أنصح الجميع بالذهاب للمعرض ( ICT )
السلام عليكم
أنا مش عارف الموضوع في مكان لائق ، أم لا ....
فقد ذهبت أنا و أخي الحبيب ياسر رمزي ، والعضو المشاغب eRa ، والأخ فارس الأحلام ( محمود ) ، والأخ تيتو ( محمد ) للمعرض اليوم ، وأنصح الجميع بالذهاب ؛ للتعرف على أحدث التقنيات المقدمة من الشركات المختلفة ، وللتعرف على شركات الاتصالات ، والبرمجة ، ومراكز التدريب ، والشركات العالمية ، من باب العلم بالشيء .
أدخل على كل شركة واسألهم : ما هي أحدث التقنيات لديكم هذا العام ، وماهي المنتجات ( product ) التي تنافسون عليها ، وماهو الشيء المميز لديكم عن باقي الشركات ، وأيضا فقد يجعل الله لك نصيبا عندهم في العمل فيما بعد ، وكده يعني ... هو أنا هقولكوا على كل حاجة ولا إيه ؟!!
وكمان بتبقى فيه محاضرات في السيكيورتي ، وخلافُه .
فأنت تَعَرَّف على تلك الشركات وتعرف على العاملين بها ( بس الرجالة بس ، وأوعى تتعرف على البنات اللي هناك ، حاكم أنا عارفكوا عينكوا زايغة );)
رسوم الدخول : 10 جنيه ، بس على فكرة انت ممكن تعمل عبيط ومتدفعش حاجة ! إزاي ؟ هاقولكوا إزاي : انت أو ما تدخل من البوابة امشي على طول واعمل عبيط ولا أكن في حد واقف على البوابة ، كأنك بالظبط داخل عمارتكو ، والله مش بهزر ولو حد ندالك ؛ برده اعمل عبيط ( اهنب يا أستاذ منيجي ) ولو رخم أوي قوله : معلش أصل أنا عندي شعرة ، ساعة تروح وساعة تيجي ، وهي دلوقتي رايحة :D .
وأخيرا نصائح للذاهبين :
* أوعى تبص على البنات اللي هناك علشان كلهم لبسين من غير هدوم ، وقد أمرنا الله بغض البصر:
{ قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ }
* أوعى تشتري نسكافيه من الكافيتريا الحرامية اللي في الدور التاني ، علشان عندهم برميل النسكافيه بعشرين جنيه !!! ، والكرواسون بعشرة جنيه !!! ، وفنجان القهوة بعشرة جنيه !!!:ah26:
* وممكن تروح بصاج قُرَص أم عجوة ، او أم سمسم وتبيعها هناك هتكسب دهب والله يا عم ، شوف انت هاتجيب القرصة بنص جنيه ، وتبيعها بعشرة جنيه .
رد: أنصح الجميع بالذهاب للمعرض ( ICT )
السلام عليكم ورحمة الله وبركاته
انا سعيد ان انا اول واحد رد على الموضوع وحقيقة فعلا المعرض ممتع وفية شركات كتير تقدر تشوف منتجات من شركات مختلفة عالميا
رد: أنصح الجميع بالذهاب للمعرض ( ICT )
مكتوب فى الأخبار إن فيه خصومات حتى أكثر من 30 % ..فيه حاجات هناك حلوة ...لابتوبات جديدة أو أرخص من السوق .
رد: أنصح الجميع بالذهاب للمعرض ( ICT )
مش هو دا الي فا قاعة الموتمرات
رد: أنصح الجميع بالذهاب للمعرض ( ICT )
اقتباس:
المشاركة الأصلية كتبت بواسطة lamborgeeny
مكتوب فى الأخبار إن فيه خصومات حتى أكثر من 30 % ..فيه حاجات هناك حلوة ...لابتوبات جديدة أو أرخص من السوق .
هو ده سؤال ؟
رد: أنصح الجميع بالذهاب للمعرض ( ICT )
اقتباس:
المشاركة الأصلية كتبت بواسطة S.O.S
مش هو دا الي فا قاعة الموتمرات
أيوة .
