ارتفاع درجة حرارة البروسيسور فجاه

السلام عليكم ورحمة الله

انا عندي معالج PHENOM ii X4 955be
و موزر 790FX-GD70 msi
وكارت شاشه
HD4770 sapphire


المشكله كالتالي

انا بكون شغال كويس وتمام ودرجة الحراره علي الموزر 39 في وضع الخمول

فجاه الماوس يتوقف عن الحركه وترتفع درجة حرارة البروسيسور ل 70-73
ولازم ارستر الجهاز

نظفت الجهاز بالبلاور
نزلت ويندوز جديد
عملت سكان بالانتي فيرس
حطيت معجون للبروسيسور
غيرت مكان الرامات


ولا تزال المشكله موجوده

ليا ملاحظتين

الهارد ديسك ساعات بيصدر صوت تكتكه و اضحه ودا مكنش بيحصل قبل كدا

صوت المروحه حتي في وضع الخمول بقي اعلي من الاول

حصلت معايا نفس المشكلة ولكن طلع العيب في المروحة مع انها كانت شغالة عادى معايا بس مش بتلف بسرعة يعنى ماكنتشي بتهوى عدل و غيرتها والحمد لله المشكلة اتحليت فجرب كده مروحة جديدة وان شاء الله المشكلة تتحل

اما بالنسبة للهارد فشوف كده كابل الساتا اللى مركبه في الهارد فشيل اللى مركبه حاليا وركب واحدة تانية مش قصدى انك تششتر كابل او تجيب كابل جديد لا بدل الساتا باى ساتا موجودة وان شاء الله هتتحل بس خليك حساس مع الهارد يعنى خليه في وضع امان مش بيتهز او بيتحرك ومش تلمسه وهو شغال وان شاء الله خير وشكرا

اقتباس:

---

المشاركة الأصلية كتبت بواسطة m_gemi10

حصلت معايا نفس المشكلة ولكن طلع العيب في المروحة مع انها كانت شغالة عادى معايا بس مش بتلف بسرعة يعنى ماكنتشي بتهوى عدل و غيرتها والحمد لله المشكلة اتحليت فجرب كده مروحة جديدة وان شاء الله المشكلة تتحل

اما بالنسبة للهارد فشوف كده كابل الساتا اللى مركبه في الهارد فشيل اللى مركبه حاليا وركب واحدة تانية مش قصدى انك تششتر كابل او تجيب كابل جديد لا بدل الساتا باى ساتا موجودة وان شاء الله هتتحل بس خليك حساس مع الهارد يعنى خليه في وضع امان مش بيتهز او بيتحرك ومش تلمسه وهو شغال وان شاء الله خير وشكرا

---

انا غيرت المروحه

الكمبيوتر اشتغل كويس لمدة يوم ورجعة معايا المشكله نفسها


هل ممكن يكون عيب رامات

جرب باور سبلاى تانى من اى صديق ليك احتمال تغذيه المعالج بالطاقه فيها خلل وشوف لو اشتغل كويس اشترى باور صبلاى
بالتوفيق..

انا جربت برنامج prime 95

والجهاز اشتغل زي الفل

اعتقد لو كان فيه مشكله في امداد الباور سبلاي للبروسيسور كانت ظهرت


بس اللي هيجنني ان التوقف دايما او في اغلب الاوقات بيكون

لما اسيب الجهاز فتره screen saver يشتغل اجي احرك الماوس اسمع صوت في الهارد ثم يتوقف الجهاز

بسم الله الرحمن الرحيم

ذكرت حضرتك ان الهارد بيعمل صوت تكتكه ياترى بشكل متواصل ام لا يعنى عند بداية التشغيل واثناء شغلك على الجهاز ايضا عند التحميل عليه ؟

لو كانت بهذه الصورة بالفعل فيه عندك مشكله فى الهارد اتمنى انك تديه لمركز صيانه بسرعه قبل ما المشكله اللى فيه تزيد ممكن يغيرلك ميديا فى حدود 50 جنيه تقريبا اما لو فيه مشكله فى التروث انها بقت تقيله للاسف هتطر انك تغير الهارد خد بالك ان الهارد بيلعب دور كبير فى المشكله وبيعمل لود او تحميل على مكونات الجهاز خاصة البروسيسور ودى حصلتت معايا شخصيا واضطريت اغير الهارد وده سببه الاستعمال الكثير مع الزمن او تذبذب التيار الكهربى اثناء التشغيل بين ارتفاع وانخفاض او عدم وضع الجهاز فى مكان ثابت الى اخره من المسببات لتلف القرص

المروحه امرها سهل هاتلك مروحه جديده من الافضل اذا كانت ليس لديك الخبره لتنظيفها جيدا واذا كنت مصمم تنظفها ياريت تنظفها كويس من التراب من الداخل واستخدم زيت مكن نضيف نقى او جاز وضع قطرات سيطه جدا بداخل الفتحه التى فى منتصف المروحه
وشوف بعد كده سرعة دوران المروحه اد ايه يجب الا تقل عن 2000 لفه او 2500 عند التشغيل وهذا على حد علمى المتواضع

صوت الهارد عالي وبيتكتك طول مانا فاتح الجهاز

هل ممكن تهنيج الكمبيوتر وارتفاع درجة الحراره فجاه يكون راجع لمشكله في الهارد

اقتباس:

---

المشاركة الأصلية كتبت بواسطة sanhotymed

صوت الهارد عالي وبيتكتك طول مانا فاتح الجهاز

هل ممكن تهنيج الكمبيوتر وارتفاع درجة الحراره فجاه يكون راجع لمشكله في الهارد

---

بص حضرتك ممكن تتأكد ان الهارد محطوط بأمان يعنى مش مهزوز مثلا او محطوط نص كده ده ممكن يكون سبب التكتكة وبنسبة للبروسيسور فحط طبعا المبرد علي البروسيسور شرط انك تحط حاجة بسيطة جدا جدا علي البروسيسور من المادة ديه يعنى مش تملا البروسيسور بيه
انا كان عندى نفس المشكلة واسيبه كده يبقي شغال ومرة واحدة يفصل شلت المروحة لقيت البروسيسور مش داخله تهوية اساسا من المادة ديه عشان كانت كتير اوى جرب كده وان شاء الله تتحل

اقتباس:

---

المشاركة الأصلية كتبت بواسطة m_gemi10

بص حضرتك ممكن تتأكد ان الهارد محطوط بأمان يعنى مش مهزوز مثلا او محطوط نص كده ده ممكن يكون سبب التكتكة وبنسبة للبروسيسور فحط طبعا المبرد علي البروسيسور شرط انك تحط حاجة بسيطة جدا جدا علي البروسيسور من المادة ديه يعنى مش تملا البروسيسور بيه
انا كان عندى نفس المشكلة واسيبه كده يبقي شغال ومرة واحدة يفصل شلت المروحة لقيت البروسيسور مش داخله تهوية اساسا من المادة ديه عشان كانت كتير اوى جرب كده وان شاء الله تتحل

---

طيب انا الحراره كانت عندي عالمروحه القديمه في الخمول 40

الان جبت كولر ماستر

الحراره في الخمول 30


ده مش كدا ياكد لي ان المروحه والبوسيسور شغالين كويس

للامانه انا حطيت الكولر اللي كان مع المروحه كله عالبروسيسور