TE DAATA وأسرع إنترنت فى مصر
تى اى داتا أسوأ شركه عن تجربه
كنت مشترك فى شركه تانيه(بدون ذكر الإسم)عشان ما تبقى دعايه
المهم
كانت سرعة الداون لود 59 كيلو بايت و الأب لود 11 كيلو بيت و بلليل داون لود 67 كيلو بايت(أكتر من حقى) والأب لود 22 كيلو بايت (برضه أكتر من حقى)
لأن الخط 512
ليه غيرت لشركه تانيه لما الخدمه ممتازه كده ؟
كنت عايز سرعه أعلى و إنتظرت أكتر من شهرين لما لقيت الحكايه طولت قلت ألغى معاهم و أشترك فى تى إى داتا
بعد إعطائهم رقم الإلغاء و مكالمة خدمة العملاء لمدة 24 يوم إتصل واحد من تى اى داتا و قال الخدمه إشتغلت
الخدمه إلى إشتغلت سرعة الداون لود 6 إلى 8 كيلو بايت و الأب لود 2 إلى 3
قدمت طلب لإلغاء الخدمه بعد توصيلها ب 48 ساعه لأن الدعم الفنى سيئ جدا ولا يقدم أى حل أو حتى يبعت فنى هو كل هدفه العميل يطلع هو الغلطان
لم أقم بتغير أى شئ من الوصلات أو الراوتر يعنى نفس إلى كان شغال مع الشركه إلى قبلهم
بعد ثلاث أسابيع جائنى واحد من السنترال وشاف التقطيع و مستوى أداء الخط و قال (ده عامل زى الدايل أب)
بعد مغادرت الفنى كلمت الشركه تانى يوم عشان أعرف متى يتم الإصلاح
قالوا الفنى كان عندك و بيقول كل شئ تمام (ده بعد 3 أسابيع إنتظار تشريف البيه الفنى )
المهم باقى على نهايه شهر الإشتراك 5 أيام ولسه ما فى رقم إلغاء (معامله زفت)
وطبعا لو ببلاش سرعة مليون جيجا ما حا جدد معاهم
نسيت أقلول لكم إن إلى حيتجرأ و يكلم الدعم الفنى حيسبوه (ملطوع) على التليفون على الأقل 20ق فى أحسن الأحوال و لن يجد حل أو جواب شافى لمشكلته
هذه تجربتى مع تى إى بطاطا أسرع نت فى مصر و تستحوذ على 70% من مشتركى النت فى مصر زى ما بيقول الإعلان بتاعهم
رد: TE DAATA وأسرع إنترنت فى مصر
ربنا يصبرك انت واللي زيك.
رد: TE DAATA وأسرع إنترنت فى مصر
لم تاتى أخى بجديد فكلنا فى نس المعمعه اللى حضرتك بتقول فيها و إن حضرتك كنت مشترك فى خدمه 512 و السرعات اللى حضرتك بتقول عليها ديه يابختك
على فكره أنا نفس يكون عندى سرعه 512 زى بتاعت زمان , دلوقتى ال1 ميجا اللى عندى أبطأ من ال512 اللى كان عندى زمان
معلش ربنا يصبرك
رد: TE DAATA وأسرع إنترنت فى مصر
السلام عليكم
الصراحه اسوا شركه فى مصر , و خساره انك غيرت ليهم ,الله يعينك بجد و ياريت تقولة ان كنت مشترك مع شركه ايه و فى سنترال ايه .لانى مشترك مع تى اى .... سنترال المريوطيه و بص على نتيجتى و انا 1 mb لوحدى
https://www.speedtest.net/result/1021140709.png
رد: TE DAATA وأسرع إنترنت فى مصر
اقتباس:
المشاركة الأصلية كتبت بواسطة henry07777
السلام عليكم
الصراحه اسوا شركه فى مصر , و خساره انك غيرت ليهم ,الله يعينك بجد و ياريت تقولة ان كنت مشترك مع شركه ايه و فى سنترال ايه .لانى مشترك مع تى اى .... سنترال المريوطيه و بص على نتيجتى و انا 1 mb لوحدى
https://www.speedtest.net/result/1021140709.png
تي داتا في المريوطية كويسة جدا على فكرة. أنا معايا خطوط هناك والحمد لله مفيش مشاكل.
