رأيكم فى افضل الشركات المصنعة ل gtx 470
ان شاء الله مقبل على شراء gtx 470 ... وكنت عايز اعرف افضل الشركات المصنعة لهذه الفئة
لأنى لحد دلوقتى ملقيتش منه الا جيجا بايت ...فهل هى ماركة تستاهل ان الواحد يدفع فيها 2500 جنيه
ولو مش جيدة ايه افضل الشركات اللى تنصحونى بيها ..واماكن البيع فى مصر..........
رد: رأيكم فى افضل الشركات المصنعة ل gtx 470
انصحك بالآنتظار قليلا ...لحين توافر ماركات اخرى ساعتها السعر هيقل .:)
رد: رأيكم فى افضل الشركات المصنعة ل gtx 470
الكروت كلها نسخ واحدة من نفديا الا بعض الشركات
واى نسخة حتكون بنفس السعر واى حد حيشتريه من الخارج ستصبح ايضا بنفس السعر بعد الشحن والجمارك
الحقيقة انتظر اى عضو من اعضائنا الكرام يدخل يقولك الكارت بيتباع فين لانى لا اعلم مكان بيعه ويفيدك اكثر فى موضوع الضمان
رد: رأيكم فى افضل الشركات المصنعة ل gtx 470
شكرا على اهتمامك يا اخ S@M ...طب هل ال evga نزلت مصر ولا لسه ؟؟...
اقتباس:
المشاركة الأصلية كتبت بواسطة overclockman
الكروت كلها نسخ واحدة من نفديا الا بعض الشركات
واى نسخة حتكون بنفس السعر واى حد حيشتريه من الخارج ستصبح ايضا بنفس السعر بعد الشحن والجمارك
الحقيقة انتظر اى عضو من اعضائنا الكرام يدخل يقولك الكارت بيتباع فين لانى لا اعلم مكان بيعه ويفيدك اكثر فى موضوع الضمان
شكرا يا overclockman ..,وفى انتظار باقى الاعضاء....
رد: رأيكم فى افضل الشركات المصنعة ل gtx 470
انتظر حتى تتوفر ماركات أخرى
لأنه بصراحة GTX470 بذلك السعر وهو 2500 جنيه يعتبر صفقة فاشلة
رد: رأيكم فى افضل الشركات المصنعة ل gtx 470
جيجا بايت ماركة ممتازة جدا ولا غبار عليها ولقد إختبرتها فى كرتين gtx 470 و 8800gt ......صحيح أنا أفضل evaga لكروت نفيديا ولكن صعب جدا تلقيها فى مصر وكذلك جالاكسى اللى مبدعة فى الفيرمى
اللى ممكن ينزل مصر غير جيجا بايت هو asus وساعتها مفيش فرق ما بينه وبين جيجابايت
رد: رأيكم فى افضل الشركات المصنعة ل gtx 470
اقتباس:
شكرا على اهتمامك يا اخ S@M ...طب هل ال evga نزلت مصر ولا لسه ؟؟...
لا لم تنزل يا عزيزى الى الآن يا عزيزى ....وسألت على ميعاد نزولها قالو ليس قريبا ...
وسمعت ايضا ان هناك شركة جديدة فى مصر سوف نتطرح ماركة ZOTAC ..ولكن مدى المصداقية فى هذا الكلاام ....
وميعاد نزول الكروت غير معلوم ؟؟!
هناك احتمالاات نزول براندات اخرى مثل ASUS...لآن توكيلها يعمل جيدا الان فى مصر ...لذلك هو اقرب ماركة
فعليا للنزول فى الفترة القادمة ما لم يجد جديد.........
علمنا الآن جميعا ما كانت تقدمة لنا شركة XFX فى مصر ...من منتج جيفورس قوى ...ولكن مع الاسف ذهبت هذة الآيام ....:(
واصبحنا الآن ننتظر معجزة ...حتى تتوفر الكروت بسعر جيد ...:(
وبالطبع كل الكروت الريفرانس لا فرق بينها ولكن الفكرة فى سعر الجيجا بايت المرتفع ....:mad:
رد: رأيكم فى افضل الشركات المصنعة ل gtx 470
طب يا جماعة انتوا بتقولوا ان ال evga لسه بدرى عليها ...ومفيش شركات تانية هتنزل قريبا الا ال asus
وهى الاقرب للجيجا بايت ..وبتهيألى لو نزلت برده السعر مش هينزل اوى عن دلوقتى ... فانتوا ايه رايكوا اجيبه دلوقتى ولا اصبر شوية
وعندى استفسار تانى انا دلوقتى عندى كارت شاشة 9800 gtx+ وكنت عايز بورده تدعم ال sli ونفس الوقت تدعم ال ddr2
والبروسيسور quad ودورت كتير مش لاقى بورده بالمواصفات دى دلوقتى ..فهل يوجد بوردة متوفرة الان بهذه المواصفات وفين؟؟...
