عايز اشتري موبايل اندرويد في حدود 1500 جنيه
السلام عليكم ورحمه الله وبركاته
انا كنت عايز اشتري موبايل اندرويد في حدود 1500 جنيه وممكن يزيد شويه
انا مش مهتم بالالعاب اللي محتاجه ان الشاشه بتاعته تكون كبيرة بقدر المستطاع
وان يكون قادر علي تشغيل جميع البرامج بكفاءة خصوصا ال جي بي اس
ويكون صوته نقي والكاميرا جودتها معقوله وياريت لو في فلاش
انا ميال لسامسونج وسوني اريكسون واتش تي سي
والف شكر مقدما
رد: عايز اشتري موبايل اندرويد في حدود 1500 جنيه
سامسونجSamsung Galaxy Fit S5670
https://www.gsmarena.com/samsung_gal...s5670-3726.php
سعره حوالى 1300 جنيه
لو عندك استعداد تدفع 1950 يبقى هات الجلاكسى ايس
https://www.gsmarena.com/samsung_gal...s5830-3724.php
لاحظ ان نسخة الأندرويد فى الاتنين هى الفرويو 2.2
عشان تكون متوافق مع معظم البرامج
لذلك دائما أميل للسامسونج....السونى اريكسون اللى فى نفس الفئة السعرية هتلاقى دايما نسخة الأندرويد فيه قديمة جدا
رد: عايز اشتري موبايل اندرويد في حدود 1500 جنيه
المتوافر في السعر المتاح لديك بالترتيب بالنسبه للالعاب
lg optimus one p503 1599 le
sony ericsson x8 1299 le
htc wild fire 1599 le
ودي اسعار الاجهزه بالضمان في مصر
رد: عايز اشتري موبايل اندرويد في حدود 1500 جنيه
اقتباس:
المشاركة الأصلية كتبت بواسطة moriatte
الف شكر علي ردك
وانا فعلا مقتنع باختياراتك وعايز اجيب الجلاكسى ايس
سالت عليه لقيته ب 1930 في وسط البلد بضمان سنه
يمكن استني كمان شهرين احتمال يرخص شوية
تحياتي
رد: عايز اشتري موبايل اندرويد في حدود 1500 جنيه
هو فى سؤال انت قلتلوه الافضل انك تستنى وتشترى ace افضل من fit
بس لو مستخدم عادى هيستفاد منه قصدى يعنى فرق السعر حوالى 600جنيه هل هيحس بالفارق لو هو مش بروفيشنل ؟
رد: عايز اشتري موبايل اندرويد في حدود 1500 جنيه
رد: عايز اشتري موبايل اندرويد في حدود 1500 جنيه
بص يا باشا
الفرق بين الايس والفيت
الايس اعلى فى الريزلوشن وده هيفرق معاك فى الالعاب علشان الريزبوشن بتاع الفيت 240*320
علشان كدة ممكن تلاقى بعض الالعاب مش بتشتغل علىالفيت
غير ان البروسيسر فى الفيت 600 وفى الايس 800
والايس فى معاك جرافيك منفصل اللى هو ال gpu والفيت مفيهوش
غير الكاميرا الاتنين 5 ميجا بسس الفيت من غير فلاش والايس فيه فلاش
لو انت شايف ان الفروق دى مش مؤثرة بالنسبالك يبقى هات الفيت
او لو حاسس انها مؤثرة
يبقى عندك حل من الاتنين
يا اما انك تستنى وتجيب الايس
او تزود 100 جنيه وتجيب lg optimus one وده نفس مواصفات الايس معادا الكاميرا والبروسيسور بتاعو زى الفيت 600
بس فيه gpu على فكرة
انت بقى اللى تختار كدة يا باشا اللى هيتوافق مع استخدامك الفترة الحالية وتقرر وربنا معاك ان شاء الله :)
رد: عايز اشتري موبايل اندرويد في حدود 1500 جنيه
هى دى الردود ولا بلاش شكرا ياكبير