المستقبل يستطيع الاستقبال
وفى ملاحظة هامة ان برمجة مثل هذه البرامج تعتمد على التعامل من خلال بورت ثابت بمعنى
ان البرنامج عند الشخص المستقبل يقوم بالتصنت على بورت معين ولما بتوصله رساله بيبدأ فى التعامل معاها
طبعا الطرف المرسل لازم يكون باعت الرساله على نفس البورت والا مش حيلاقى شخص يستلمها
وفى ذات الوقت لازم اكون فاتح هذا البورت على الراوتر الخاص بالمستقبل عشان يقدر يستلمها
اذن سؤالى الاول هو كيف يتم ذلك فى برامج الشات ؟
سؤالى الثانى يتعلق بمشكله حصلت لما حاولت ابعت رسالة الى شبكة فيها جهازين مشغلين نفس البرنامج
يعنى كده فى جهازين مستعدين للاستقبال
ولما رحت للراوتر عشان افتح نفس البورت للجهازين طبعا العملية دى لا تصلح يعنى مينفعش افتح نفس البورت على الراوتر لجهازين مختلفين ولو عملتها سوف يقوم جهاز واحد بس يالاستقبال والاخر كأنه مش موجود
اذن كيف يقوم شخصين بتشغيل نفس البرنامج على شبكة واحدة وكلاهما يقوم بالاستقبال
هل كده اسئلتى اصبحت واضحة