رد: رأيكم فى افضل الشركات المصنعة ل gtx 470
انصحك بالانتظار حتى منتصف الشهر ...ووقتها كل شيء هيكون واضح
لآن اغلبية التوكيلاات هتدخل الستوكات الجديدة ...عشان موسم الصيف
بالنسبة للبورد
ليس امامك الا بورد 680i SLi ...من XFX ..:)
فهى الوحيدة الداعمة للSLI وتعمل على DDR2 ...:)
رد: رأيكم فى افضل الشركات المصنعة ل gtx 470
اقتباس:
المشاركة الأصلية كتبت بواسطة S@M
بالنسبة للبورد
ليس امامك الا بورد 680i SLi ...من XFX ..:)
فهى الوحيدة الداعمة للSLI وتعمل على DDR2 ...:)
طب وهل البوردة دى متوفرة الان وفين ......:)
رد: رأيكم فى افضل الشركات المصنعة ل gtx 470
ممكن تسأل عند الوكيل (( شركة كايرو كمبيوتر )) فى مول الاسيوطى ..الدور الثانى .:)
رد: رأيكم فى افضل الشركات المصنعة ل gtx 470
ما دام هى تكلفة بتكلفة , اشترى من برة النسخة ال Galaxy non reference او ال Inno3D HAWK , حتخش لها فى 2600 مثلا بالشحن , احسن واكرم لك من النصب هنا فى مصر ب 2500 للكارت الواحد وعلى ايه , لا شئ جديد, ما دام حتتكلف هات من برة اكرم لك على اساس فرق السعر له مبرر فعلا , انا شحنت مسبقا من برة كارت EVGA 8800GT Ref وكان ارخص من هنا
رد: رأيكم فى افضل الشركات المصنعة ل gtx 470
اقتباس:
ما دام هى تكلفة بتكلفة , اشترى من برة النسخة ال Galaxy non reference او ال Inno3D HAWK , حتخش لها فى 2600 مثلا بالشحن
طب والضمان يا هالكى ...؟؟...يضحى بالضمان كدة ؟؟!!
رد: رأيكم فى افضل الشركات المصنعة ل gtx 470
اقتباس:
المشاركة الأصلية كتبت بواسطة S@M
طب والضمان يا هالكى ...؟؟...يضحى بالضمان كدة ؟؟!!
محمد يقصد عدم الإستسلام لجشع التجار هنا
وفي الواقع لا أعتقد ان GTX470 لو أتت من الخارج ستكون بنفس السعر بل أتوقع أرخص ب 300 جنيه تقريباً
رد: رأيكم فى افضل الشركات المصنعة ل gtx 470
اقتباس:
طب والضمان يا هالكى ...؟؟...يضحى بالضمان كدة ؟؟!!
انا كنت مشترى ال 8800GT من EVGA بالشحن وكله من برة ب 1850 جنيه وكان الوحيد اللى فى مصر وقتها معروف ال XFX 8800 اخوه نسخة الكلب الالفا , بكام؟ ب 2450 , مش حقولك فى خطر , كل كارت عليه QC , علامة ال Quality Control , واشتغل كويس , وكله تمام , طبعا ممكن معرض لكل انواع الخطر زيه زى اى كارت بس مش بتحصل بالدرجة العويصة دى انك تشحن كارت بايظ , نادرة اوى اوى اوى اوى , انا شحنت مع صحابى حاجات كتير ومفيش مرة جه حاجة بايظة , تصور انت لما ادفع لى 600 جنيه فرق على الارض , ليه! انتحار؟!
طبعا صاحب الموضوع حر تماما ولكن فعلا لو شحنت من برة مفيش اى مشكلة , :) , والله احسن لك من هنا وحوار الضمان , مش مشكلة للدرجة , مش حيحصل حاجة فى الكارت فى حالة انت تعاملت بشكل صحيح مع الحاجة , بس :)