رد: TE DAATA وأسرع إنترنت فى مصر
اقتباس:
المشاركة الأصلية كتبت بواسطة Alaa.Ismael
تي داتا في المريوطية كويسة جدا على فكرة. أنا معايا خطوط هناك والحمد لله مفيش مشاكل.
مش عارف والله , شكلى انا اللى حظى و حش و محطوط فى بورت وحش , انا عندى الخدمه شيئه من 10 الصبح لغاية 6 الفجر , دا انا و كجموعه كبيره من اصحابى نفس النظام~~ ,يلا انا كدا كدا ناوى اجرب شركه تانيه اصل حاولت كتير و مفيش حل .
رد: TE DAATA وأسرع إنترنت فى مصر
اعاني من نفس المشكلة و أنا ابضاً تابع لسنترال المريوطية ...
نسيت تماماً ال YOU TUBE و اي streaming بالإضافة لأنني تعلمت الصبر بسبب محاولاتي الخرقاء للتصفح ...
الحقيقة ان خدمة الشركة سيئة للغاية .. والدعم الفني فقير جداً.
رد: TE DAATA وأسرع إنترنت فى مصر
رد: TE DAATA وأسرع إنترنت فى مصر
ماهي الشركة التي كنت مشترك بها انت لا تعمل لها دعاية بال تفيد الاعضاء وماهو ال Ping في الشركتين
رد: TE DAATA وأسرع إنترنت فى مصر
تى إى داتا أسوء أنترنت فى مصر - الشركة كانت كويسة. بس الظاهر ان المشتركين زادو عندها وهما أصلا عندهم سعة معينة والسعة دى معدتش مستوعبة الكم الهائل من المشتركين اللى زادو عندها و بالتالى الخدمة بقت زى الزفت و الدعم الفنى اسوء و اسوء لا بيقدم ولا بيأخر. الانترنت عندى بيبطأ جدا فى أوقات الذروة - ساعة الظهر و طول أيام الخميس والجمعة بالاضافة لأوقات تناية عشوائية فى خلال اليوم - و هما كدا من ساعة ما أشتركت معاهم.
الظاهر انهم مش عايزين يدفعوا ملييم زيادة علشان يحسنوا الخدمة و يزودوا السعة و يحدثوا الأجهز علشان ميبقاش أقل ضغط فيها بيأثر على كل المشتركين اللى فى السنترال دا. انا بالنسبالى لولا ان مفيش عندنا فرع من فروع شركة لينك على سبيل المثال لأنى سمعت من كذا مشترك معاهم ان الخدمة عندهم زى الفل ولا فى بنج عالى ولا أى حاجة من العبط دا ، لولا كدا لكنت لاغيت اشتراكى من عند تى اى داتا من زمااااااان. المشكلة انها احسن الوحشين بالنسبة للموزعين الموجودين عندنا فى المنطقة.
و بمناسبة الكلام عن تحديث الأجهزة اللى فى السنترال ، اى عملية تحديث بتاخد ما لا يقل عن 3 شهور ، فى خلال ال 3 شهور دول ، المشتركين اللى فى السنترال دا بيشوفوا الجحيم بعينه!
رد: TE DAATA وأسرع إنترنت فى مصر
حسب منتطقتك يا باشا انا تى اى داتا معايا حلوه جدا
رد: TE DAATA وأسرع إنترنت فى مصر
الموضوع مش ديما اغلب الشركات كلة فية مشاكل مش تى اى داتا والهم كلة واحد وعيوب النترال اكتر ودة واضح ان الجهزة غير مجهزة لاستيعاب عدد المشتركين و مع ذلك يحث ضغط على الخطوط
رد: TE DAATA وأسرع إنترنت فى مصر
طيب يا جماعة كل اللي ساكن في المريوطية ياخد رقم تليفوني وأنا أنزله أشوف مشكلة خطه مالها وإن شاء الله تتحل.
خدمة مجانية.
الرقم : 0100246527
رد: TE DAATA وأسرع إنترنت فى مصر
والله علاء انسان محترم والله يجزية خير و ان شاء الله يقدر يساعدك
رد: TE DAATA وأسرع إنترنت فى مصر
اقتباس:
المشاركة الأصلية كتبت بواسطة Over-clock
والله علاء انسان محترم والله يجزية خير و ان شاء الله يقدر يساعدك
العرض متاح لجميع الأخوة. أي حد عنده مشكلة نت في سنترال المريوطية يكلمني ونتفق على الميعاد. خدمة مجانية.