رد: أنصح الجميع بالذهاب للمعرض ( ICT )
اقتباس:
أوعى تبص على البنات اللي هناك علشان كلهم لبسين من غير هدوم ، وقد أمرنا الله بغض البصر:
{ قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ }
ازاي عرفت ان البنات كلهم مش لابسين هدوم يا واد ;);)
رد: أنصح الجميع بالذهاب للمعرض ( ICT )
بارك الله فيك اخي على سرعة طرح الموضوع
باقي على المعرض اليوم وغدا
حاولو تلحقوه
اقتباس:
ازاي عرفت ان البنات كلهم مش لابسين هدوم يا واد ;);)
ههههههههه
ملاحظه ذكيه اخي عامر
رد: أنصح الجميع بالذهاب للمعرض ( ICT )
ان شاء الله اذهب الغد الى المعرض و ان كان نفسى اروح مع المهندس ياسر رمزى و اقابلة و اقابل بقية الاعضاء اللى ذهبو
ان شاء الله تتعوض مرة اخرى
رد: أنصح الجميع بالذهاب للمعرض ( ICT )
ولا ذكية ولا حاجة يا أستاذ ياسر، بل العكس ;)
علشان أنا يجوز لي النظرة الأولى ، هذا شيء .
وكمان وانت بتتجول في المعرض استحاله تعمل policy على عينيك إنها متشوفش غير الرجالة !!!
وكمان في شركات مفهاش غير بنات بس .
فهمت ؟!!
رد: أنصح الجميع بالذهاب للمعرض ( ICT )
شكرا على هذه المعلومة وبجد شكرا على خفت دم حضرتك بس فى سؤال
البنات اللي هناك لبسين من غير هدوم فى أى شركة بالضبط علشان عدم النظر بس
رد: أنصح الجميع بالذهاب للمعرض ( ICT )
اقتباس:
المشاركة الأصلية كتبت بواسطة helal_10g
شكرا على هذه المعلومة وبجد شكرا على خفت دم حضرتك بس فى سؤال
البنات اللي هناك لبسين من غير هدوم فى أى شركة بالضبط علشان عدم النظر بس (علشان عدم النظربس !!;))
هههههههه
في كل شركة للأسف ، فللأسف أصبحت التجارة الآن بالمرأة ، هما أكتر من الرجالة في المعرض !!!
انت اذهب وسل ربك العافية .
أسأل الله أن يحفظك ، وشباب المسلمين .
رد: أنصح الجميع بالذهاب للمعرض ( ICT )
آخر يوم بكرة يا شباب ، الحقو روحو ، والله هتستفادوا جدا .
رد: أنصح الجميع بالذهاب للمعرض ( ICT )
اقتباس:
المشاركة الأصلية كتبت بواسطة dr_timoon
ان شاء الله اذهب الغد الى المعرض و ان كان نفسى اروح مع المهندس ياسر رمزى و اقابلة و اقابل بقية الاعضاء اللى ذهبو
ان شاء الله تتعوض مرة اخرى
اخي العزيز تيمو
اتصلت بيك وكنت جايب الشغل بتاع sans معايا
بس تلفونك لم يرد
كان نفسي تكون معنا
خصوصا ان اللقاء شمل حضور الاخ محمد سعد والاخ معتز ايضا
المره الجايه معانا اكيد يا تيمو
رد: أنصح الجميع بالذهاب للمعرض ( ICT )
اقتباس:
المشاركة الأصلية كتبت بواسطة wobooo
اخي العزيز تيمو
اتصلت بيك وكنت جايب الشغل بتاع sans معايا
بس تلفونك لم يرد
كان نفسي تكون معنا
خصوصا ان اللقاء شمل حضور الاخ محمد سعد والاخ معتز ايضا
المره الجايه معانا اكيد يا تيمو
كان لقاء أكثر من رائع أتمنى تكرارها