لاب توب فى حدود 8000 جنيه

السلام عليكم
انا عاوز اجيب لاب توب وضورت كتير فى النت ووبصراحة احترت فحبيت اخد نصيحة الخبراء
هو هيكون فى حدود 8000 جنيه مصرى
وارجو الرد سريعا علشان هنزل اجيبه بالكتير على بعد بكره او على يوم الجمعة بالكتير
وشكرا

و عليكم السلام و رحمة الله و بركاته

من حيث الماركات أنا شخصيا أفضل بالترتيب (سونى ثم توشيبا ثم ديل ثم إتش بي)
و نظرا لأن ميزانية حضرتك ماشاء الله كويسة يبقى هارشح لحضرتك

HP DV6-2020
هو صحيح إتش بي بس مواصفاته جبارة و عملاقة و سعره مناسب جدا جدا بالنسبة لمواصفاته
و مواصفاته
معالج INTEL CORE I7
و ده أحدث إنتاجات إنتل و ده معالج رباعى النواة بيتعامل معه النظام كمعالج ثمانى النواة و ده طبعا أحدث بكتير من الCORE 2 DUE المنتشر حاليا
كارت الشاشة1 جيجا منفصل من نيفيديا

سعره فى حدود 7000 إلى 8000 جنيه

و ماتنساش طبعا صلاة الاستخارة

طب فى سؤال محيرنى ضورت عليه وملاتش اجابه
انت لما فضلت سونى فم توشيبا ثم ديل ثم اتش بى
ايه الاساس الى انت رتبتهم عليه ؟
وفيه حاجة تانيية انا شوفت الجهاز الى انت اقترحته وانا نصحونى به كتير بس شكله مش عاجبنى وانا عاوز اعرف لو حبيت اجيب لاب توب شكله حلو (يعنى خفيف رفيع) فى حدود 8000 جنيه يبا ايه ؟؟

الترتيب على حسب سمعة الشركة و الجودة مع العلم إن دول أقوى ماركات بالنسبة للجودة بشكل عام و لكن الترتيب ده بيميل إليه البعض
و على فكرة الجهاز ده مواصفاته عملاااااااااااااقة و شكله على فكرة حلو
أما لو عايز جهاز رفيع يبقى هتضطر تضحى بمواصفات كتير و عموما سونى فيها موديلات كتير جميلة و خفيفة

الف شكرا على الرد
وكده يبا انشاء الله hp dv6 2020

إن شاء الله بس ماتنساش تصلى استخارة الأول
بالتوفيق إن شاء الله